Tag: HARMONIZE

Mkali wa muziki nchini Otile Brown amesifia uwezo wa msanii wa Bongofleva Harmonize katika verse ya wimbo wao wa pamoja waliofanya kwa mara ya kwanza. Otile Brown ametumia insta story yake kwenye mtandao wa Instagram  kuelezea hilo, ambapo amesema Harmonize amefanya vizuri katika ngoma hiyo huku akieleza fahari yake kwa mashabiki wa Tanzania na Kenya ambao watakua tayari kusikia kazi hiyo. Hivi karibuni Harmonize  akiwa nchini katika ziara yake ya kimuziki alitangaza wazi kuja na ‘EP’ itakayo kuwa na nyimbo 5 za pamoja kati yake na Otile Brown.

Nyota wa muziki wa Bongofleva Harmonize ametangaza ujio wa EP ya pamoja mkali wa muziki nchini Otile Brown. Harmonize ameweka wazi hilo akiwa jukwaani kwenye tamasha la Afro Vasha Disemba 12 mwaka huu huko Naivasha ambapo amesema EP hiyo itakuwa na Jumla ya mikwaju 5 ya moto. Hajabainika kama EP hiyo ni ile Harmonize alituahidi atawashirikisha wasanii 5 wa Kenya wenye vipaji bila kuangalia ukubwa wa msanii ila ni jambo la kusubiriwa. Ikumbukwe kabla ya Hitmaker huyo wa Teacher kutua nchini Kenya alidokeza mpango wa kufanya ziara ya kimuziki kwenye miji kumi za Kenya ambapo aliwapa nafasi mashabiki wapendekeze majina ya miji ambayo wangependa afanye tamasha lake la muziki.