Tag: TUPAC SHAKUR

Aliyekuwa rapa kutokea Marekani, Tupac Amaru Shakur aliyefariki mwaka 1996, amezua gumzo katika mitandao mbalimbali ya kijamii baada ya picha zake kusambaa. Watu wengi wamehoji iwezekanaje picha za rapa huyo aliyefariki miaka 26 iliyopita, kuonekana na ubora zaidi kushinda hata baadhi ya picha za watu mbalimbali ambao bado wapo hai. “Picha za Tupac zina ubora kuliko picha za baadhi yetu tulio hai.” aliandika shabiki moja. “Tupac alikuwa na iphone 13 mwaka 1995?” aliuliza shabiki mwingine. Utata huo umefanya baadhi ya watu kuamini kuwa inawezekana, Tupac bado yupo hai kutokana na utata wa kifo chake, huku wengine wakimtaka rapa huyo kujitokeza kama bado yupo hai. “Tunajua bado upo hai Pac, tafadhali jitokeze tumekukumbuka sana.” aliandika shabiki mwingine.

Shairi kongwe ambalo liliandikwa na marehemu Tupac Shakur kipindi akiwa na umri wa miaka 11, kwa ajili ya kumpa zawadi Jamal Joseph na wanaharakati wa chama cha Black Panther, linapigwa mnada na kuuzwa kwa zaidi ya shilling million 34 za Kenya. Chapisho hilo ambalo halikuwahi kuachiwa rasmi linauzwa ikiwa ni takribani miaka 40 baada ya rapa huyo kuliandika kama zawadi kwa Jamal Joseph ambaye alikuwa na umri wa miaka 16 kipindi hicho akiwa miongoni mwa wanaharakati 21 akiwemo pia mama yake mzazi Tupac, Afeni Shakur ambao walikamatwa kwa tuhuma za kupanga kulipua bomu kwenye vituo vya polisi mjini New York.