Tag: king kaka

Rapa King Kaka amebainisha kuwa yeye kuwa hai na kuweza kufanya mambo kadhaa ya kawaida kama vile kula na kutembea ni muujiza. Katika mahojiano na Oga Obinna kwenye Kula Cooler Show, mwanamuziki huyo alifichua kuwa alipiga hatua ya kuenda hospitali baada ya ugonjwa kumlemea zaidi hadi kiwango alihisi kama angekufa. “Siku moja mke wangu alitoka kazini nikamwambia naona kama nitatolewa hapo ndani ya mfuko wa kubebea mwili na sitaki watoto waone hilo. Nilimwambia tuchague hospitali yoyote ile nitalala huko.” alisimulia. Alisema baada ya kufika hospitali alilazwa na madaktari wakaanza kumfanyia vipimo kadhaa bila kupata ugonjwa wowote. Miongoni mwa magonjwa aliyopimwa ni TB, UKIMWI, Saratani miongoni mwa mengine. “Ilifika wakati nilikuwa naomba ugonjwa.” alisema. King Kaka alifichua kwamba mchakato wa uponyaji wake ulianza usiku mmoja wakati bado akiwa amelazwa katika hospitali ambapo alianza kuona mambo yasiyo ya kawaida mwendo wa saa tisa usiku. “Nilianza kuona vitu sijui. Nilianza kuona mwangaza, nikaona giza. Niliona ni wakati wangu wa kuishia. Niliambia Mungu kama wakati wangu niko tayari. Huwa inafika mahali hata unakubali kifo.” alisimulia. Alisema baada ya kufichuliwa mambo ya ajabu alimuomba Mungu na kufanya amani naye kwani alihisi anakaribia kufa. Kiajabu, asubuhi iliyofuata alipata kifungua kinywa kwa mara ya kwanza baada ya siku tano hivi. Pia alikunywa supu baadaye, na baada ya siku Tano aliruhusiwa kuondoka hospitali. Mwishoni mwa mwaka 2021, King Kaka aliugua sana baada ya kufanyiwa vipimo vya afya vibaya. Alipoteza zaidi ya kilo 30 katika kipindi cha miezi minne ambacho alikuwa akipambana na ugonjwa usiotambuliwa.

Rapa King Kaka ametoa changamoto kwa wakenya kuanza kuwashabikia wanamichezo wao badala ya kushawishiwa kufanya hivyo na watu wa mataifa ya nje. Kupitia miitandao ya kijamii King Kaka amesema ameshangzwa na namna wakenya walijitokeza kumshangilia bondia wa Tanzania mandonga mtu kazi ilhali kuna wana michezo wengi wanaofanya vizuri kwenye nyanja mbali mbali. Hitmaker huyo wa “Wajinga Nyinyi” amewataka wakenya kuwa wazalendo kwani hawahitaji shinikizo za watu wa nje kuwafanya kufuatilia matukio mbali mbali ya michezo nchini. Hata hivyo wakenya kwenye mitandao ya kijamii wameonekana kutofautiana kimawazo na rapa huyo wakisema michezo nchini Kenya imekosa mvuto na mbwembwe kutokana wawekezaji duni.

Rapa King Kaka ameachia Album yake mpya iliyokuwa ikisubiriwa kwa hamu na mashabiki zake. Album aliyoipa jina la “2nd Life” ina jumla ya mikwaju 17 ya moto huku akiwa amewashirikisha wakali kama Wanavokali, Femi One, Iyaniii, Kanambo Dede,Solomon Mkubwa, Goodluck Gozbert na wengine wengi. 2nd Life ambayo ni Album ya sita kwa King Kaka, na tayari inapatikana kwenye mitandao yote ya ku-stream muziki duniani. Ikumbukwe King Kaka ameachia Album kwa ajili ya kumrudishia Mwenyezi Mungu fadhila kwa kumpa nafasi nyingine ya kuishi duniani ikizingatiwa kuwa mwaka 2021 nusra ampoteze maisha yake baada ya kuugua ugonjwa usiojulikana uliofanya kupoteza uzani wa kilo 33.

Rapa kutoka nchini Kenya King Kaka ametangaza kutoachia Album yake mpya kama alivyoahidi hapo awali kuwa itatoka Desemba 25. Kupitia ukurasa wake wa Instagram Bosi huyo wa Kaka Empire, amesema kutokana na ukubwa wa Album hiyo Uongozi wake umependelea itoke mwaka 2023 kwa sababu kuna wimbo wa msanii kutoka Jamaica ambao unapaswa kujumuisha kwenye album yake mpya. Rapa huyo amewaomba radhi mashabiki zake kwa kuchelewesha mchakato wa kuachia Album yake aliyoipa jina la “2nd Life” huku akiwashukuru kwa upendo ambao wamekuwa wakimuonyesha kwa miaka mingi. Album hiyo ambayo ni ya tano katika safari yake ya muziki ina jumla ya mikwaju 17 ya moto kutoka kwa wakali kama Wanavokali, Femi One, Iyaniii, Kanambo Dede,Solomon Mkubwa, Goodluck Gozbert na wengine wengi. 2nd Life ni Album ambayo King Kaka ameamua kuachia kwa ajili ya kumrudishia Mwenyezi Mungu fadhila kwa kumpa nafasi nyingine ya kuishi duniani ikizingatiwa kuwa mwaka 2021 nusra ampoteze maisha yake baada ya kuugua ugonjwa usiojulikana uliofanya kupoteza uzani wa kilo 33.

Hakika huu ni mwaka wa Neema kwa rapa kutoka Kenya King Kaka, hii ni baada ya kutangaza kuingia ubia wa kufanya kazi na jukwaa la kuto huduma za kimatibabu kwa njia ya kidijitali, Afya Rekod. Kupitia mitandao yake ya kijamii King Kaka amesema kuwa ushirikiano huo utasaidia kuendeleza ukuaji wa matibabu wa kidijitali nchini na hata kuwapunguzia wagojwa mzigo wa kusafiri kutafuta matibabu. Hitmaker huyo wa ngoma ya “Fight” amesema  ushirikiano huo pia unalenga kuhamasisha umma kuhusu matibabu kupitia mfumo wa kidijitali huku akisema kuna haja kwa hospitali au vituo vya afya kukumbatia mfumo wa kidijitali hasa katika kufuatilia hali ya wagonjwa waliolazwa. Kampuni ya Afya Rekod inajishughulisha na masuala ya kuhifadhi maelezo ya kibinafsi ya mgonjwa, taarifa kamili kuhusu aina ya ugonjwa anayougua mhusika kwa njia ya mtandao. Huduma zinazotolewa kupitia programu hizo ni upendekezaji wa tiba na ushirikiano na mawasiliano ya karibu kati ya mgonjwa na daktari wake. King Kaka ni mmoja wa mastaa wa humu nchini ambao kati siku za hivi karibu wamepata ubalozi wa makampuni mbali mbali kutokana na ushawishi wao mkubwa kwenye jamii, wiki kadhaa zilizopata alilamba dili nono la kuwa balozi wa  kampuni ya simu ya mkononi ya Itel.

Rapa wa Kenya King Kaka anazidi Kujipakulia Baraka Za Wazazi wake,hii ni baada ya kumjengea mamake mzazi mjengo wa kifahari. Kusindikiza taarifa hiyo, King Kaka amesimulia kisa kimoja ambacho kilimsukuma kutafuta hela ili kuja kumsaidia mama yake. “Siku moja nilifika nyumbani nikitoka shule, Askari wa Jiji alikuwa alikuwa ameweka kufuli kubwa sana mlangoni kwetu kwa sababu tulishindwa kulipa Kodi ya nyumba ya shilling 500. Nilimuahidi Mama yangu kwamba baadaye nitakuja kumnunulia nyumba. Sasa siku Nne zilizopita, tulifanya maombi tukiwa kwenye sebule ya nyumba hii ambayo nimemjengea.” ameandika King Kaka. Ni post ambayo imeshabikiwa na wafuasi wake kwenye mtandao wa instagram wakimpongeza kwa hatua ya kuwafanyia wazazi wake vitu vikubwa ambavyo vijana wengi wameshindwa kufanya.

Rapa King Kaka ametangaza ujio wa ziara yake ya muziki  nchini marekani  kwa kuanika mkeka wa miji ambayo atafanya shows zake. Kupitia ukurasa wao rasmi wa Instagram king kaka, ameipa ziara hiyo jina la  Coast To Coast Summer 2022  USA  Tour ambapo amesema itafanyika ndani ya miji 13. Ziara hiyo ambayo anafanya kwa ushirikiano na Rarequest Music Group inatarajiwa kuzunguka kwenye miji mbalimbali nchini Marekani ikiwemo Boston, Chicago, Minnesota, Atlanta, Dallas, na Los Angeles. Hata hivyo hajaweka tarehe na mwezi ambayo ataanza tour yake hiyo ila king kaka amewataka mashabiki zake kufuatilia mitandao yake ya kijamii kwani yupo mbioni kuweka mambo sawa.