Tag: khaligraph jones

Rapa Khaligraph Jones, ameomba radhi mashabiki wake baada ya kuzua gumzo mtandaoni kufuatia kuonekana akirusha noti za dola katika video ya wimbo wake mpya uitwao Usipime. Kupitia ujumbe alioutoa, Khaligraph Jones amesema kuwa dola zilizotumika kwenye video hiyo ni prop money maalum kwa ajili ya shooting za video na filamu, na sio pesa halisi. Papa Jones, amesisitiza kuwa hana uwezo wa kugawa pesa kama ambavyo baadhi ya mashabiki walivyodhani, na akawataka waache kumuomba pesa. Kauli yake imekuja mara baada ya kipande cha video wa wimbo wake mpya kusambaa akirusha pesa, kitendo kilichowafanya mashabiki wengi kuanza kumuomba pesa, wakiamini kuwa fedha alizokuwa akirusha ni za kweli.

Rapa mkali kutoka Kenya, Khaligraph Jones, ametikisa mitandao ya kijamii baada ya kuachia kionjo (teaser) cha ngoma yake mpya inayotarajiwa hivi karibuni. Kupitia ukurasa wake wa Instagram, rapa huyo amewashangaza mashabiki kwa kuposti video fupi akionekana anachana kwenye beat kali, akionyesha umahiri wake katika uandishi na utoaji wa mistari mizito. Khaligraph amesindikiza video hiyo na caption iliyosomeka “USPIMEEEE MWANANGU”, kauli ambayo imetafsiriwa tofauti na mashabiki wake. Wengi wameichukulia kama ishara ya ngoma kali inayokuja, huku wengine wakidai ni ujumbe wa kuwachokoza wapinzani wake kwenye game ya rap. Ndani ya muda mfupi tangu kionjo hicho kichapishwe, video imepokea maelfu ya likes na maoni, mashabiki wakimsifia kwa kurejea kwa kishindo kwa bars nzito. Baadhi walionekana kudokeza kuwa huenda ngoma hiyo ikawa sehemu ya mradi mkubwa unaotarajiwa kuachiliwa hivi karibuni. Ingawa bado hajafichua jina la wimbo huo wala tarehe rasmi ya kuachiwa, wengi wanaamini Khaligraph anajiandaa kuachia ngoma kali itakayotikisa anga za muziki wa hip hop Afrika Mashariki.

Rapa mkali kutoka Kenya Khaligraph Jones ametangaza rasmi kuwa albamu yake Book of Jones ndiyo albamu bora zaidi katika historia ya muziki wa Kenya na Afrika Mashariki, akisisitiza kuwa hakuna mradi wowote kutoka ukanda huo uliowahi kufikia kiwango chake. Kupitia Instastory yake, Khaligraph amesema Book of Jones imeweka viwango vipya katika ubunifu, ubora wa sauti na ujumbe, akieleza kuwa albamu hiyo imebeba hadithi halisi za maisha, mapambano na mafanikio yake kama msanii aliyepitia changamoto nyingi katika muziki. Papa Jones ameongeza kuwa mradi huo uliandaliwa kwa umakini mkubwa, kuanzia utunzi wa nyimbo, uzalishaji hadi ushirikiano na wasanii mbalimbali, jambo linaloifanya kujitofautisha na albamu nyingine zilizowahi kutoka katika ukanda wa Afrika Mashariki. Ikumbukwe Albamu hiyo iliachiwa rasmi mwezi Aprili 2025 ikiwa na jumla ya mikwaju kumi ya moto, akiwashirikisha wasanii kama Nyashinski, Modercai, Dyana Cods, Abbas Kubaff na wengine wengi.

Rapa kutoka nchini Kenya, Khaligraph Jones, ametangaza kuingia rasmi katika ulimwengu wa fasheni kwa mpango mpya unaotarajiwa kuvutia mashabiki na wadau wa mitindo. Kupitia instastory yake, Rapa huyo amesema kuwa atazindua duka lake la mavazi na bidhaa za ubunifu mwaka 2026, hatua inayotafsiriwa kama mwanzo wa sura mpya katika safari yake ya kisanii na kibiashara. Kwa muda mrefu Khaligraph amekuwa akionekana katika mavazi ya kipekee yanayoendana na taswira yake ya uhodari na ubunifu, na sasa anaonekana kutaka kugeuza muonekano huo kuwa biashara madhubuti. Duka hilo litakuwa na mavazi ya kisasa, bidhaa za chapa yake na makusanyo yatakayoakisi mtindo wake wa kipekee unaojulikana na mashabiki wake. Wadau wa muziki na mitindo wanasema huu ni wakati mwafaka kwa rapa huyo kuchukua hatua hiyo, kwani ushawishi mkubwa mitandaoni vinaweza kulifanya jaribio hili kufanikiw­a kwa kiwango cha kimataifa.

Msanii nguli wa muziki wa rap nchini Kenya, Khaligraph Jones, ameanzisha rasmi rap battle ya wimbo wake mpya “Weyuat” baada ya kupata shinikizo kutoka kwa mashabiki wake mitandaoni. Khaligraph amesema awali hakupanga kufanya challenge hiyo, lakini mashabiki wake waliamua kuigeuza kuwa challenge rasmi. Amesema atapakia instrumental ya wimbo huo ili rappers wote wanaohisi wana uwezo waweze kuonyesha kipaji chao kupitia beat hiyo. Pia ameongeza kuwa endapo mambo yataenda vizuri, huenda wakafanya remix maalum ya wimbo huo. Rapper huyo ameahidi kutoa nafasi sawa kwa washiriki wote, akisisitiza kuwa changamoto hiyo ni jukwaa la kuibua vipaji vipya katika muziki wa rap Afrika Mashariki.

Mfalme wa rap nchini Kenya, Khaligraph Jones, amedokeza uwezekano wa kufanya kolabo na msanii anayechipukia kwa kasi, Toxic Lyrikali, huku akimsifia kwa kuendelea kushikilia mizizi ya rap nchini humo. Kupitia mazungumzo yaliyowekwa wazi na mdau wa muziki Thithad3, Khaligraph ameonyesha kuvutiwa na kazi ya Toxic, akisema kuwa kwa sasa ndiye anayeshikilia uhalisia wa rap nchini humo. Ameongeza kuwa iwapo watashirikiana kwenye wimbo, itakuwa ni kwa muda muafaka bila presha wala haraka. Iwapo kolabo hiyo itatimia, itakuwa moja ya ushirikiano unaosubiriwa kwa hamu zaidi katika muziki wa hip hop wa Kenya mwaka huu. Toxic Lyrikali, ambaye amekuwa akipata umaarufu kutokana na mtindo wake wa uandishi wa mashairi makali na uhalisia wa mitaani, anaendelea kutajwa kama mmoja wa wasanii wanaochukua nafasi kubwa katika kizazi kipya cha muziki wa hip hop nchini Kenya.

Rapper Khaligraph Jones ameonyesha heshima yake kwa aliyekuwa Waziri Mkuu wa zamani, hayati Raila Amolo Odinga, kwa kufichua michoro kadhaa (murals) ya kiongozi huyo zilizowekwa ndani ya jumba lake. Katika video iliyosambaa mitandaoni, Khaligraph anaonekana akitembea ndani ya nyumba yake ya kifahari, akionyesha kuta zilizopambwa kwa picha kubwa za Raila Odinga katika mitindo tofauti ya kisanaa. Msanii huyo amesema hatua hiyo ni njia yake ya kuenzi urithi na mchango wa Raila katika siasa na maendeleo ya Kenya, akimtaja kama kiongozi aliyeinua matumaini ya vizazi vingi. Mashabiki wake wengi wamepongeza hatua hiyo, wakisema ni ishara ya heshima na upendo kwa kiongozi ambaye amekuwa na athari kubwa katika historia ya taifa.