Tag: JOVIAL

Mkali wa sauti na maandishi ya muziki, Jovial, amewatolea uvivu baadhi ya watu wanaomshinikiza kutoa misaada kwa watu wenye uhitaji kwenye jamii. Kupitia instastory yake, Hitmaker huyo wa ‘Mi Amor’ amefichua kwamba amekuwa akipokea jumbe nyingi (DM) kutoka kwa mashabiki, wakihoji kwa nini hawasaidii watu wenye uhitaji na wasanii chipukizi wakati ana mafanikio makubwa kwenye muziki. Akipuzilia mbali pendekezo hilo, Jovial amesema kumsaini msanii kwenye lebo ya muziki ni biashara yenye athari za kisheria huku akisisitiza kuwa suala la kutoa misaada kwa jamii sio la kutangazwa au kuonyeshwa kwenye mitandao ya kijamii bali ni siri kati yake na mwenyezi Mungu. “The emotional blackmail on DM, about giving back to the society, specifically signing new artistes. Well giving back is a secret between me and my God, I do not do the social media parade,” Jovial alisema. “And please let us be exposed, signing an artist is not giving back to the community, it is business. I sign you, and you bring me money, You screw up, and I take you to court,” aliongeza.

Staa wa muziki nchini Jovial kwa mara ya kwanza ametusanua kuhusu maendeleo ya EP yake mpya ambayo itaingia sokoni ndani ya mwaka huu. Kupitia Inststory yake kwenye mtandao wa Instagram yake Jovial amethibitisha kukamilika kwa EP hiyo ambayo amedai kuwa ni ya kitofauti kwa sababu imebeba nyimbo ambazo ameimba kwenye mitindo mbali mbali. Hitmaker huyo wa ngoma ya “Jeraha” amesema kutayarisha EP hiyo haijakuwa jambo rahisi kwake kwa kuwa amepitia changamoto nyingi ambazo amedai nusra zimekatishe tamaa ila kwa sasa anamshukuru kwa kumsimamia hadi kukamilika kwa EP yake mpya. Mrembo huyo amewashukuru maprodyuza waliohusika kwenye uandaji wa EP yake kwa kusema bado anafanya marekebisho kwa baadhi ya nyimbo kabla ya kuachia rasmi ep yake. Hata hivyo hajatuambia jina ya EP, idadi ya ngoma itakayopatikana kwenye ep hiyo na tarehe rasmi ambayo ataachia kazi hiyo kwa mashabiki zake ila ni jambo la kusubiriwa.

Msanii nyota nchini Jovial amedokeza ujio wa EP yake mpya ambayo itaiachia ndani ya mwaka huu wa 2022. Katika mahojiano na Mungai Eve, Jovial amesema kwa sasa yupo chimbo anaanda EP mpya ambayo amedai kuwa itakuwa na ladha ya kitofauti sana kutokana na wasanii atakaowashirikisha kwenye kazi hiyo. Licha ya kutoweka wazi idadi ya ngoma na tarehe ambayo  Ep yake hiyo itaingia sokoni, Jovial amewataka mashabiki zake wakae mkao wa kula kupokea ujio wake mpya ambao utakuwa wa moto wa kuotea mbali sana. Utakuwa mapema mwaka wa 2020 Jovial aliahidi mashabiki zake kwamba ataachia EP mpya lakini hakufanikiwa kufanya hivyo kutokana msala wa Corona jambo ambalo lilimpelekea kusitisha mchakato mzima wa kutayarisha project hiyo.

Msanii wa kike nchini Jovial amewatolea uvivu wanaomkosoa kwa kucheza kimahaba na Rashid Abdalla ambaye ni mume wa mwanahabari maarufu nchini Lulu Hassana kwenye birthday yake juzi kati. Kupitia instastory kwenye mtandao wa Instagram Jovial amesema ameshangazwa na hatua ya wanawake kumshambulia mitandaoni kwa kitendo cha kucheza kimahaba na rashid abdalla huku akisema jambo hilo inaonyesha ni jinsi gani wanawake wanamuonea wivu mitandaoni wana matatizo mengi kwenye ndoa zao. Hitmaker huyo wa ngoma ya “Mi Amor” amesema hakuwa na nia ya kumnyanganya lulu hassan mume wake kama wengi wanavyodai kwenye mitandao ya kijamii kwani alikuwa anatoa tu burudani kwa watu waliokuwa wamehudhuria hafla ya kusherekea kumbukizi ya kuzaliwa kwa mwanahabari huyo. Hata hivyo amewataka wanawake wanaomkosoa kutatua changamoto zinazowakumba kwenye ndoa zao badala ya kumzushia madai ambayo hayana msingi wote mitandaoni akiwa kwenye shughuli inayomuingizia riziki. Kauli Jovial imekuja mara kupata ukosoaji mkubwa kutoka kwa walimwengu kutokana na video inayosambaa mtandaoni ikimuonyesha akicheza kimahaba na Rashid Abdalla kwenye  birthday yake kitendo kilichomfanya Lulu hassan aingilie kati kumzuia msanii huyo asiendelee kucheza na mume wake kimahaba zaidi kwenye performance yake.

Staa wa muziki nchini Jovial ameshindwa kumvumilia shabiki yake mmoja ambaye amemkosesha amani kwa kudai kuwa ana mapenzi dhati kwake. Kupitia instastory kwenye mtandao wa instagram jovial amesema shabiki huyo ameenda mbali zaidi na kuanza kuwalipa watu kumfuatilia sehemu anayoishi na maeneo anayotembea. Hitmaker huyo wa ngoma ya “Pita Nawe Remix” amesema amejaribu kumu-block mtu huyo na hata kumtishia atampeleka polisi lakini ameshindwa kubadilisha mienendo ya shabiki huyo ambaye anadai anampenda kwa dhati. Hata hivyo amewataka mashabiki zake wamsaidie kumkomesha shabiki huyo msumbufu huku akisema amechoka kukaa kimya kwani jambo hilo limeanza kumpa uwoga katika maisha yake.  

Msanii wa kike nchini Jovial amedokeza mpango wa kufanya kazi ya pamoja na mwanamuziki kutoka nigeria Oxlade. Kupitia insta story yake kwenye mtandao wa Instagram Jovial amesema anatamani kushirikiana na Oxlade kwenye wimbo wa pamoja kwa kuwa  yeye ni shabiki mkubwa wa hitmaker huyo wa ngoma ya Ojuju . Ujumbe ambao umewaaminisha watumiaji wengi wa mitandao ya kijamii huenda wawili hao wana wimbo wa pamoja ambao utatoka hivi karibuni. Utakumbuka mapema mwaka huu Jovial aliweka wazi kwamba hatofanya kolabo na msanii yeyote kwa kuwa ameshashirikisha na wasanii wengine kwenye nyimbo zao hivyo ni wakati wake wa kuachia nyimbo zake mwenyewe kama msanii wa kujitegemea licha ya kupokea maombi mengi. Hata hivyo alienda mbali zaidi na kusema kolabo ambazo zitatoka mwaka huu alizoshirikishwa na wasanii wengine ni zile alizofanya mwaka jana. Jovial ambaye anafanya vizuri na wimbo wa Mi Amor alioshirikishwa na Marioo tayari ameshirikiana na wasanii kama Mejja, Khaligraph Jones, Arrow Boy, Otile Brown na wengine wengi.

Msanii kike nchini Jovial ametoa onyo kwa mashabiki zake ambao kwa njia moja au nyingine wana mpango wa kumdhalalisha kijinsia akiwa jukwaani. Kupitia instastory yake kwenye mtandao wa Instagram msanii huyo amesema kuanzia sasa atakuwa anapambana moja kwa moja na shabiki atakayejaribu kumshika vibaya akiwa jukwaani anatambuiza huku akisisitiza kuwa atamshushia kichapo kabla walinzi wake awajaingilia kati Kauli yake Jovial imekuja mara baada ya shabiki yake mmoja wikiendi hii iliyopita kwenye performance kumvamia akiwa jukwaani na kumshika makalio pasi na idhini jambo ambalo lilimfanya kusitisha show yake kwa muda. Hata hivyo mashabiki walionekana kwa kughabishwa na kisa hicho ambapo wamewataka waandaji wa matamasha ya muziki kuwapa ulinzi wa kutosha wasanii wanapoalikwa kufanya shows kwenye matamasha yao

Female singer kutoka Kenya Jovial amefunguka na kudai kwamba hatokuja kumsamehe mwanaume yeyote anayemtelekeza mwanamke akiwa mja mzito kwani ujauzito ni kama ugonjwa. Kupitia Whatsapp Story yake Hitmaker huyo wa ngoma ya “Pita Nawe” ameandika ujumbe unaosomeka “Siwezi msamehe mwanaume anayemtelekeza mwanamke mjamzito mimba ni kama ungojwa asikuambie mtu unahitaji upendo wote mshukuru Mungu “ Kauli yake Jovial imekuja mara baada ya chapisho la mwanamke mmoja kusambaa mtandaoni akieleeza namna alivyotelekezwa na mpenzi wake akiwa mjamzito na baada ya kupata usaidizi kutoka kwa mwanaume mwingine,mpenzi wake wa zamani sasa anataka warudiane tena ikiwa ni miaka mitano tangu amkimbie.