Mtangazaji na mchekeshaji Oga Obinna amewapongeza Wakenya kwa kusimama kidete na familia ya msanii Shalkidoh, ambaye alizikwa jana katika kijiji cha Kimbo Matangi, Kaunti ya Kiambu.
Akiwahutubia waombolezaji katika hafla hiyo, Oga Obinna amesisitiza umuhimu wa umoja na mshikamano katika kipindi cha majonzi, akieleza kuwa familia ya marehemu imepata faraja kubwa kutokana na msaada na upendo wa wananchi.
Oga Obinna pia amewahimiza Wakenya kuendelea kuenzi maisha na mchango wa Shalkidoh katika burudani na jamii, akisema kuwa urithi wake utabaki kuwa chachu ya motisha kwa wasanii wadogo na wapenzi wa muziki nchini humo.
Hafla hiyo ya mazishi ilihudhuriwa na wapenzi wa muziki, wasanii, marafiki, na familia, wote wakionesha hisia za kusikitika huku wakimkumbuka Shalkidoh kwa mchango wake katika muziki na burudani nchini Kenya.
