Tag: Marioo

Msanii wa Bongo Fleva Marioo anatuhumiwa kutumia maroboti kupata views za wimbo wake mpya “Oluwa”, baada ya kazi hiyo kufikisha views milioni moja ndani ya siku mbili pekee tangu kuachiwa kwake. Madai hayo yameibuka miongoni mwa mashabiki na wadau wa muziki mitandaoni, wakidai kasi ya kupanda kwa views hizo haieleweki kirahisi ikizingatiwa hali ya sasa ya soko la muziki nchini Tanzania. Baadhi ya mashabiki wamehoji alipataje idadi hiyo kubwa ya watazamaji kwa muda mfupi, hasa wakati huu ambapo Watanzania wengi wanadaiwa kususia kazi za wasanii kufuatia kujihusisha kwao na siasa za uchaguzi zilizokumbwa na utata. Aidha, wengine wamedai kuwa wimbo wa “Oluwa” hauonekani kwenye orodha ya nyimbo zinazovuma au trending nchini Tanzania, jambo lililozidi kuibua shaka kuhusu uhalali wa takwimu hizo. Mjadala huo unaendelea kushika kasi mitandaoni huku wengi wakisubiri kauli ya msanii huyo au timu yake ya usimamizi.

Staa wa muziki wa Bongo Fleva, Marioo, ameonyesha wazi upendo wake wa dhati kwa mpenzi na mama wa mtoto wake, Paula Kajala, kwa maneno ya kimahaba yaliyowagusa mashabiki wengi mitandaoni. Kupitia ukurasa wake wa Instagram, Marioo amemsifia Paula kuwa ndiye mwanamke mzuri kuliko wote duniani, na kwamba akiwa na uhakika wa penzi lake, anachohitaji kwa sasa ni kuendelea kujituma kutafuta hela. Msanii huyo amesema kuwa mapenzi ya kweli huleta utulivu na motisha katika maisha, jambo ambalo linalomfanya azidi kujikita katika kazi yake ya muziki na kuhakikisha Paula anaishi maisha bora. Marioo na Paula wamekuwa pamoja kwa muda sasa, wakiendelea kuthibitisha uimara wa penzi lao kupitia picha na video wanazoshiriki mara kwa mara kwenye mitandao ya kijamii.

Msanii wa Bongo Fleva, Marioo, amefunguka kwa hasira akilalamikia watu maarufu, wanasiasa na marafiki wanaodaiwa kumtongoza mke wake Paula Kajala. Kupitia instastory, amesema amekuwa akivumilia kwa muda mrefu vitendo vya baadhi ya watu maarufu wanaojaribu kuingilia uhusiano wake, lakini sasa ameamua kuweka mambo hadharani. Hitmaker huyo wa Dunia, ameeleza kuwa ataweka wazi majina na ushahidi wa mazungumzo ya watu wanaomtongoza mchumba wake, akisisitiza kuwa hana tena uvumilivu. Msanii huyo pia amefichua kuwa kipindi mpenzi wake alipokuwa na ujauzito, baadhi ya watu walimshawishi kutoa mimba kwa kisingizio kwamba hangemfaa tena, lakini amesema anamshukuru mama mtoto wake kwa kuonyesha ujasiri na msimamo. Ujumbe huo umechochea maoni mseto mtandaoni, huku mashabiki na wadau wa muziki wakitafsiri maneno ya Marioo kama dalili za msongo wa mawazo au hasira kutokana na mambo ya uhusiano. Wengine wameshauri msanii huyo kutuliza hasira na kushughulikia masuala binafsi nje ya mitandao ya kijamii.

Msanii wa Bongo Fleva, Marioo, amefunguka kuwa kuchelewa kwake kuachia video yake mpya kumetokana na wivu wa mpenzi wake, Paula Kajala, ambaye ni binti wa muigizaji maarufu Frida Kajala. Kupitia Instagram, Marioo amesema alitarajia kutoa video hiyo jana kama alivyoahidi kwa mashabiki wake, lakini Paula alimzuia kutokana na baadhi ya vipande vilivyomo kwenye video hiyo ambavyo hakuridhika navyo. Mkali huyo wa ngoma ya Dunia, ameeleza kuwa mpenzi wake alionyesha wivu mkubwa akisema kuna sehemu ambazo hazimpendezi, ingawa yeye binafsi hakuona tatizo lolote katika picha hizo. Marioo ameongeza kuwa amewekeza fedha nyingi katika utayarishaji wa video hiyo, na kuchelewa kwake kumeathiri ratiba aliyokuwa amepanga kwa ajili ya mashabiki wake. Hadi sasa, Marioo hajatangaza tarehe mpya ya kuachia video hiyo, lakini amesema anafanya jitihada za kutatua tofauti hizo ili mashabiki wake wapate kazi hiyo muda si mrefu.