Tag: wizkid

Album ijayo ya Wizkid itakuwa ya moto sana. Amethibitishia meneja wa zamani wa Chris Brown, Mike G kupitia ukurasa wake wa Twitter  kwenye picha ambayo amepozi na mkali huyo kutoka nchini Nigeria. Mwezi Oktoba mwaka wa 2021 wakati akiwa kwenye ziara yake ya muziki ‘Made In Lagos’ Wizkid alitangaza kuwa Album yake ya Tano itaitwa “More Love, Less Ego” na itatoka mapema mwaka huu. Mike G kwa sasa anafanya kazi na mastaa wa dunia akiwemo Wizkid, Burna Boy, Young Thug na The Kid Laroi.

Staa wa muziki kutoka nchini Nigeria Wizkid anaendelea kuchana mbuga Kimataifa mara baada ya kutangazwa kuwania tuzo za Billboard Music Awards kwenye kipengele cha Top R&B Song kupitia REMIX ya wimbo wake ‘Essence’ aliyomshirikisha Justin Bieber pamoja na Tems. Wizkid ambaye ni mshindi wa tuzo tatu za Billboard kupitia wimbo wa Drake ‘One Dance’ kolabo ambayo ilibeba tuzo hizo 3 usiku wa Mei 21, mwaka 2017. Hii inakuwa mara yake ya 8 kuingia kwenye nominations za tuzo hizo maarufu nchini Marekani. Tuzo hizo zinatarajiwa kutolewa Mei 16, huko Marekani, na mwaka huu wasanii The Weeknd, Doja Cat na Justin Bieber wakiongoza kuwa na nominations nyingi zaidi.

Staa wa muziki kutoka Nigeria Wizkid amewapongeza Waafrika wenzake Angelique Kidjo kutoka Benin na Black Coffee kutoka Afrika Kusini ambao waliibuka washindi kwenye tuzo za 64 za Grammy, ambao alikua akichuana nao kwenye vipengele tofauti tofauti. Wizkid ametoa pongezi hizo kwa wasanii hao kupitia insta story yake kwenye mtandao wa Instagram huku Wanigeria wakiwa bado na dukuduku kuwa msanii wao (Wizkid) ndio alistahili zaidi kupewa tuzo hizo. “Hongereni sana kwa kuendelea kuling’arisha bara la Afrika. Muziki wa Afrika unakua”, Ameandika WizKid. Ikumbukwe, Wizkid alitajwa kuwania vipengele viwili kwenye tuzo za grammy kupitia vipengele vya Best Global Music Perfomance na ngoma yake ya Essence) na Best Global Music Album na album yake Made In Lagos: Deluxe Edition).

Nyota wa muziki kutoka Nigeria Wizkid anaendelea kugonga vichwa vya habari kwa upande wa idadi ya watu wanaofutilia mziki wake kwenye digital platforms mbali mbali za kustream muziki duniani. Wizkid amefanikiwa kufikisha jumla ya STREAMS Milioni 100 kwenye App namba moja ya kusikiliza na kupakua muziki mtandaoni ya Boomplay Music, Hivyo amejiunga rasmi na Golden Club baada ya kupata idadi hiyo ya streams. Lakini pia anaungana na wakali wengine kutoka Nigeria waliofikisha idadi hiyo ya streams kupitia Boomplay ambao ni Davido, Omah Lay na Fire Boy. Utakumbuka wasanii Joeboy na Burna Boy tayari wana streams zaidi ya Milioni 200.