Tag: Gloria Ntazola

Ndugu ya socialite Gloria Ntazola, ambaye hivi karibuni aliomba msamaha hadharani na kuomba asaidiwe kuanzisha biashara, sasa amepata ajira mpya licha ya kukataliwa na familia yake. Mdau wa Burudani Obidan Dela amethibitisha taarifa hizo, akisema kijana huyo ameajiriwa kwenye moja ya maduka ya kuuza mavazi jijini Nairobi. Kwa mujibu wa Dela, uamuzi huo umekuja kama juhudi za kumsaidia kijana huyo kuanza upya maisha bila kutegemea familia. Hatua hii inakuja siku moja baada ya Gloria Ntazola kuapa waziwazi kwamba hataweza tena kumsaidia ndugu yake huyo, akidai aliumizwa sana kihisia kutokana na matendo yake ya awali. Gloria alisema kwamba licha ya kumsaidia mara kadhaa, tabia za kijana huyo na kukosekana kwa mabadiliko vilimfanya kuamua kutompa nafasi nyingine.

Ndugu wa Socialite Gloria Ntazola ameomba radhi hadharani kufuatia sakata lililozua taharuki katika familia yao. Akipiga stori na mwanamitandao aitwaye 2Mbili, kijana huyo amekiri kusumbua familia na kuleta hali ya sintofahamu. Ameeleza kuwa anatamani kufunguliwa biashara ili kuanza upya na kujitegemea, akisisitiza kuwa hatua hiyo itamsaidia kurejesha imani ya familia na jamii. Kauli yake imekuja mara baada ya Gloria Ntazola kumfukuza kijana huyo nyumbani kwake kufuatia madai ya kumpiga mama yao mzazi na matumizi ya dawa za kulevya, jambo lililosababisha mzozo mkubwa wa kifamilia. Sakata hili linaendelea kuvutia hisia za mashabiki na wadau wa kijamii, huku wengi wakisubiri kuona kama familia ya Ntazola itakubali ombi hilo na kumsaidia kuanza upya.

Mwanamitindo na mjasiriamali Gloria Ntazola amefunguka kwa uchungu kuhusu masaibu aliyopitia akijitolea kumsaidia ndugu yake aliyekuwa katika uraibu wa dawa za kulevya. Gloria anasema alitumia zaidi ya shilingi milioni mbili kumpeleka kijana huyo kwenye kituo cha Rehab ili kusaidiwa kuacha matumizi ya dawa hizo. Zaidi ya hapo, amekuwa akimlipia karo ya mtoto wake na kumsaidia kutafuta njia za kujitegemea. Hata hivyo, licha ya msaada huo wote, anadai kijana huyo alionyesha ukaidi, akakataa kufanya kazi, na tabia zake zikazidi kuwa changamoto. Tukio lililomuumiza zaidi, anasema, ni pale alipopiga mama yao mzazi, jambo lililomlazimu kumfukuza nyumbani kwa ajili ya usalama wa familia. Kauli ya Gloria imekuja mara baada ya kijana huyo kujitokeza mtandaoni akiomba msaada watu wamsaidie na makazi, madai ambayo Gloria mwenyewe ameyakana akisema kuwa familia yao ina majumba ya kutosha ya kifahari.

Mrembo maarufu mtandaoni nchini Kenya Gloria Ntazola, anayejulikana kama Kanjo Lady, ameweka wazi kuwa hana mpango wa kufanyiwa upasuaji wa kuongeza makalio (Brazilian Butt Lift) licha ya mashinikizo kutoka kwa baadhi ya wafuasi wake mitandaoni. Gloria, ambaye hivi karibuni amefichua kuwa alifanyiwa upasuaji wa kuongeza maziwa na kuminya kiuno nchini Nigeria, amesema kuwa watu wengi wamekuwa wakimshawishi afanye BBL ili kukamilisha umbo lake. Kwa mujibu wa maelezo yake, makalio yake ya asili tayari ni makubwa, na haoni sababu ya kuongeza au kubadilisha chochote katika eneo hilo. Mrembo huyo amesema anaamini katika kufanya marekebisho anayoona yanafaa kwake binafsi, lakini si kufuata presha ya mitandaoni. Kauli yake imezua mjadala mitandaoni, baadhi ya watu wakimuunga mkono kwa kusimama na maamuzi yake ya urembo, huku wengine wakiendelea kutoa maoni tofauti kuhusu mabadiliko ya mwili kwa njia ya upasuaji.

Socialite anayesuasua mtandaoni, Gloria Ntazola ameibua mjadala mkali mtandaoni baada ya kuwakosoa wanaume wa Kenya hasa Nairobi kwa kile alichokitaja kama tabia ya kujibana wanapopeleka warembo kwenye miadi ya kimapenzi (Dates). Katika ujumbe wake uliosambaa mitandaoni, Gloria ameeleza kuwa wanaume wengi jijini Nairobi hawapendi kutumia pesa zao kununua chakula kizuri kwa wapenzi wao, badala yake hukimbilia vyakula vya bei rahisi kama chips na mayai. Mrembo huyo amesisitiza kuwa wanaume wanapaswa kuwa wakarimu zaidi na kujifunza kuwathamini wanawake wanaowaalika kwenye miadi mbalimbali. Hata hivyo ametoa changamoto kwa wanaume kukoma kuwaalika wanawake kwenye shughuli hizo kama hawana pesa za kutosha za kukimu mahitaji yao ya msingi. Gloria Ntazola amejizolea umaarufu kutokana na matamshi yake yenye utata kuhusu masuala ya mahusiano na mitindo ya maisha, na mara kadhaa amekuwa akizua mijadala mikubwa kwenye mitandao ya kijamii.

Socialite Gloria Ntazola ameibua mjadala mkali mitandaoni baada ya kutoa kauli tata kuhusu suala la ujauzito. Kupitia mitandao yake ya kijamii, Gloria alieleza wazi kuwa iwapo atapata mimba kwa sasa, ataichukua hatua ya kuitoa kwa sababu hana mpango wa kuzaa kwa wakati huu. Alisema hana mpango wa kulea mtoto kwa sasa na hakusita kusisitiza msimamo wake, akiongeza kuwa hata kejeli za watu haziwezi kumbadilisha maamuzi. Kauli hiyo imeibua hisia tofauti kutoka kwa mashabiki na wafuasi wake, baadhi wakimtuhumu kwa kupuuza thamani ya maisha, huku wengine wakimtetea kwa kusema kila mtu ana haki ya kuchagua mustakabali wa maisha yake. Hii si mara ya kwanza Gloria Ntazola kuzua mjadala mtandaoni kupitia kauli zake zenye utata. Wengi wanamfahamu kwa mtindo wake wa maisha wa kifahari na tabia ya kuzungumza kwa uwazi bila kujali maneno ya wakosoaji. Kauli yake ya sasa imeendelea kugawanya mitazamo ya mashabiki, huku ikitarajiwa kuibua mjadala mpana zaidi kuhusu maadili, uhuru wa wanawake katika kufanya maamuzi ya uzazi, na nafasi ya mitazamo ya kijamii kwenye maisha binafsi.