Wolves wameanza mwaka mpya wa 2026 kwa kishindo, wakipata ushindi wao wa kwanza wa Ligi Kuu England msimu huu baada ya kuwalaza West Ham United mabao 3-0 kwenye Uwanja wa Molineux Jumamosi.
Kikosi cha The Old Gold kilikuwa kimetoka kwenye mfululizo wa mechi 11 bila ushindi, ambapo walipata sare ya 1-1 dhidi ya Manchester United wiki iliyopita. Hata hivyo, walionyesha ari mpya kwa kuchukua uongozi mapema dakika ya nne kupitia Jhon Arias, aliyefunga bao lake la kwanza akiwa na Wolves baada ya kupokea pasi safi kutoka kwa Hwang Hee-chan.
Mashambulizi ya Wolves yaliendelea kwa kasi, na walionekana kujiamini zaidi kadri mchezo ulivyoendelea. Hatimaye waliongeza mabao mengine mawili yaliyoweka pengo kubwa na kuondoa shaka yoyote kuhusu matokeo ya mechi hiyo.
Kwa ushindi huo, Wolves wanabaki mkiani wa msimamo wa ligi wakiwa nafasi ya 20 na pointi 6, huku West Ham wakisalia nafasi ya 18 na pointi 14, hali inayoongeza presha kwa timu zote mbili katika vita ya kuepuka kushuka daraja.
