Tag: iyanii

Msanii wa muziki nchini Kenya, Iyanii, amewagusa wengi baada ya kutangaza uamuzi wake wa kusaidia wafungwa kupitia mapato ya muziki wake. Kupitia podcast ya Mic Check, Iyanii amesema ameahidi kutenga asilimia 20 ya mapato yote atakayopata kutokana na muziki wake ili kuwasaidia watu walioko magerezani. Msanii huyo amesema hatua hiyo inalenga kuwapa wafungwa matumaini na kuwasaidia kuboresha maisha yao wakiwa kifungoni, akisisitiza kuwa kila mtu anastahili nafasi ya pili maishani. Iyanii ameendelea kusisitiza kuwa muziki kwake si burudani pekee, bali ni njia ya kurudisha kwa jamii na kugusa maisha ya watu wanaohitaji msaada.

Msanii nyota wa Afropop, Iyanii, ameendelea kung’ara kwenye tasnia ya muziki baada ya kushinda tuzo mbili katika hafla ya utoaji tuzo za Jamhuri mwaka huu Jijini Nairobi. Iyanii ametia kibindoni tuzo ya Best Male Artist of the Year, kutokana na mchango wake mkubwa na kazi zilizotamba nchini Kenya. Lakini pia ameshinda tuzo ya Music Collaboration of the Year kupitia single yake Donjo Maber, kazi iliyopokelewa kwa ukubwa na mashabiki. Kupitia Instastory yake, Iyanii amewashukuru mashabiki wake kwa kuamini safari yake ya muziki na kueleza kuwa ushindi huo ni hatua nyingine muhimu katika historia yao ya pamoja. Iyanii ambaye kwa muda amekuwa na njaa ya mafanikio, ameongeza kuwa kilicho mbele sasa ni malengo makubwa zaidi, ikiwemo kutazamia tuzo za kimataifa kama Grammy. Ushindi huu unathibitisha nafasi ya Iyanii kama mmoja wa wasanii wanaoendelea kuipa sura mpya muziki wa kizazi kipya nchini Kenya

Msanii wa muziki nchini Kenya, Iyanii, ameonyesha moyo wa kutoa na kuunga mkono jamii baada ya kutembelea Gereza la Kamiti Medium kwa shughuli za Utoaji Huduma kwa Jamii (CSR). Katika ziara hiyo, msanii huyo ametoa seti kamili ya vifaa vya muziki (sound system) kwa madhumuni ya kusaidia na kukuza vipaji vya wafungwa. Msaada huo unatarajiwa kuboresha mazingira ya mafunzo ya muziki gerezani, na kutoa fursa kwa wafungwa kuendeleza talanta zao wanapohudumia vifungo vyao. Vifaa hivyo vitatumika kwenye shughuli za burudani, maonyesho ya ndani ya gereza na mafunzo ya uanamitindo wa sauti. Hatua ya Iyanii imepongezwa na uongozi wa gereza pamoja na mashabiki wake, wakisema kwamba mchango wake utawasaidia wafungwa kujenga ujuzi, kujiamini na kupata nafasi mpya za kujifunza kupitia sanaa. Ziara hiyo imeweka msanii huyo kwenye orodha ya wasanii wanaotumia sanaa na hadhi yao kuinua jamii na kuleta matumaini mahali ambapo wengi husahauliwa.

Msanii nyota wa muziki wa Kenya, Iyanii, ameonyesha hisia zake baada ya kupuuzwa na waandaaji wa matamasha licha ya kuwa na nyimbo nyingi zilizovuma. Kupitia ujumbe wake, Iyanii amesema kuwa ni haki yake kama msanii kupata nafasi sawia na wengine, akieleza kuwa ni jambo lisilo la haki kuachwa nje ya matukio makubwa ya burudani. Hata hivyo, msanii huyo wa ngoma ya Donjo Maber amesema hatakata tamaa, akisisitiza kuwa anaamini muziki wake utazungumza kwa niaba yake na kuthibitisha thamani yake katika tasnia ya burudani. Kauli ya Iyanii imekuja baada ya mashabiki wake kuzindua kampeni mtandaoni iitwayo “Justice for Iyanii”, wakilalamikia namna waandaaji wa matamasha wanavyompuuza msanii huyo licha ya mafanikio yake makubwa. Mashabiki hao wamesema kuwa ni unyanyapaa na upendeleo unaoendelea katika sekta ya muziki, kwani Iyanii ameachia nyimbo nyingi zilizotamba katika kipindi cha mwaka moja uliopita, lakini bado hajapewa nafasi kwenye matamasha makubwa nchini Kenya.

Msanii Iyanii, ameahidi kuwatunuku wachezaji wa timu ya taifa ya Harambee Stars kwa kuandaa tamasha bure maalum, ikiwa ni njia yake ya kuwapongeza kwa uchezaji wao bora kwenye michuano ya CHAN 2024. Kupitia Ukurasa wake Instagram ameshindwa kuficha furaha yake kwa mafanikio ya timu hiyo na kupongeza kitendo cha wachezaji kumuonyesha upendo mkubwa kupitia hit single yake iitwayo Donjo Maber ambayo kwa mujibu wake ni moja kati ya ngoma pendwa zaidi kwa wachezaji wa timu ya taifa. Kauli ya Iyanii inakuja wakati ambapo Harambee Stars imekuwa ikionyesha matokeo mazuri katika mashindano hayo, hasa baada ya timu hiyo kupokea zawadi ya mamilioni ya fedha kutoka kwa Rais William Ruto kama motisha kwa mafanikio yao. Tamasha hilo linalopangwa litakuwa ishara ya kusherehekea juhudi na kujitolea kwa wachezaji wa Stars, huku pia likionekana kama hatua ya kuunganisha mashabiki wa soka na muziki nchini. Iwapo mipango itakamilika, hafla hiyo inatarajiwa kuwa moja ya matukio makubwa ya burudani mwaka huu, mashabiki wakisubiri kutangaziwa tarehe na mahali ambapo tamasha hilo litafanyika