Tag: RAYVANNY

Staa wa muziki wa Bongo Fleva Rayvanny amesema tangu aondoke kwenye Label ya WCB amejihisi kukua Kimuziki na kwa sasa anawaza mambo makubwa zaidi. Akizungumza na mtandao wa Habari Leo, amesema changamoto anazokutana nazo pamoja na ushindani uliopo kwenye game ya bongo fleva, vimemkomaza zaidi. “Ukweli sijutii maamuzi yangu, zaidi napambana ili niweze kuwa mkubwa zaidi, sababu huku kila kitu wakuulizwa ni Mimi na sababu ndio Boss mkubwa ninayehusika na mambo yote ikiwemo kulipa wasanii na mengineyo.” amesema Rayvanny. Aidha amesema kwa jinsi anavyofanya vizuri katika game hiyo, anaamini mpaka kufikia mwaka ujao atakuwa miongoni mwa wasanii wakubwa nchini na wenye wafuasi wengi kuliko ilivyo hivi sasa.

Mwanamuziki na C.E.O wa record label ya Next Level Music Rayvanny ametajwa na mtandao maarufu wa Forbes Africa katika orodha ya wanamuziki 20 kutoka barani Africa wanaotabiriwa kufanya vizuri katika muziki wa Afrika (future of the african music). Rayvanny ametajwa kwenye orodha hiyo sambamba na wasanii wengine wakubwa afrika kama Diamond Platnumz Burnaboy, Davido, Wizkid, Angelina Kidjo, Black Cofee, Tiwa Savage na wengine. Orodha hii ya Forbes imetaja kuzingatia uwakilishi na uhusika wa wasanii husika katika matamasha na tuzo kubwa za muziki kama Grammy.

Mwanamuziki wa Bongofleva Rayvanny ni kama amejibu yanaendelea mitandaoni kuhusu kupigwa faini ya shilling million 2 za Kenya na lebo yake ya zamani WCB. Kupitia instastory yake kwenye mtandao wa Instagram Rayvanny amechapisha ujumbe unao wajulisha watu wake kuwa yeye ni msanii anayejitegemea na yupo katika management nyingine kama alivyo weka utambulisho wake katika mtandao wa instagram. “Hellow my people RAYVANNY ni independent artist ,chek my new management for all bookings details on my bio” ameandika Rayvanny Kwa mujibu wa taarifa zinazoendelea kushika kasi kwa sasa mtandaoni zinaeleza kuwa mwanamuziki ambaye anatajwa kutoka kwenye record label ya WcB Wasafi Rayvanny amekumbana na faini ya shilling million 2 kutoka WCB kwa kukiuka sheria na kanuni za mkataba. Taarifa zinadai kuwa sababu kubwa ni kitendo cha mwanamuziki huyo kuhudhuria tamasha la mwanamuziki mwenzake Nandy “Nandy Festival” mapema mwezi uliopita mkoani Ruvuma nchini Tanzania, kabla ya kukamilisha masharti yote ya kujitoa katika record label hiyo ya WcB Wasafi ikiwemo kulipa kiasi cha zaidi ya Million 40 za Kenya.

Hatimaye msanii wa Bongofleva, Rayvanny ameiaga rasmi lebo ya WCB Wasafi ambayo alikuwa akifanya nayo kazi zake za kimuziki Kupitia ukurasa wake wa Instagram amemshukuru boss wa lebo hiyo msanii Diamond Platnumz kwa nafasi aliyompa. “Thank You wcb_wasafi ” – Ameandika Rayvanny ambaye hupenda kujiita Chui. Ikumbukwe, Rayvanny alisainiwa na WCB mwaka 2016, na tangu awe chini ya lebo hiyo ameachia ngoma nyingi, ikiwemo album moja pia ameacha alama ya mafanikio makubwa kama kushinda tuzo ya BET mwaka 2017, kutumbuiza kwenye tuzo za MTV EMA

Nyota wa muziki nchini Tanzania, msanii Rayvanny amefunguka namna anavyoumizwa na kuchomwa kwa vitu kwenye video zake, na sasa ametoa agizo kwa director wake Eris Mzava kutoweka scene za namna hiyo kwenye video za nyimbo zake. Rayvanny amebainisha hilo kupitia insta story yake ambapo ameteketeza kwa moto gari aina ya Alteza kwenye video yake mpya ya wimbo wa ” Te Quiero” aliyomshirikisha Marioo. “Najua kweli ni uhalisia lakini hakuna scene imeniumiza moyo kama scene ya kuchoma gari. Director Mzava naomba tuishie hapa kuchoma choma vitu” ameandika Rayvanny Instagram. Ikumbukwe, hii inakuwa mara ya pili kwa boss huyo wa Next Level Music kuteketeza vitu kwa moto kupitia video zake huku akitumia gharama kubwa katika uandaaji.

Nyota wa muziki wa Bongofleva, Rayvanny amedai kuwa video ya wimbo wake, “I Miss You” ambayo ndio video yenye gharama kubwa zaidi miongoni mwa zile ambazo zimetengenezwa nchini Tanzania. Boss huyo wa Next Level Music (NLM) amesema hayo kupitia insta story yake kwenye mtandao wa Instagram ambapo ameeleza, ametumia kipindi cha miezi mitatu hadi video ya wimbo huo aliyomshirikisha Zuchu kukamilika. Akifafanua zaidi kuhusu scene 3 za nguvu za video hiyo, Rayvanny amesema scene ya helikopta iliwatesa sana kwani kila ilipokuwa ikiruka iliwabidi kulipia kwani imeshutiwa vipande zaidi ya kimoja. Scene ya nyumba amesema ilibidi watengeneze nyumba na baada ya shughuli kuisha wakaichoma moto na Scene ya Train ameitaja kuwa pesa imetumika sana

Nyota wa muziki wa Bongofleva Rayvanny anaendelea kugonga vichwa vya habari kuhusiana na STREAMS za kazi zake mtandaoni. Good news ni kwamba Rayvanny amefanikiwa kufikisha jumla ya STREAMS Milioni 100 kwenye App namba moja ya kusikiliza na kupakua muziki mtandaoni ya Boomplay Music. Bosi huyo wa lebo ya Next level Music anakuwa msanii wa kwanza Tanzania na Afrika Mashariki kwa ujumla kufikia idadi hiyo kubwa ya streams. Aidha, kwa Tanzania anayemkaribia Rayvanny kuwa na idadi kubwa ya streams ni Diamond Platnumz ambaye hadi sasa ana zaidi ya streams Milioni 90.3.

Mshindi pekee wa tuzo ya BET Tanzania na Mkurugenzi wa lebo ya Next Level Music Rayvanny ameachia EP yake mpya inayokwenda kwa jina la Flowers 2. Rayvanny ameamua kuwa surprise mashabiki zake kwa kuachia EP hiyo mpya yenye nyimbo tisa huku akiwa amewashirikisha wasanii mbalimbali kama marioo, nadia mukami, zuchu, ray c, guchi na Roki. EP hiyo ni muendelezo wa EP yake ya kwanza ya Flowers iliyotoka mwanzoni mwa mwaka wa 2021 ikiwa na jumla ya nyimbo 8. Lakini pia ni EP ya tatu kwa mtu mzima Rayvanny baada ya new chui ep aliyotoka,mwaka wa jana ikiwa na jumla mikwaju sita ya moto. Mpaka sasa Rayvanny ana jumla ya EP tatu na Album moja ambayo ni Sound from Africa iliyotoka mwaka huu 2021