Tag: Chief Godlove

Mwanamitandao anayefahamika kwa jina la Chief Godlove amezua mjadala mkubwa mitandaoni baada ya kutoa kauli tata akiwalenga wanaume anaodai hawawajibiki kwa wake zao wala kutimiza mahitaji ya msingi ya kifamilia. Kupitia ujumbe alioutoa kwenye mitandao ya kijamii, Chiefgod Love amesema amechoshwa na wanaume anaowataja kuwa wazembe na wasiojua kuwajibika, akidai kuwa endapo wataendelea kupuuza majukumu yao, yuko tayari kuwaingilia kimapenzi wake zao. Chief Godlove amejinadi kuwa ana mali nyingi ikiwemo pesa na magari, akisisitiza kuwa itakuwa ni jambo la aibu kwa wanaume hao kumuacha kijana mdogo kama yeye achukue nafasi yao kwa sababu ya uzembe wao wenyewe. Kauli hiyo imekuja siku chache baada ya Chief Godlove kunukuliwa akidai kuwa anatumia nguvu ya jicho la tatu, na kwamba mizimu imemruhusu kushiriki masuala ya kimapenzi nje ya mipaka ya kawaida. Aidha, alidai kuwa kuanzia mwakani ataanza kuishi maisha hayo kwa mujibu wa imani zake za kiroho.

Mwanamitandao maarufu Chief Godlove amejitokeza kukemea madai yanayoenezwa mtandaoni yakidai kuwa ana uhusiano wa kimapenzi na msanii wake mchanga, Pipi Jojo. Katika video aliyoipakia Instagram, Chief Godlove ameonyesha kukerwa na taarifa hizo, akieleza kuwa zinamkosea heshima na msanii huyo ambaye ni mtoto wa umri wa miaka 16. Chief Godlove amesema kuwa ukaribu wake na msanii huyo unatokana na majukumu yake ya kumlea kimuziki na kumsaidia kukua katika tasnia, na si kutokana na sababu za kimapenzi kama inavyodaiwa mtandaoni. Chief Godlove pia amethibitisha kuwa siku ikifika, atatambulisha mke wake ili kuzima uvumi huo, akionyesha kuwa anahitaji kulinda faragha ya Pipi Jojo kutokana na umri wake mdogo. Tuhuma hizi zilianza kusambaa baada ya Chief Godlove kumpeleka Pipi Jojo kwenye sherehe ya yacht iliyolenga kusherehekea mafanikio yake mapya tangu alipotambulishwa rasmi kwenye muziki.

Mshawishi wa mitandao ya kijamii, anayejulikana kama Billionaire Chief Godlove, ameibua ghadhabu na mjadala mkali baada ya kuchapisha ujumbe wenye utata uliojaa dharau na kejeli dhidi ya wafuasi wake wanaohoji kuhusu utajiri wake. Katika ujumbe huo uliowekwa kwenye mtandao wa Instagram, mwanamitandao huyo ameonekana kuwadharau wafuasi wake, akijibu maswali ya mara kwa mara kuhusu chanzo cha pesa zake kwa madai kuwa utajiri ni sehemu ya utambulisho wake wa asili na si jambo analolitafuta au kulifanyia kazi mahali pengine. Godlove amewapa tahadhari wanaomkosoa, akiwataka kupunguza wivu, hasira, na mihemko isiyo na msingi. Ameeleza wazi kwamba wengi wanaomkosoa hawana msingi wa kufanya hivyo kutokana na hali zao duni za kiuchumi, kauli ambazo zimewafanya baadhi ya wafuasi kuhisi amewazungumzia kwa dharau kubwa na kuwaita maskini. Sanjari na hilo, amechochea mjadala kwa kuwaambia wafuasi wake waweke akaunti zao ili awape pesa, akionyesha mtazamo wa kuwadhihaki wale anaodai kuwa wanapitia changamoto za kifedha.

Mwanamitandao maarufu kutoka nchini Tanzania, Chief Godlove, ametangaza harakati zake za kutafuta mke baada ya kumtambulisha binti yake wa pili kutoka Kenya. Kupitia ukurasa wake wa mitandao ya kijamii, Chief Godlove amesema wazi kuwa anahitaji mwanamke mrembo kuliko mabinti zake, akitoa sababu kuwa uzuri huo unapaswa kuendana na uwezo wa kumhudumia na kuwatunza watoto wake. Godlove, amesema kuwa anataka mke atakayekuwa na utu, uvumilivu na sura ya kuvutia, akisisitiza kuwa uzuri kwa upande wake unapaswa kuwa wa hali ya juu kuliko ule wa mabinti zake ili kuendana na hadhi ya familia yake. Chief Godlove, ambaye mara nyingi hujulikana kwa utani na kauli zinazosisimua mijadala, amesisitiza kuwa anachotafuta ni mwanamke mwenye mvuto, upendo na uwezo wa kuleta utulivu katika maisha yake na ya watoto wake. Kwa sasa, mashabiki wake bado wanangoja kuona kama tangazo hili litageuka kuwa safari rasmi ya kumtafuta mke, au kama ni sehemu ya maudhui yake yanayovutia watazamaji mtandaoni.