Tag: Kenya Police

Timu ya Kenya Police FC iliendeleza mwenendo wake mzuri katika Ligi Kuu ya FKF baada ya kuibuka na ushindi wa bao 1–0 dhidi ya Sofapaka, katika mechi iliyochezwa jana jioni. Bao pekee la mchezo lilifungwa na Edward Omondi katika dakika ya 41, na likawa la kuamua hatima ya pambano hilo lililokuwa na ushindani mkali. Ushindi huo uliipa Police ushindi wake wa pili msimu huu katika mechi nne, huku mechi mbili nyingine zikimalizika sare, matokeo ambayo yanaendeleza rekodi yao ya kutopoteza mchezo wowote msimu huu. Matokeo hayo yameiwezesha Police kupanda hadi nafasi ya nane kwenye msimamo wa ligi wakiwa na alama 8, pointi sita nyuma ya Kakamega Homeboyz walio kileleni baada ya kucheza mechi tatu zaidi. Kwa upande mwingine, Sofapaka imerekodi kichapo chake cha tatu msimu huu katika mechi saba, na sasa inashikilia nafasi ya 10 ikiwa na alama 8, sawa na Kenya Police.