Tag: Diamond Platnumz

Msanii wa Bongofleva kutoka WCB Wasafi, Diamond Platnumz ametaja sababu za kushindwa kutimiza ahadi yake ya kushusha ndege binafsi pamoja na helikopta yake kabla ya kuisha kwa mwaka huu 2022. Akizungumza na Wasafi FM, Diamond amesema wakala aliyemtumia akimtaja kwa jina ‘Mr T’ ndiye aliyemfanya asitimize ahadi hiyo baada ya wakala huyo kushindwa kuleta ndege hizo licha ya kulipwa kila kitu. Kwa mujibu wake, kwa sasa wameamua kufikishana katika vyombo vya sheria na suala lao litashughulikiwa huko. Mapema mwaka jana, baada ya Diamond maarufu kama Simba kufanikisha ahadi yake ya kununua gari aina ya Rolls Royce Cullinan 2021, aliweka bayana nia yake ya kununua ndege binafsi.

Msanii maarufu wa Bongofleva na mmiliki wa Lebo ya WCB Wasafi, Diamond Platnumz analipwa takriban millioni 12 za Kenya kwa show za kimataifa anazofanya. Hayo ni kwa mujibu wa Meneja wa msanii huyo, Sallam SK akiongea kwenye mahojiano yake hivi karibuni ambapo amesema kwa show za Tanzania bei hiyo inapungua. “Milioni 230 hiyo ni nje ya Tanzania, hapa ndugu zetu lazima tutashusha. Kimsingi imewekwa kiwango hicho, kwa hiyo haziwezi kuwa show nyingi kama mwanzo” alisema Sallam SK. Katika hatua nyingine, Sallam SK amepuzilia mbali madai ya kwenda kuwa Meneja wa Harmonize na Konde Music kama ilivyodaiwa mtandaoni, amesema kufanya hivyo ni kujishusha kwa kuwa ameridhika na WCB Wasafi. Hata hivyo amekanusha stori za kuwahi kutoka kimapenzi na Baby mama wa Diamond Platnumz, Tanasha Donna ,kwa kusema kuwa yeye na mrembo huyo walikuwa marafiki wa muda mrefu.

Kampuni ya Millennium Stars Entertainment inayoratibu tuzo za Bongo Music Awards imepokea barua kutoka uongozi wa kampuni ya Wasafi Limited uliopendekeza kuondolewa kwenye mchakato wa Tuzo za Bongo Music Awards kwa msanii Diamond Platnumz kutokana na kuwa na ratiba ngumu itakayomzuia kupata muda wa kutosha kushiriki katika mchakato wa Tuzo za Bongo Music Awards 2022. Pamoja na mambo mengine uongozi wa Wasafi Limited wamepongeza na kushukuru kuona wapenzi wa muziki nchini Tanzania wamempendekeza kwa wingi msanii huyo. Kwa maana hiyo kampuni hiyo itamuondoa msanii Diamond Platnumz kwenye category zote alizokuwa amependekezwa muda wowote kuanzia sasa. Aidha, kampuni ya Millennium Stars Entertainment inaomba radhi kwa changamoto yoyote itakayojitokeza kwa mashabiki wa msanii Diamond Platnumz.

Moja kati ya vitu ambavyo Diamond Platnumz alivizungumza usiku wa kuamkia leo katika uzinduzi wa album mpya ya Barnaba “Love Sounds Different” ni kuhusiana na uwekezaji katika muziki hapa nchini unavyoyumba. Diamond ameeleza kwa undani namna wawekezaji wanavyosita kuingia katika muziki kwa sababu wakiangalia lebo kama WCB wakati fulani hali wanayoipitia hasa wasanii wake wakitaka kondoka inakua ni mshikemshike kitu ambacho Diamond amekisisitiza mbele ya Basata. Pia Diamond alimuongelea msanii aslayisihaka akisema kwamba ni mtu ambaye anamkubali na ana uwezo mkubwa sana na kama angekuwa chini ya usimamizi wake mwenyewe angefika mbali. “Kila mtu humu ndani anamjua Aslay, ana uwezo mkubwa sana, siongei kwa sababu niko hapa lakini Aslay angekuwa mikononi mwangu, asingekuwa huyu mnayemsikia, angefika mbali zaidi, au angepata mwekezaji mwingine hata kama siyo mimi, angefika mbali sana.” ameeleza Diamond Aidha, Aslay anatajwa kuwa ameshasaini na kampuni ya Sony Music na dili hilo lipo mbioni kutangazwa