Tag: CHRIS BROWN

Nyota wa Pop na RnB kutoka Marekani, msanii Chris Brown tayari ameachia album yake mpya iitwayo “Breezy” yenye jumla ya ngoma 24. Album hii mpya inakuwa ni album ya 10 kwa Chris Brown ikiifuata Indigo iliyotoka mwaka 2019. “Breezy” imewashirikisha wasanii kama Wizkid, Ella Mai, H.E.R., Lil Wayne, Blxst, Anderson .Paak, Jack Harlow, Tory Lanez na wengine.

Mwanamuziki nyota kutoka Marekani Chris Brown kwenye mahojiano na Drink Champs ameweka wazi kwamba rapa mkongwe Diddy alikataa kumsaini kwenye Label yake ya “Bad Boy”, kipindi ambacho alikuwa na umri wa miaka 12. Breezy amesema kwa kipindi kile miaka ya 1993 na kuendelea, record label kubwa ilikua ya rapa Diddy, hivyo kukataliwa kwake hakukuweza kumkatisha tamaa kufikia ndoto zake. Chris brown kwa sasa yupo kwenye media tour kwa ajili kutangaza album yake mpya “Breezy”, pamoja na ziara yake ya muziki ambayo itazunguka kwenye miji 27 ya Kaskazini mwa Marekani, itaanza Julai 15 mwaka huu.

Staa wa muziki kutoka Marekani Chris Brown ana zaidi ya miaka 17 kwenye huu muziki, amefanya matamasha mengi katika kipindi cha miaka yote hiyo lakini bado haijamfanya kulizoea Jukwaa. Breezy amefunguka kupitia Big Boy TV kwamba ziara yake ijayo pamoja na Lil Baby “One Of Them Ones” inamtia wasiwasi na kumnyima usingizi kabisa kwenye kuhakikisha anawapa furaha mashabiki ambao wamelipa pesa zao kuja kumtazama. Ziara hiyo ya muziki ambayo itazunguka kwenye miji 27 ya Kaskazini mwa Marekani, itaanza Julai 15 mwaka huu

Staa wa muziki kutoka Marekani Chris Brown amefunguka kwamba alirekodi nyimbo 250 katika kipindi cha miaka mitatu ambayo alikuwa akiitayarisha Album yake mpya “Breezy” ambayo itaachiwa June 24 mwaka huu. Katika nyimbo hizo 250 ilibidi zipunguzwe na kupatikana 23 ambazo zimetokea kwenye Tracklist ya Album hiyo. Kwenye mahojiano na Big Boy TV, Breezy ameelezea mchakato wa kupunguza ngoma hizo ambapo amesema nyimbo nyingi zilikuwa zinafanana ‘sound’ hivyo ilimchukua muda kuchagua na kupata hizo 23 kwa ajili ya masikio ya mashabiki zake. Album yake ya mwisho “Indigo” ya mwaka 2019 ilikuwa na Jumla ya nyimbo 32 na baadaye ziliongezwa nyimbo zingine na kufikia 42. Chris Brown anafahamika kwa kuwa na maktaba ya  nyimbo nyingi, mwaka 2017 wakati aki-promote Album yake ‘Heartbreak on a Full Moon’ alimwambia Mtangazaji Ebro kwamba ana nyimbo 800 kwenye simu yake

Moyo wa Chris Brown bado upo kwa Rihanna, hii ni baada ya kumpongeza Ex wake huyo kwa kupata mtoto wa Kiume pamoja na mpenzi wake Asap Rocky. Kupitia instastory yake kwenye mtandao wa Instagram Breezy ameandika ujumbe unaosomeka “Congratulations,” akiambatanisha na emoji za kushukuru huku pia akisindikiza na emoji ya mama mjamzito. Rihanna ambaye amejifungua mtoto wake wa kwanza wa kiume akiwa na umri wa miaka 34, Mei 13 mwaka huu, ripoti mbalimbali zinaeleza kwamba mtoto wake anaendelea vizuri ijapokuwa jina la mtoto huyo halijawekwa wazi. Mwaka 2009 Chris Brown alimpiga mwanadada Rihanna wakiwa kwenye gari na kumsababishia michubuko usoni kiasi cha kupelekea wawili hao kuvunja uhusiano wao wa kimapenzi. Hata hivyo Breezy alihukumiwa kifungo cha nje miaka 5 huku akiwa chini ya uangalizi pamoja na kufanya kazi za Kijamii.

Staa wa muziki kutoka Marekani Chris Brown ametupasha juu ya ujio wa Album yake mpya “Breezy”. Kupitia ukurasa wake wa Instagram ameandika Album hiyo itatoka mwezi Juni mwaka huu. Hitmaker huyo wa ngoma ya “Go Crazy” hajaweka wazi orodha ya nyimbo wala wasanii walioshiriki kwenye album yake hiyo. Hii itakuwa Album yake ya 10 ikiifuata Indigo iliyotoka mwaka 2019.

Mwanasheria wa kesi ya ubakaji ambayo inamkabili Chris Brown ametangaza kujitoa kwenye shauri hilo. Ariel Mitchell amesema amejitoa kufuatia ushahidi wa sauti (voice note) pamoja na ujumbe mfupi ambazo chris brown alizianika hadharani zikionesha hakuwa na hatia. Ushahidi uliotolewa na Breezy ulimuanika wazi mwanamke huyo kuwa ndiye alikuwa akimuhitaji mwimbaji huyo wa R&B tofauti na madai yake. Mwanasheria huyo amesema mteja wake hakumueleza ukweli kabla ya kumfungulia mashtaka Chris brown kwani angefuta kesi dhidi ya msanii huyo. Chris Brown ameendelea kudai aombwe msamaha hadharani, lakini pia ameendelea kuvitaka vyombo habari kuripoti habari hii kama ambavyo waliripoti tuhuma zake.

Mwanamuziki maarufu kutoka nchini Marekani Chris Brown ameibuka na kukanusha Taarifa  za kumbaka mwanamke mmoja huko Miami nchini Marekani Desemba 30 mwaka 2020. Kupitia instastory kwenye mtandao wa Instagram Breezy amepuuzilia mbali tuhuma hizo kwa kudai kuwa kila mara anapoachia kazi mpya watu hutengeneza mazingira ya kumchafulia jina. “I hope y’all see this pattern of [cap]. Whenever I’m releasing music or projects, ‘THEY’ try to pull some real b***t”. Ameandika Chris Brown. Kauli ya Breezy imekuja mara baada ya mwanamke ambaye hakutaka jina lake lifahamike kufungulia mashtaka ya ubakaji huku akidai fidia ya zaidi ya Bilioni 2.3 za Kenya kwani kitendo hicho kilimfanya apate matatizo ikiwemo mfadhaiko wa kihisia.