Tag: kim kardashian

Rapa Kanye West anampa wakati mgumu sana Baby Mama wake Kim Kardashian hasa kwenye malezi ya watoto wao baada ya kuachana. Kwenye mahojiano na Podcast ya Mtangazaji Angie Martinez, Kim amesema kushiriki kwenye suala la malezi na YE ni jambo gumu sana. “It’s hard. Co-parenting, it’s really fu**ing hard.”, Alisema kwa masikitiko. Aidha Kim Kardashian amedai kuwa hataki tofauti zake na Kanye West ziwaathiri watoto na namna wanavyomchukulia Baba yao. “Ninaweza kuwa napitia magumu mengi, lakini kama nipo kwenye gari ninawapeleka shule na wanataka kusikiliza nyimbo za Baba yao, haijalishi ni yapi tunapitia, inabidi nitabasamu na niweke nyimbo zake na nicheze kama hakuna kibaya kilichotokea. Nikiwashusha tu nakurudi nyumbani, naangua kilio.” alieleza Kim Kardashian

Rapa Kanye West amelazimika kumpatia Kim Kardashian nyumba ambayo aliinunua mwaka jana, ikiwa ni sehemu ya makubaliano yao ya Talaka ambayo yamefikia mwisho. Rapa huyo kutoka Marekani atahamisha umiliki wa nyumba hiyo kutoka kwenye jina lake kwenda kwa Kim. YE alinunua Jumba hilo Desemba 2021 kwa ($4.5 million) zaidi ya KSh. Milioni 551 likiwa pembeni ya makazi ya Kim Kardashian eneo la Hidden Hills ambapo alifanya hivyo kwa lengo la kuwa karibu na familia yake baada ya kuachana na mkewe.

Rapa Kanye West na Kim Kardashian hatimaye wamefikia maridhiano ya Talaka na sasa YE atatakiwa kumlipa Kim Kardashian kiasi cha ($200k) zaidi ya Sh. Milioni 22 kila mwezi kwa ajili ya matunzo ya watoto yaani Child support. Kubwa zaidi lililofikiwa muafaka ni haki sawa katika malezi ya watoto (equal access) ambapo awali ilikuwa ngumu kwa YE kupata nafasi ya hata kuwaona watoto wake. Japo imeelezwa kwamba watoto watatumia muda wao mwingi kwa Mama yao, jambo ambalo hata YE aliwahi kulipitisha. Itakumbukwa, Mwanamama Kim Kardashian mwezi Februari, mwaka jana alifungua shauri mahakamani la kudai Talaka baada ya kuwa kwenye ndoa kwa takribani miaka 7 na Kanye West.

Mwanamitindo na aliyekuwa mke wa rapa Kanye West, Kim Kardashian ameonyesha kukasirishwa na kauli za aliyekuwa mume wake kuhusiana na tuhuma alizozitoa juu ya watu wenye asili ya kiyahudi. Kupitia ukurasa wake wa twitter Kim Krdashian ameandika “Hotuba ya chuki siyo sawa au yenye udhuru, Nasimama pamoja na jamii ya watu wa kiyahudi na naomba kauli hizo za kigomvi na zenye chuki kuelekea kwa wayahudi zifikie mwisho haraka” – Kim Kardshian Wiki iliyopita rapa Kanye West alitoa maneno ya chuki juu ya watu wenye asili ya kiyahudi huku akisema kuwa vyombo vya habari vya watu wa jamii ya kiyahudi vimekuwa vikitoa habari za kichonganishi zenye lengo la kuharibu jamii ya watu wa Marekani. Watu wa jamii ya kiyahudi wamekasirishwa na kauli hizo za rapa huyo, huku wengi wakitishia kufungua kesi dhidi ya Kanye West

Mwanamama Kim Kardashian ameripotiwa kuongeza pesa zaidi kwenye ulinzi lakini pia kuimarisha usalama wa watoto wake kufuatia Kanye West kuanika hadharani Jina la shule ambayo watoto wanasoma. Kanye West alijikuta akifunguka hadharani na kutaja Jina la shule hiyo kwenye mfululizo wa post zake kwenye mitandao ya kijamii wakati akipambana kuwajibu wakosoaji wake kwenye sakata la “White Lives Matter” ambalo lilishika vichwa vya habari kwa kuwakera watu weusi duniani kote.

Mwanamama Kim Kardashian amefunguka kwamba baada ya kumalizika kwa Tuzo za Wall Street Journal’s Innovator Awards (WSJ), Kanye West alimuita pembeni na kumwambia kwamba amefanana na katuni “Marge Simpson” ambaye ni mhusika kwenye animation maarufu nchini Marekani, The Simpsons. Kanye West hakuishia hapo, alienda mbali zaidi na kumwambia Kim kuwa amekwisha, jambo ambalo walimwengu kwenye mitandao ya kijamii wamehoji kuwa huenda Kanye ametoa maneno hayo kutokana na namna ambavyo baby mama wake kim amekuwa akivalia kwenye matukio mbali mbali Kauli ya Kim Kardashian imekuja siku chache baada ya kuweka wazi kuwa siku hizi amekuwa akipaniki hasa linapokuja suala la kupangilia mavazi tangu aachane na Kanye West. Kama unakumbuka, Kanye West ndio alikuwa stylist wa Kim Kardashian na mara ya mwisho kumvalisha ilikuwa ni kwenye kipindi cha Saturday Night Live (SNL)