YouTube Yafungua Mlango Mpya wa Ubunifu Kupitia Akili Bandia
Robert Elim September 22, 2025
Comments (0)

YouTube Yafungua Mlango Mpya wa Ubunifu Kupitia Akili Bandia

Kampuni ya YouTube imetangaza kuanzisha rasmi matumizi ya teknolojia ya akili bandia (AI) inayoitwa Veo katika programu na tovuti zake, hatua inayolenga kurahisisha utengenezaji wa video kwa watumiaji wake duniani kote. Kupitia mfumo huu, watumiaji wataweza kutengeneza video kwa kutumia maelezo ya maandishi tu, bila kuhitaji ujuzi wa kina katika uhariri wa video au vifaa maalum vya kitaalamu. Veo ni teknolojia ya hali ya juu inayoweza kutafsiri maelezo mafupi (text prompts) na kuyabadilisha kuwa video za ubora wa juu. Kwa mfano, mtumiaji anaweza kuandika sentensi kama picha ya jua linapotua baharini na AI hiyo kutengeneza video inayolingana na maelezo hayo. YouTube imeeleza kuwa teknolojia hii inalenga kuwasaidia wabunifu wa maudhui wazo likitoka kichwani moja kwa moja hadi kuwa video halisi. Mbali na kutengeneza video mpya, mfumo wa Veo pia utawapa watumiaji uwezo wa kuhariri maudhui yao kwa kutumia sauti au maandishi, pamoja na kupokea mapendekezo ya uhariri kutoka kwa AI hiyo. Hii ni sehemu ya juhudi za YouTube kuendeleza ubunifu na kurahisisha kazi ya wabunifu wa maudhui wa kizazi kipya, bila kuwabana kwa gharama au ujuzi wa kiufundi. Kwa sasa, YouTube imesema mfumo huu utaanza kwa watumiaji wachache walioteuliwa katika kipindi cha majaribio kabla ya kusambazwa kwa watumiaji wote duniani. Wakati wadau wa teknolojia na ubunifu wakipokea habari hii kwa furaha, pia kumekuwepo na mjadala kuhusu nafasi ya binadamu katika uumbaji wa maudhui. Hata hivyo, YouTube imesisitiza kuwa lengo la Veo ni kuongeza ubunifu wa binadamu, si kuubadilisha.

Read More
Mbio za Moscow Zafungua Fursa Kubwa Kwa Wanariadha
Robert Elim September 17, 2025
Comments (0)

Mbio za Moscow Zafungua Fursa Kubwa Kwa Wanariadha

Makala ya 12 ya mbio za marathoni za Moscow yanatarajiwa kufanyika tarehe 21 mwezi huu katika mji mkuu wa Urusi, huku zaidi ya wanariadha 50,000 wakitarajiwa kushiriki katika mashindano hayo makubwa ya mbio za umbali mrefu. Wanariadha kutoka mataifa mbalimbali ikiwemo Kenya, India, China, Kyrgyzstan, Morocco, Belarus, Ethiopia, Afrika Kusini na mengineyo watapambana kwa nguvu zote kuwania ubingwa wa mbio hizo. Mashindano haya yataandaliwa kwa msaada wa Serikali ya Moscow na Idara ya Michezo ya jiji hilo, huku akisisitiza kuendeleza shughuli za michezo katika mkoa huo. Mbio za marathoni za Moscow ni sehemu ya mfululizo wa Ligi ya mbio za marathoni za BRICS, ambapo mwaka huu, wanariadha zaidi ya 1,800 watashiriki kwa mara ya tatu, idadi ambayo ni mara tano zaidi ikilinganishwa na mwaka jana. Zaidi ya washiriki 3,000 watashiriki kwa mara ya pili, jambo ambalo linaonyesha ukuaji mkubwa wa shindano hilo. Tarehe 20 Septemba, siku kabla ya mbio kuu, kutakuwa na mashindano ya mbio za kilomita 10, ambayo pia yamepata umaarufu mkubwa miongoni mwa washiriki kutoka mataifa mbalimbali. Mbio kuu za marathoni zenye umbali wa kilomita 42.2 zitaanza rasmi tarehe 21 Septemba, na zinatarajiwa kuwa na ushindani mkali kati ya wanariadha walioko katika kiwango bora kimataifa.

Read More
King Saha Aingilia Mzozo wa Alien Skin na Chameleone
Robert Elim September 17, 2025
Comments (0)

King Saha Aingilia Mzozo wa Alien Skin na Chameleone

Msanii wa Uganda, King Saha, ametoa onyo kali kwa Alien Skin akimtaka kuacha mara moja kumshambulia nyota wa muziki Jose Chameleone. Akiwa jukwaani wakati wa moja ya shoo zake jijini Kampala, King Saha amesisitiza kuwa yuko tayari kupambana na yeyote atakayemvunjia heshima Chameleone, akimtaja kama mlezi na msanii ambaye ametoa mchango mkubwa katika sekta ya muziki wa Uganda. Saha amesema licha ya changamoto au tofauti ambazo wakati mwingine zimekuwapo kati yake na Chameleone, heshima yake kwake haijawahi kupungua, na kwamba ataendelea kumtetea kila mara. Onyo hili linakuja wakati ambapo Chameleone na kiongozi wa Fangone Forest, Alien Skin, wamekuwa wakirushiana maneno kwa siku kadhaa. Mzozo huo ulianza baada ya Chameleone kuubeza wimbo wa Alien Skin “Kapati” akisema hauna thamani, hatua iliyochochea vita vya maneno kati ya wawili hao.

Read More
Jay Melody Amtishia Mtu Aliyemvunjia Heshima: Siku Moja Utaishia Jela!”
Robert Elim September 17, 2025
Comments (0)

Jay Melody Amtishia Mtu Aliyemvunjia Heshima: Siku Moja Utaishia Jela!”

Msanii wa Bongo Fleva, Jay Melody, ameacha mashabiki wake wakibaki na maswali baada ya kuandika ujumbe wa mafumbo kwenye Insta Story yake, hatua iliyozua mjadala mkubwa mitandaoni. Katika ujumbe huo, Jay Melody ameandika kwa mtindo wa onyo akimtahadharisha mtu ambaye hakumtaja moja kwa moja kwamba endapo ataendelea na tabia zake za usela anaweza kujikuta matatani na hata jela. Hitmaker huyo wa Mtoto ameongeza kuwa mtu huyo mara kwa mara huonekana akileta miyeyusho na kushindwa kuaminika, hali inayomfanya aonekane kama chizi machoni pa watu. Jay Melody pia amesisitiza kwamba siku moja mtu huyo ataingia katika matatizo makubwa na kuishia kujuta kwa matendo yake. Ujumbe huo uliachwa bila maelezo zaidi, jambo lililoacha mashabiki wake wakijiuliza kama msanii huyo alikuwa anamwandikia mtu maalum au alikuwa akizungumza kwa ujumla kuhusu maisha na tabia za baadhi ya watu. Mashabiki kadhaa mitandaoni wameonyesha hisia tofauti, wengine wakichukulia kama ujumbe wa mafundisho, huku wengine wakihisi huenda ni dongo lililotumwa kwa mtu maarufu.

Read More
Size 8: Nilitoka Mazingira ya Kishetani Kabla ya Kuokoka
Robert Elim September 17, 2025
Comments (0)

Size 8: Nilitoka Mazingira ya Kishetani Kabla ya Kuokoka

Msanii wa injili kutoka Kenya, Size 8, amefunguka kuhusu maisha yake ya awali akisema alitoka kwenye mazingira ya kishetani. Akipiga stori na podcast ya Mwakideu Live, amesema anaamini kuwa hali hiyo ndiyo iliyochangia kwa kiasi kikubwa kupaa kwake kwa kasi kwenye muziki wa secular na kupata umaarufu mkubwa katika kipindi kifupi. Size 8 ambaye pia ni kasisi, ameeleza kwamba ingawa alipata nafasi na mafanikio ya haraka katika tasnia ya burudani, hakuwahi kufurahia amani ya kweli moyoni mwake. Kwa mtazamo wake, nguvu alizokuwa akizipata zilikuwa za giza na ndizo zilizomsukuma mbele kwa njia isiyo ya kawaida. Baada ya kuokoka na kugeukia muziki wa injili, Size 8 sasa anasema hadithi yake ni ushuhuda wa jinsi Mungu anavyoweza kubadilisha maisha ya mtu yeyote. Anatumia mfano wake kuwatia moyo watu wanaopitia changamoto kuamini kwamba mabadiliko ni kitu cha kweli na kinachowezekana.

Read More
Brown Mauzo Atangaza Kugombea Kiti cha MCA Kileleshwa 2027
Robert Elim September 17, 2025
Comments (0)

Brown Mauzo Atangaza Kugombea Kiti cha MCA Kileleshwa 2027

Msanii Brown Mauzo, ametangaza rasmi kwamba atawania kiti cha Mjumbe wa Wadi (MCA) wa Kileleshwa katika uchaguzi mkuu wa mwaka 2027. Kupitia ujumbe wake kwa wakazi wa Kileleshwa, Mauzo amesema kuwa uamuzi wake umetokana na maombi na ushauri kutoka kwa jamii ambayo amekuwa akiishi nayo. Amesisitiza kuwa sauti ya wananchi wa Kileleshwa ndio imekuwa ikimpa motisha ya kuingia katika siasa. Mauzo ambaye pia ni mume wa zamani wa socialite Vera Sidika, ameongeza kuwa yuko tayari kushirikiana na wakazi wa Kileleshwa kubadilisha ward hiyo na kuboresha maisha ya watu. Hata hivyo, ameshukuru kwa imani na kuungwa mkono na wananchi, akiahidi kuendesha uongozi wa karibu na wananchi na unaolenga maendeleo.

Read More
Thee Pluto Akana Madai ya Kudate Mwanamke wa Kisomali
Robert Elim September 17, 2025
Comments (0)

Thee Pluto Akana Madai ya Kudate Mwanamke wa Kisomali

YouTuber maarufu wa Kenya, Thee Pluto, amejitokeza kufafanua madai yaliyosambaa mitandaoni kwamba ana uhusiano wa kimapenzi na mwanamke wa Kisomali. Akizungumza kupitia mitandao yake ya kijamii, Thee Pluto amesema kuwa si kila mtu anayepigwa naye picha au kuonekana naye hadharani ni mpenzi wake. Amesisitiza kuwa uvumi wa aina hiyo ni wa kupotosha na umekuwa ukiwaweka watu katika hali ya mkanganyiko kuhusu maisha yake ya kibinafsi. Thee Pluto, ambaye ni maarufu kwa majaribio yake ya uaminifu (loyalty tests) mitandaoni, ameomba mashabiki na wafuasi wake kutofautisha kati ya mahusiano ya kirafiki na kimapenzi, akiongeza kwamba si kila anayeonekana naye ana uhusiano wa kindoa naye.

Read More
Lillian Ng’ang’a Awahimiza Wanawake Kuangalia Ubora wa Wigs Wazotumia
Robert Elim September 17, 2025
Comments (0)

Lillian Ng’ang’a Awahimiza Wanawake Kuangalia Ubora wa Wigs Wazotumia

Mke wa Msanii Juliani, Lillian Ng’ang’a, ameibua mjadala mitandaoni baada ya kutoa ushauri kwa wanawake kuhusiana na matumizi ya wigs. Kupitia mitandao yake ya kijamii, Lillian amesema wanawake wanapaswa kupunguza matumizi ya wigs, kwani wigs zilizowekwa vibaya zinaweza kuharibu mwonekano mzuri wa make up na mavazi. Mwanamama huyo ameeleza kuwa make up nzuri na vazi zuri vinastahili kuendana na nywele zilizotunzwa au wig iliyowekwa kitaalamu, kwani muonekano wa nywele ni sehemu muhimu ya taswira ya mwanamke. Kauli yake imezua mjadala mitandaoni, baadhi ya mashabiki wakikubaliana naye wakisema mara nyingi wigs zisizo bora huondoa mvuto, huku wengine wakimtetea wakidai kila mwanamke ana uhuru wa kujionyesha kwa namna anavyotaka.

Read More
Msanii wa Elani, Maureen Kunga, Aachia Kazi Mpya kama Msanii wa Kujitegemea
Robert Elim September 17, 2025
Comments (0)

Msanii wa Elani, Maureen Kunga, Aachia Kazi Mpya kama Msanii wa Kujitegemea

Mwanamuziki wa Kenya na mshirika wa kundi maarufu la Elani, Maureen Kunga, ametangaza rasmi kuanza safari yake ya muziki kama msanii wa kujitegemea kupitia wimbo wake wa kwanza aliouachia kwa jina “Majaliwa.” Wimbo huo, ambao tayari umeanza kuvutia mashabiki mtandaoni, ni utunzi wa kipekee wenye kugusa hisia, kwani Kunga ameuandika kama heshima na shukrani kwa mama yake. Akizungumzia kazi hiyo mpya, ameeleza kwamba “Majaliwa” si tu wimbo wa mapenzi ya kifamilia, bali pia ni hadithi ya baraka na imani katika safari ya maisha. Maureen, ambaye amejulikana kwa sauti yake ya kipekee ndani ya Elani, amesema kuwa kuanza kwake kazi ya solo hakumaanishi mwisho wa kundi hilo, bali ni nafasi yake binafsi ya kuchunguza mitindo mipya ya muziki na kueleza hadithi zake binafsi. Mashabiki na wadau wa muziki wamepongeza hatua hiyo, wakimtaja Maureen kama msanii mwenye uwezo mkubwa wa kusimama peke yake katika tasnia ya muziki wa Afrika Mashariki.

Read More
Commentator 254 Akataa Kufichua Sababu za Kuachana na Moureen Ngigi
Robert Elim September 17, 2025
Comments (0)

Commentator 254 Akataa Kufichua Sababu za Kuachana na Moureen Ngigi

Content creator kutoka Kenya, Commentator 254, amekataa kufichua chanzo cha kuachana na mama ya mtoto wake Moureen Ngigi baada ya kukaa pamoja kwa muda mrefu. Akiwa kwenye channel yake ya YouTube, ameeleza kuwa ingawa amepokea maswali mengi kutoka kwa mashabiki wake kuhusu kilichosababisha kuvunjika kwa penzi lao baada ya miaka mitatu, hatatoa maelezo ya kina bila uwepo wa Moureen. Kauli hiyo imeibua hisia mseto mitandaoni, mashabiki wengine wakihisi kuna zaidi ya kile kinachosemwa, huku wengine wakisifu uamuzi wake wa kuheshimu faragha ya aliyekuwa mpenzi wake. Commentator 254 na Moureen Ngigi walikuwa moja ya wanandoa maarufu mtandaoni, wakijulikana kwa kushirikiana mara kwa mara kwenye maudhui ya YouTube na mitandao ya kijamii, hali iliyowafanya kujizolea mashabiki wengi.

Read More
Spotify Ya Bure Yapanua Uwezo wa Watumiaji
Robert Elim September 16, 2025
Comments (0)

Spotify Ya Bure Yapanua Uwezo wa Watumiaji

Watumiaji wa Spotify ambao hawalipi ada ya kila mwezi sasa wamepata habari njema baada ya kampuni hiyo kupanua huduma zake. Kwa sasa, watumiaji wa Spotify ya Bure wanaweza kucheza nyimbo wanazozitaka moja kwa moja kupitia playlists, albums, na hata kwenye profiles za wasanii. Hapo awali, mfumo wa bure ulikuwa na vizuizi kadhaa ambavyo vilikuwa vikiwalazimisha watumiaji kusikiliza nyimbo kwa mtindo wa “shuffle” pekee, na hivyo kuwanyima uhuru wa kuchagua moja kwa moja wimbo wanaoutaka. Hatua hii mpya inatazamwa kama jitihada za Spotify kuongeza idadi ya watumiaji wake na kuwapa uzoefu bora zaidi, huku ikishindana na majukwaa mengine ya muziki kama vile Apple Music, YouTube Music na Boomplay. Wataalamu wa teknolojia wanasema mabadiliko haya yanaweza kuongeza mvuto wa watumiaji wapya na kuwashawishi baadaye kujiunga na mpango wa kulipia ili kufurahia huduma za ziada kama vile kusikiliza muziki bila matangazo na kupakua nyimbo. Spotify, ambayo kwa sasa ni moja ya majukwaa makubwa zaidi ya kusikiliza muziki duniani, inaendelea kuboresha huduma zake ili kuendana na mahitaji ya wapenzi wa muziki katika kila kona ya dunia

Read More
Tokyo 2025: Kipyegon Atetea Ubingwa, Dorcus Ewoi Aipatia Kenya Fedha
Robert Elim September 16, 2025
Comments (0)

Tokyo 2025: Kipyegon Atetea Ubingwa, Dorcus Ewoi Aipatia Kenya Fedha

Mwanariadha anayeshikilia rekodi ya dunia Faith Kipyegon aliendeleza utawala wake katika mbio za mita 1500, aliposhinda taji yake ya nne mfululizo ya dunia katika siku ya nne ya Mashindano ya Riadha ya Dunia jijini Tokyo Japan. Kipyegon ambaye pia ni bingwa mara tatu wa Olimpiki alitumia muda wa dakika 3 na sekunde 52.15 na kujiongeza taji nyingine ya dunia. Alimaliza mbele ya mwenzake Dorcus Ewoi, ambaye alitumia muda wake bora wa dakika 3 na sekunde 54.92 kunyakua fedha, na Jess Hull wa Australia, aliyenyakua shaba kwa dakika 3 na sekunde 55.16. Kipyegon sasa mwanamke wa pili kushinda taji nne ya dunia katika mbio moja baada ya Shelly-Ann Fraser-Pryce ambaye ameshinda taji tano ya mbio za mita 100. Nelly Chepchirchir alimaliza wa nne kwa dakika 3 sekunde 55.25. Wakati huo huo, matumaini ya Kenya ya kunyakua medali zaidi katika Mashindano ya Riadha ya Dunia yaliboreshwa baada ya bingwa wa Olimpiki Emmanuel Wanyonyi na Kelvin Kimtai kufuzu kwa mbio za nusu-fainali ya mbio za mita 800. Kwa sasa Kenya inashikiliaa nafasi ya pili kwenye jedwali ya medali ikiwa na medali tano, 3 za dhahabu na moja ya fedha, nyuma ya Marekani, ambayo inaongoza kwa jumla ya nishani nane, zikiwemo sita za dhahabu.

Read More