Google imethibitisha rasmi kuwa inatumia video kutoka YouTube kama chanzo muhimu cha data katika kufundisha mifumo yake ya akili bandia, ikiwamo akili bandia zake za kisasa Gemini na Veo 3.
Kwa mujibu wa Google, video hizi hutoa muktadha halisi wa lugha na tabia za binadamu, jambo linalosaidia mifumo ya AI kuelewa lugha kwa undani zaidi na kutoa majibu yenye mantiki na usahihi. Hii ni sehemu ya mbinu za kisasa zinazolenga kuboresha uwezo wa AI katika kutafsiri, kuandika, na kufanya maamuzi kwa njia bora zaidi.
Mifumo ya Gemini na Veo 3 ni miradi mikubwa inayolenga kuleta mapinduzi katika sekta ya akili bandia, huku ikizingatia usalama wa data na kufuata sheria za faragha na haki miliki.
Google imeahidi kuendelea kuhakikisha matumizi hayo ya data yanafanyika kwa uadilifu, huku ikizingatia miongozo madhubuti kuhakikisha haki na usalama wa watumiaji.
Hii ni hatua kubwa inayowekwa mbele katika maendeleo ya teknolojia za akili bandia, ikionyesha jinsi makampuni makubwa yanavyotumia teknolojia za kisasa kuboresha maisha ya kila mtu.
