Tag: KANYE WEST

Rapper Kanye West (YE) na mpenzi wake mpya Chaney Jones wameachana. Tovuti ya TMZ imethibitisha taarifa hiyo kwa kusema kwamba wawili hao wamefikia ukomo wa penzi lao baada ya ziara ndefu nchini Japan. Hakuna taarifa za yupi aliyempiga chini mwenzie lakini taarifa hizi zinakuja ikiwa ni siku chache baada ya kuonekana picha ya Kanye West akicheki movie na mwanamke mwingine. Kanye West (YE) na Chaney walianza kuonekana hadharani mwezi Februari mwaka huu na tayari mwanadada huyo alishachora Tattoo yenye jina ‘YE’ mkononi.

Rapper Kanye West amedokeza mpango wa kuja na filamu ya maisha yake. Kanye amemuomba mwigizaji Danny McBride kuvaa uhusika wake na kucheza filamu hiyo. McBride amethibitisha taarifa hiyo kwenye podcast ya Jimmy Kimmel Live kwenye mtandao wa Youtube kwa kusema kwamba YE alimpigia simu na kumpa ombi hilo. Mwigizaji huyo ambaye pia ni mchekeshaji wa nchini Marekani amesema alilipokea kwa mikono miwili wazo hilo la Kanye West. Utakumbuka Danny McBride alipatia umaarufu mkubwa kwenye Dunia ya filamu kwa kazi zake kali ikiwemo; Eastbound & Down, Good Vibes, The Righteous Gemstones, The Heartbreak Kid, Tropic Thunder, 30 Minutes or Less na nyingine kibao.

Timu ya kampeni ya Kanye West imetoa madai ya kuibiwa kiasi kikubwa cha pesa wakati wa kampeni za uchaguzi mkuu wa Marekani mwaka 2020, kwa njia za ulaghai. Kiasi cha pesa kilichoibiwa na mtu ambaye hakuwa kwenye team hiyo ya kampeni ya kanye west kimetajwa ni zaidi ya shilingi laki 4 za Kenya. Fedha hizo zilikuwa zikiibwa kuanzia Disemba mwaka wa 2020 hadi Februari mwaka wa 2021 katika akaunti ya Kanye West iliyopo katika First Bank of  Wyoming. Kanye West ambaye alikuwa akiwania kiti cha urais katika uchaguzi mkuu mwaka wa 2020  nchini Marekani alishindwa lakini hivi karibuni kwenye moja ya mahojiano yake ameahidi kuwania tena kiti hicho cha urais mwaka wa 2024.

Rapa kutoka Marekani Kanye West hatotumbuiza kwenye Tamasha la Coachella mwaka huu. Rapa huyo ameripotiwa kujiondoa kwenye orodha ya watumbuizaji wa tamasha hilo huku akiwa msanii kinara. Wakati mashabiki wakiwa bado na maswali juu ya uamuzi huo wa Kanye West, Rapa Travis Scott naye ambaye angeungana na YE Jukwaani, hatokuwepo kwenye tamasha hilo linaloanza wikendi ijayo huko Indio, California. Bado haijafahamika sababu hasa ya Kanye West kujiondoa, lakini kiuhalisia alikuwa na mwezi mgumu sana, akishambuliana mitandaoni na Kim Kardashian pamoja na Pete Davidson. Lakini pia  sakata lake na Trevor Noah lililomfanya kuondolewa kwenye orodha ya watumbuizaji wa Tuzo za Grammy.

Rapper kutoka Marekani Kanye West ameondolewa kwenye orodha ya Wasanii waliokuwa wamepangwa kutumbuiza kwenye ugawaji wa Tuzo za Grammy huko Las Vegas wiki mbili zijazo. Msemaji wa Kanye West amesema walipokea simu kutoka kwenye Academy kuwajulisha kuwa rapa huyo ameondolewa kwa sababu inayotajwa kuwa ni kuhusu tabia zake za mtandaoni. Mitandao ya Marekani imeripoti kwamba timu ya Kanye West haikushangazwa na uamuzi huo kutokana na Msanii huyo mwenye msimamo mkali kugonga vichwa vya habari kwa matukio yake ya hivi karibuni kwenye mitandao ya kijamii ambayo yalisababisha hadi akafungiwa akaunti yake ya Instagram kwa kukiuka sera za Mtandao huo. Kanye West ana shutuma za kutumia Instagram yake kuwapiga picha Watu kadhaa maarufu akiwemo Mke wake waliyeachana Kim Kardashian na mpenzi wake mpya Pete Davidson na pia alitumia Instagram yake kumkashifu Trevor Noah kwa kuzungumzia matukio yake kwenye kipindi chake cha The Daily Show.

Rapa kutoka Marekani Kanye West amekuwa mfano na sehemu ya Wanafunzi kujifunza. Rapa huyo ameingia kwenye mtaala wa elimu kwa kuwekwa kwenye Kitabu cha somo la Historia kwa Wanafunzi wa Sekondari nchini Marekani. Kikao chake na aliyekuwa Rais wa Marekani Donald Trump katika Ofisi ya Rais (Oval Office) ndani ya Ikulu ya White House mnamo Oktoba 11, mwaka 2018 kimeingizwa kwenye mtaala wa Somo la Historia kwenye Topic isemayo: US Democracy and Participation.

Sehemu ya tatu (3) ya filamu iliyojaa maisha ya Rapa kutoka nchini Marekani Kanye West iitwayo “Jeen-Yuhs” inatarajiwa kuzinduliwa Machi 2, Mwaka wa 2022 katika mtandao wa NetFlix. Filamu hiyo imetengenezwa kwa kuunganisha vipande vya video alizorekodiwa na marafiki zake waliokuwa wanamfatilia kwa takribani miaka 20. Matukio yaliyojumuishwa kwenye filamu hii ni kama kifo cha mama yake, Donda na matatizo yake ya afya ya akili pamoja na mchakato wake wa kugombea uraisi ulivyofeli. Documentary Hiyo Imeandaliwa na Waliokuwa Waongozaji Wa Video  Za nyimbo mbili za Kanye West Jesus Walk na Through The Wire  ambao ni Director Chike Ozah Pamoja na Clarence Simons. Hivyo Documentary ya Jeen-Yuhs Inatarajiwa Kuanza Kuonekana kwenye mtandao wa Netflix Machi 2 mwaka wa 2022.