Tag: Oga Obinna

Msanii wa vichekesho na mwanahabari, Oga Obinna, amezua mjadala mitandaoni baada ya kukataa waziwazi ombi la kutoka kimapenzi na shabiki wake mwenye umri wa miaka 18. Kupitia picha za skrini shots zilizosambaa mtandaoni, Obinna anaonekana akiweka wazi msimamo wake kwa kuamwambia binti huyo kuwa bado ni mdogo sana na akamshauri aelekeze nguvu zake kwenye masomo na kujijenga kwa ajili ya maisha ya baadaye. Obinna pia ameongeza kuwa ana vigezo maalum linapokuja suala la mahusiano, akisema hupendelea kuchumbiana na kina mama wasio na wenza wenye umri wa miaka 24 na kuendelea kwa sababu ya uelewa na mtazamo wao wa maisha. Tukio hilo lilianza pale shabiki huyo alipohudhuria hafla moja akiwa amebeba bango lililoonyesha nia yake ya kutaka kuchumbiana na Obinna, huku akiweka wazi namba yake ya simu. Baadaye, alidaiwa kuendelea kuwasiliana naye kupitia ujumbe binafsi.

Mtangazaji na mchekeshaji wa Kenya, Oga Obinna, hatimaye ameitikia wito wa mapenzi baada ya kutimiza ahadi yake ya kukutana na binti aliyemlia akimuomba penzi hadharani kupitia video iliyosambaa mitandaoni. Kupitia ukurasa wake wa Instagram, Obinna ameshiriki video ikimuonyesha akiwa kwenye chakula cha mchana na binti huyo, tukio ambalo limevutia hisia mseto kutoka kwa mashabiki wake. Katika video hiyo, binti huyo anaonekana akiwa mwenye wasiwasi na mshangao mkubwa, akiwa haamini macho yake baada ya kukutana na mtu ambaye aliwahi kusema ni ndoto yake maishani. Obinna ameeleza kuwa wakati wa kwanza walipokutana, binti huyo alionekana mnyenyekevu na mwenye hofu, lakini baadaye hali ilirejea kawaida na wakaanza mazungumzo ya kirafiki. Obinna amesema mtoko au date hiyo ilienda vizuri na walizungumza mambo mengi, ikiwemo namna atakavyoweza kumsaidia binti huyo ambaye alionyesha mapenzi ya dhati kwake kupitia video kwenye mtandao wa Tiktok. Kabla ya mtoko huo, binti huyo alifanyiwa make-up kuboresha muonekano wake, huku akipata mavazi mapya yanayoendana na tukio hilo la kipekee kwenye moja ya spa ya kifahari.

Mrembo aliyekuwa ameamriwa na mahakama kumlipa mchekeshaji wa Kenya Oga Obinna fidia ya shilingi milioni 6 kwa kumdhalalisha, ameibuka akisema hana uwezo wa kulipa kiasi hicho kikubwa cha pesa. Kupitia video inayosambaa mtandaoni, mrembo huyo alionekana akilia kwa uchungu, akieleza kuwa kwa sasa anapitia changamoto kubwa za kiuchumi na hana njia yoyote ya kupata fedha hizo. Kesi hiyo ilitokana na madai kwamba mrembo huyo alitoa maneno ya kumdhalilisha Obinna kwenye mitandao ya kijamii, jambo lililomfanya mchekeshaji huyo kuchukua hatua za kisheria kulinda heshima yake. Kwa sasa, mashabiki wa Obinna na watumiaji wa mitandao wametofautiana mitazamo, baadhi wakimtaka Obinna kumsamehe huku wengine wakisema sheria ichukue mkondo wake.

Mtangazaji na mchekeshaji maarufu Oga Obinna ameahidi kumpeleka lunch date binti aliyesambaa mitandaoni baada ya kuonekana akimwaga machozi akieleza wazi mapenzi yake kwake kupitia video iliyosambazwa mitandaoni. Binti huyo alionekana akieleza jinsi anavyompenda Obinna kwa moyo wake wote na kumwomba ampe nafasi ya kuwa naye, jambo lililozua maoni mseto mitandaoni. Obinna kupitia ukurasa wake wa Instagram amejibu ujumbe huo akisema ameguswa na ujasiri wa binti huyo na kwamba atampatia nafasi ya kukutana naye ana kwa ana kwa ajili ya chakula cha jioni. Ameongeza kuwa anathamini mashabiki wake wote, na kwamba hatua hiyo ni njia ya kuonyesha shukrani kwa upendo na uungwaji mkono anaopokea kila siku. Baadhi ya mashabiki wamepongeza hatua hiyo wakisema ni ishara ya utu na unyenyekevu wa Obinna, huku wengine wakidai huenda tukio hilo ni sehemu ya kiki ya mtandaoni.

Mchekeshaji na mtangazaji maarufu wa Kenya, Oga Obinna, amejibu madai yanayosambaa mitandaoni kuhusu kumfuta kazi ghafla mrembo anayejulikana kama “Dem wa Facebook.” Akizungumza kuhusu suala hilo, Obinna amesisitiza kuwa hakuwahi kumwajiri binti huyo kwa mkataba rasmi wala kufanya makubaliano ya ajira. Ameeleza kuwa ushirikiano wao ulikuwa ni wa kusaidiana kikazi na kwamba lengo lake lilikuwa kumuinua kimaisha na kumpa nafasi ya kukuza kipaji chake. Obinna amesema kuwa hakuwahi kumtumia vibaya binti huyo na kila kipato kilichotokana na kazi walizofanya kwa pamoja kiligawanywa kwa haki. Ameongeza kuwa sehemu kubwa ya mapato hayo alikuwa akimpa kwa uwazi bila kuficha chochote. Kauli yake imekuja mara baada ya madai kuibuka kwamba alivunja mkataba wa makubaliano na kumfuta ghafla Dem wa Facebook bila maelezo yoyote, jambo lililozua mjadala mkubwa kwenye mitandao ya kijamii.