Tag: Burna Boy

Mwanamuziki kutoka Nigeria Burna Boy anaendelea kufanya vizuri kupitia album yake mpya na ya sita katika muziki wake iitwayo “Love, Damini” ambayo ilitoka rasmi Julai 8 mwaka huu. Habari njema ni kwa mashabiki wa mkali huyo ni kwamba, ameweka rekodi katika mtandao wa Boomplay kwa album yake hiyo yenye mwezi mmoja na siku kadhaa tangu itoke kufikisha Streams zaidi ya Milioni 100. Kufuatia hilo Burna Boy anakuwa msanii mwenye jumla ya Streams nyingi katika akaunti yake ya Boomplay akiwa na Streams Milioni 402.4 Mbali na hayo, album ya “Love, Damini” yenye hits mbalimbali kama “Kilometre” inashikilia rekodi ya muda wote kwa kuingiza nyimbo nyingi mfululizo kwenye chart mpya za muziki za Billboard US Afrobeats. Burna ameingiza nyimbo 19 zote toka kwenye album yake “Love, Damini.”

Burna Boy ameweka wazi kwamba wimbo wake “Last Last” umemuingizia pesa nyingi zaidi kuliko wimbo wake wowote ambao amewahi kuutoa. Wimbo huo ambao unapatikana kwenye album yake mpya ‘Love Damini’ uliachiwa rasmi mwezi Mei mwaka huu. Aidha asilimia 60 ya mapato ya wimbo huo yanaenda kwa Mwanamuziki wa Marekani Toni Braxton kwa kutumia kionjo cha wimbo wake ‘Not Man Enough’ wa mwaka 2000. Hata hivyo wimbo wa “Last Last” umeingia rasmi kwenye Chart za Billboard Hot 100, ngoma hiyo imechumpa na kukamata nafasi ya 86 kwenye chart hiyo wiki hii. Huu unakuwa wimbo wa kwanza kwa Burna Boy kufikia mafanikio makubwa kwenye chart hizo na pia ndio ingizo lake la kwanza. Aidha Album yake mpya (Love Damini) imechumpa hadi nafasi ya 14 kwenye chart za bora, Billboard 200.

Mwanamuziki kutoka Nigeria Burna Boy ameachia rasmi album yake mpya “Love Damini” yenye jumla ya ngoma 19 ikiwa na kolabo 9 pekee, huku kubwa nikutoka kwa wasanii wa Kimataifa akiwemo Ed Sheeran, J Balvin na Khalid. Good news, Album mpya ya Burna Boy “Love, Damini” imekuwa Album ya Kiafrika iliyoshika nafasi za juu zaidi kwenye chart za US iTunes baada ya kukamata namba 2 ikiwa ni chini ya masaa machache tangu iachiwe rasmi leo Julai 8. “Love Damini” ni album ya sita kwa Burna Boy baada ya kupata mafanikio makubwa na album yake ‘Twice as Tall’ iliyotoka mwishoni mwa mwaka 2020.  

Mwanamuziki kutoka Nigeria Burna Boy ameachia rasmi orodha ya ngoma zinazopatikana kwenye album yake mpya ya Love Damini ambapo ina jumla ya ngoma 19 ikiwa na collabo 9 pekee. Mkali huyo ambaye Julai 2 alisherehekea kumbukumbu ya kuzaliwa kwake, amewapa mashavu wasanii kama J Balvin, Ed Sheeran na wengine wengi kwenye album yake hii mpya. Album hiyo inatoka Julai 8, Ijumaa ya wiki hii. “Love Damini” inakuwa ni album ya sita kwa Burna Boy baada ya kupata mafanikio makubwa na album yake ‘Twice as Tall’ iliyotoka mwishoni mwa mwaka 2020.

Mwanamuziki wa Nigeria Burna Boy amejitokeza kukosoa mashabiki zake kwa jinsi wamepokea wimbo wake uitwao “Last Last”. Kupitia akaunti yake rasmi ya mtandao wa Tik Tok Burna Boy amesema watu wanafurahia wakichezea wimbo huo ilhali ni wa maumivu ya mapenzi. Ujumbe huo umewaaminisha walimwengu kuwa huenda mwanamuziki huyo anapitia wakati mgumu kuhusiana na maswala ya mapenzi jambo lilomsababisha kuandika na kuimba wimbo huo. Mwezi Januari mwaka huu burna boy alisema kwamba hataki tena kuwa na hisia kama binadamu na alikuwa tayari kulipa kiasi chochote cha fedha kwa yeyote ambaye angesaidia kumwondolea hisia. Lawama zake ziliambatanishwa na tukio la mwanamuziki huyo kuachana na mpenzi wake Stefflon Don ambaye pia ni mwanamuziki wa nchini Uingereza. Uvumi kuhusu kutengana kwa wawili hao ulisheheni mitandaoni mwezi Disemba mwaka 2021 na siku chache baadaye Burna Boy akathibitisha kupitia Instagram ambapo aliandika kwamba yeye hana mke.

Staa wa muziki kutoka Nigeria Burna Boy ametangaza rasmi kuachia album yake ya sita baada ya kupata mafanikio makubwa na album ya ‘Twice as Tall’ iliyotoka mwishoni mwa mwaka 2020. Akizungumza na mchekeshaji Trevor Noah kwenye, Burna boy amesema ataachia album yake mpya kwenye siku ya kuzaliwa kwake Julai 2 mwaka huu. Ikumbukwe, Burna Boy kwa sasa yupo Jijini New York Marekani kwa ajili ya tour yake ya “Space Drift” ambapo anatarajia kufanya show yake leo kwenye ukumbi wa ‘Madison Square Garden’ ambao unaingiza watu elfu 20 huku akiwa msanii wa kwanza kutoka Afrika kufanya show kwenye ukumbi huo.

Kijana aliyesukumwa stejini na  Burna Boy ameahidi kutovua shati mwaka mzima, shati ambalo alilivaa usiku ule aliosukumwa wakati akijaribu kuomba msaada kwa Staa huyo wa muziki kutoka nchini Nigeria. Kwenye mahojiano na vyombo vya habari nchini Nigeria kijana huyo amesema ni fahari sana kwake na alifurahishwa na lile tukio ndio maana ameapa kulitunza mwilini shati hilo mwaka mzima. Lakini pia amekiri mapenzi yake kwa Burna Boy ni makubwa sana na anamuomba msaada na wasanii wengine wa Nigeria wamsaidie kwani ana kipaji cha kuimba.