Tag: bahati

Mama anayedai kuwa mzazi wa msanii Bahati ameibuka na madai mapya akidai kuwa msanii huyo alihonga madaktari ili kubadilisha matokeo ya vipimo vya DNA. Kupitia video inayosambaa mitandaoni, mama huyo ameonyesha kutoridhishwa kwake na matokeo ya vipimo hivyo yaliyotolewa na maabara, ambayo yalionyesha kuwa hakuna uhusiano wa kibaiolojia kati yake na Bahati. Katika maelezo yake, mwanamama huyo amesema kuwa haamini matokeo ya vipimo vya DNA yalipangwa na kubadilishwa makusudi. Amedai kuwa Bahati ni mwanawe wa kumzaa na kwamba matokeo yaliyotolewa hayawakilishi ukweli. Aidha, amemtuhumu Bahati kwa madai ya kuwapa madaktari fedha ili kubadilisha majibu ya vipimo hivyo ili ionekane kuwa hawana uhusiano wa damu. Kisa hicho kimezua hisia tofauti miongoni mwa mashabiki na watumiaji wa mitandao ya kijamii, huku baadhi wakionyesha huruma kwa mwanamke huyo na wengine wakisema kuwa ni muhimu kuheshimu matokeo ya kisayansi ya vipimo vya DNA.

Matokeo ya kipimo cha vinasaba kati ya mwanamuziki wa Kenya Bahati na mwanamke aliyedai kuwa mama yake mzazi Judith Makokha yametolewa rasmi, yakionyesha kuwa wawili hao hawana uhusiano wa damu. Kwa mujibu wa ripoti ya maabara, uwezekano wa Makokha kuwa mama mzazi wa Bahati ni asilimia sifuri. Ripoti hiyo inaeleza kuwa uchambuzi wa vinasaba uligundua kutokulingana kwa alama kadhaa za kijenetiki, zikiwemo loci D3S1358 na D1S1656, hali iliyowafanya wataalamu kufikia hitimisho kuwa Makokha hawezi kuwa mzazi wa kimaumbile wa msanii huyo. Ikumbukwe Judith Makokha alijitokeza hadharani akidai kuwa ndiye aliyemzaa Bahati na kumwacha katika makao ya watoto yatima mwaka 1993. Madai hayo yalipingwa na Bahati ambaye kwa muda mrefu amekuwa akieleza kuwa mama yake mzazi, Lucia Mueni, alifariki mwaka 1992. Kutokana na mvutano huo wa muda mrefu, pande husika zilikubaliana kufanyiwa kipimo cha DNA ili kubaini ukweli wa madai hayo. Matokeo yaliyotolewa sasa yanathibitisha kuwa hakuna uhusiano wa kimaumbile kati ya Bahati na Judith Makokha.

Msanii nyota wa muziki, Bahati, amewataka mashabiki wake wawe na subira kufuatia shinikizo walilompa la kutaka atangaze matokeo ya vipimo vya DNA vinavyohusiana na mama mmoja aliyedai kuwa mzazi wake wa kumzaa. Kupitia mitandao yake ya kijamii, Bahati amesema kuwa suala hilo ni nyeti na linahitaji muda kabla ya kuweka wazi matokeo hayo kwa umma. Amesema kuwa anafahamu hamu ya mashabiki wake kutaka kujua ukweli, lakini akawaomba faragha ya kushughulikia jambo hilo kwa utulivu. Kauli ya Bahati imekuja baada ya kushindwa kutimiza ahadi yake ya kutangaza matokeo hapo jana, licha ya kuthibitisha wiki chache zilizopita kuwa angefanya hivyo Machi 3, kufuatia kukamilika kwa mchakato wa vipimo kati yake na mama aliyedai kuwa mzazi wake wa kumzaa. Hali hii imezua mjadala mkubwa mitandaoni, huku mashabiki wakisubiri kwa hamu kuona mwelekeo wa matokeo hayo na namna yatakavyoweza kuathiri maisha yake binafsi na taswira yake katika muziki.

Msanii wa muziki kutoka Kenya, Bahati, ameshindwa kujizuia baada ya kukutana ana kwa ana na mwanamke aliyedai kuwa ndiye mama yake mzazi mwishoni mwaka 2025. Katika video inayoenea mtandaoni, Bahati ameonekana kuguswa sana na tukio la mwanamke huyo kumkumbatia kwa muda mrefu huku akilia kwa uchungu. Kwenye video hiyo, Mama huyo ameoneka akiomba Mungu msamaha kwa kile alichodai kuwa ni kumpoteza mwanawe kwa miaka mingi, akieleza maumivu aliyoyabeba moyoni kwa kipindi chote hicho. Kupitia mitandao yake ya kijamii, Bahati amesema amechanganyikiwa na hajui aanzie wapi. Amekiri kuwa na maswali mengi kichwani mwake kuhusu maisha yake ya awali na ukweli wa madai ya mama huyo. Amesema hali hiyo si rahisi kuikubali mara moja, hasa ikizingatiwa historia yake ya kukulia katika mazingira ya changamoto tangu utotoni. Ikumbukwe mwanamke huyo alijitokeza mwishoni mwa mwaka jana akidai kuwa yeye ndiye mama halisi wa Bahati, akieleza kuwa amekuwa akimtafuta kwa muda mrefu bila mafanikio.

Msanii wa muziki kutoka Kenya, Bahati, amewashangaza mashabiki wake baada ya kuwaomba hadharani wamsaidie kwa kumpa ushauri wa mambo anayopaswa kubadilisha au kuboresha kuelekea mwaka wa 2026. Kupitia ujumbe aliouchapisha kwenye mitandao ya kijamii, Bahati amesema kuwa mwaka mpya unampa nafasi ya kujipima upya kama msanii, mume na baba, huku akisisitiza kuwa maoni ya mashabiki wake yana mchango mkubwa katika safari yake. Msanii huyo, amesema kuwa yuko tayari kusikiliza ukosoaji wa kujenga, iwe ni kuhusu muziki wake, tabia, mawasiliano na mashabiki, au mwelekeo wa maisha kwa ujumla. Bahati amesema atayapitia maoni yote na kuyazingatia kwa makini, akisisitiza kuwa yuko tayari kubadilika pale inapobidi kwa ajili ya familia yake, mashabiki na mustakabali wake kama msanii.