Tag: instagram

Kampuni ya Instagram imethibitisha kuwa ipo katika hatua za majaribio ya kipengele kipya kitakachowaruhusu watumiaji wake kushiriki tena (repost) machapisho ya wengine moja kwa moja kwenye wasifu wao. Katika taarifa rasmi, Instagram ilieleza kuwa kipengele hiki kinachojaribiwa kwa sasa na watumiaji wachache kinalenga kurahisisha usambazaji wa maudhui, bila kuhitaji kutumia mbinu za ziada kama screenshot au programu za watu wa tatu. Kipengele cha repost kitafanana kwa kiasi fulani na kile kinachopatikana kwenye mtandao wa X (zamani Twitter), ambapo watumiaji wanaweza kushiriki tena machapisho ya wengine kwa kubofya tu. Kwa mujibu wa Instagram, repost zitakuwa zinaonekana kwenye tab maalum katika wasifu wa mtumiaji, tofauti na machapisho ya kawaida. Hatua hii imepokelewa kwa maoni tofauti mitandaoni. Baadhi ya watumiaji wamekaribisha mabadiliko hayo wakisema yataongeza ushirikiano na ueneaji wa maudhui, huku wengine wakihofia uwezekano wa maudhui ya watu kutumiwa vibaya bila ridhaa au muktadha sahihi. Instagram, ambayo ni chini ya kampuni mama ya Meta, imesisitiza kuwa lengo la kipengele hicho ni kusaidia watumiaji kushirikiana zaidi na kuonyesha maudhui yanayowavutia au kuwagusa kwa urahisi. Endapo majaribio yatafanikiwa, kipengele cha repost kinatarajiwa kuzinduliwa rasmi kwa watumiaji wote duniani katika miezi ijayo.

Instagram ni app ambayo inataka watumiaji wote wawe na umri wa miaka 13 na kuendelea. Akaunti za watoto ambao wana umri chini ya hapo zitakuja kudhibitiwa. Instagram ina utaratibu maalum kwa watumiaji wa Miaka 13 mpaka 17: Akaunti zao ni lazima ziwe Private na hazina matangazo. Kampuni ya Meta imetoa ufafanuzi kuhusu utaratibu mpya wa kuhakiki umri wa watumiaji. Katika utaratibu mpya ambao umeanza kwa baadhi ya nchi, watumiaji watalazimika kuthibitisha umri kwa kujipiga Video ya Selfie huku ukiwa unageuka pande zote kuonyesha uso wako. Kisha baada ya kuchukua video ya selfie, utaituma Instagram na itakaguliwa kuthibitisha umri wako. Majibu ya kuthibitisha umri wako yanatoka kuanzia baada ya dakika 20. Instagram imeshirikiana na kampuni ya Yoti; ambayo ni kampuni kubwa duniani inayohusika na kuhakiki umri na details za mtu kwa kutumia picha. mfumo wake unakagua bila kufahamu picha ya mtu, bila kuhifadhi picha ambazo zinahakikiwa na safe katika kutunza data zake. Hatua nyingine ni kupiga picha kitambulisho au cheti za kuzaliwa. Na njia nyingine ni Vouching; ambapo unaweza kuomba mtu mzima athibitishe kuwa wewe ni mtoto. Akaunti ya mtu anayethibitisha hairuhusiwi kuthibitisha mtu zaidi ya mmoja