Tag: TORY LANEZ

Mtandao wa burudani wa TMZ umechapisha picha ya mfungwa anayeitwa Santino Casio, anayeshukiwa kumshambulia kwa kisu rapa Tory Lanez akiwa gerezani. Kwa mujibu wa TMZ, Casio anatumikia kifungo cha maisha gerezani kwa kosa la mauaji na anatajwa kuwa na historia ya matukio ya vurugu tangu alipoanza kutumikia kifungo chake. Tukio hilo la kushangaza liliripotiwa kutokea siku ya Jumatatu saa 1:20 asubuhi (7:20 a.m) katika gereza la North Kern, California, ambapo Tory Lanez alishambuliwa na kuchomwa kisu mara 14 kwenye maeneo mbalimbali ya mwili wake ikiwemo kichwani, kifuani, na mgongoni. Chanzo cha karibu na tukio hilo kimeripoti kuwa Tory aliwekwa kwenye mashine ya kupumua mara baada ya tukio kutokana na majeraha makubwa, lakini taarifa za hivi karibuni zinaeleza kuwa anaendelea vizuri akiwa katika Hospitali ya North Kern Medical Center. Tukio hili limeibua maswali kuhusu usalama wa wafungwa maarufu ndani ya magereza ya Marekani, hasa ikizingatiwa kuwa Santino Casio anatajwa kuwa tayari amehusika katika matukio mengine ya fujo akiwa jela. Tory Lanez, ambaye anatumika kifungo cha miaka 10 gerezani baada ya kupatikana na hatia ya kumpiga risasi mwanamuziki Megan Thee Stallion mnamo Julai 2020, huenda sasa akahamishwa kutoka gereza hilo kwa ajili ya usalama wake. Ripoti zinaonyesha kuwa endapo atarejeshwa tena North Kern, ulinzi wake utaimarishwa kwa kiwango cha juu zaidi. Hadi sasa, mamlaka ya magereza bado haijatoa taarifa rasmi kuhusu sababu ya shambulio hilo au hatua zitakazochukuliwa dhidi ya Santino Casio.

Rapa kutoka nchini Canada Tory Lanez, amedaiwa kupitia nyakati ngumu sana kwenye maisha yake na anajutia kwanini hakukiri makosa yake Mahakamani mwezi Disemba. Tovuti ya Rolling Stone imeandika taarifa hiyo wakati Tory Lanez akiwa rumande kwa sasa akisubiri hukumu yake ambayo itasomwa Februari 28 mwaka huu ambapo huenda akahukumiwa kifungo cha miaka 22 na miezi 8 Jela. Utakumbuka Tory Lanez alikutwa na hatia ya makosa matatu ikiwemo la kumshambulia na kumjeruhi kwa risasi aliyekuwa mpenzi wake mwanamuziki Megan Thee Stallion.

Hukumu ya Tory Lanez imesogezwa mbele kutoka Januari 27 na sasa itatoka Februari 28 mwaka huu. Wiki iliyopita Tory Lanez alimfukuza kazi mwanasheria wake na kumuajiri mpya (David Kenner) ambaye ana uzoefu na mashtaka ya jinai. wakili huyo “David Kenner” ambaye ana uzoefu katika kesi za jinai aliwahi pia kumsaidia rapa Snoop Dogg kwenye kesi yake ya mauaji mwaka 1993. Utakumbuka mwaka jana Tory alikutwa na hatia ya makosa yote matatu ambapo kifungo chake ni zaidi ya miaka 22 jela. Tory Lanez hadi sasa amebaki rumande akisubiri hukumu yake ambayo itasomwa Februari 28, mwaka 2023.

Mitandao mbalimbali ya nchini Marekani imeripoti kwamba Rapa Tory Lanez amemfukuza kazi Mwanasheria wake na kumuajiri David Kenner ambaye ana uzoefu mkubwa. David Kenner anatajwa kuwawakilisha wasanii na watu maarufu kwenye Kesi zao kubwa ikiwemo ile ya Suge Knight, CEO wa zamani wa Label ya Death Row. Lakini watalaamu wa masuala ya sheria wanasema, inaweza kuwa sio muda sahihi kwa Kenner kuweka mguu wake kwenye Kesi ya Tory Lanez kwani amechelewa sana, Kabla ya Mahakama kumkuta na hatia ndio ungekuwa muda mzuri zaidi. Tory Lanez ambaye yupo rumande kwa sasa, mahakama itatoa hukumu ya kesi yake Januari 27 mwaka huu hii ni baada ya kukutwa na hatia kumpiga risasi Megan Thee Stallion.

Mashabiki wa Rapa Tory Lanez, wameanzisha kampeni ya kushinikiza ombi la kukataa rufaa baada ya kutoridhishwa na maamuzi ya mahakama kwa rapa huyo katika kesi yake ya kumshambulia risasi Megan Thee Stallion Julai mwaka 2020. Mpaka sasa ombi hilo limefikisha zaidi ya saini 30,000 . Hatua hii imekuja siku chache kufuatia ya timu ya Tory Lanez kuonekana kutoridhishwa na maamuzi ya mahakama, ambapo wakili wake George Mgdesyan alidai anapanga kukata rufaa dhidi ya hukumu hiyo kwani hakuna ushahidi uliojitosheleza. Tory Lanez atabaki rumande akingoja hukumu yake kusomwa Januari 27, mwaka 2023 baada ya kukutwa na hatia kwenye mashtaka matatu ikiwemo kumshambulia Megan kwa kutumia silaha lakini pia kubeba silaha iliyopakiwa risasi na ambayo pia haijasajiliwa.

Staa wa muziki kutoka Marekani Tory Lanez ametoa angalizo kwa wanaume wawe makini na wadada wa karne hii kwa kuwa ni waongo kupitiliza. Kupitia ukurasa wake wa Twitter Tory Lanez amewataka wanaume kutowaamini wasichana haswa kwenye masuala ya mapenzi. “Baadhi ya wasichana wanaweza kukufanya uhisi kwamba wanaweza kujiua kama utaachana nao. Niko hapa kuwaambia washkaji zangu Mwanamke hawezi kujitoa uhai, Hiyo hali itamuondoka tu Jiokoe mwenyewe”, Ameandika. Hata hivyo hajajulikana ni kitu gani kimemfanya rapa huyo kutoa kauli hiyo yenye ukakasi ila walimwengu wamehoji huenda kuna mwanamke amepiga tukio la mwaka kwenye mahusiano yake kiasi cha kumuacha na makasiriko ya kuvunjwa moyo.