Tag: otile brown

Msanii wa RnB kutoka Kenya, Otile Brown, amethibitisha rasmi kuachiwa kwa EP yake mpya, akisema kazi hiyo inapatikana sasa kwenye majukwaa yote makuu ya muziki mtandaoni. EP hii, inayokwenda kwa jina “The Real King of the East”, ina ngoma tano zenye mwelekeo wa kisasa wa RnB, zikiwemo kolabo tatu za uzito na wasanii kama The Ben, Jovial, na Okello Max. Kila wimbo umebeba hadithi tofauti, ikiwakilisha mapenzi, kumbukumbu, na hisia za maisha. Otile amewashukuru mashabiki wake kwa kusubiri kwa hamu mradi huu, akisema kuwa kila wimbo umeandaliwa kwa uangalifu ili kutoa muziki wa hali ya juu unaoendana na jina lake kama “The Real King of the East.” EP hii inapatikana sasa kwa kusikilizwa na kupakuliwa kwenye majukwaa yote makuu ya muziki mtandaoni, ikiwemo Spotify, Apple Music, Boomplay, na YouTube Music.

Msanii mahiri wa RnB kutoka Kenya, Otile Brown, ametangaza rasmi orodha ya nyimbo za EP yake mpya inayokwenda kwa jina “The Real King of the East”. EP hii ina jumla ya ngoma tano kali na imebeba kolabo tatu za uzito zinazomshirikisha Jovial, The Ben, na Okello Max. Katika mradi huo, Otile amemshirikisha The Ben katika wimbo “For Life”, akamleta Jovial kwenye ngoma “I Choose You”, na kisha Okello Max katika wimbo “I Love You”. Aidha, EP inajumuisha pia wimbo “Miss the Water” pamoja na “Lala Salama Baba”, ambao ni wimbo wa kumkumbuka na kumuenzi Raila Odinga. EP ya “The Real King of the East” inatarajiwa kuingia sokoni Novemba 21, 2025, na tayari mashabiki wanaonyesha msisimko mkubwa wakisubiri kusikia mwelekeo mpya wa Otile Brown kupitia kazi hii mpya.

Msanii nyota wa R&B kutoka Kenya, Otile Brown, ametangaza ujio wa EP yake mpya ambayo amesema itathibitisha hadhi yake kama mfalme halisi wa muziki Afrika Mashariki. Kupitia ukurasa wake wa Instagram, Otile ameshiriki picha ya cover ya EP hiyo aliyoipa jina “The Real King of East Africa”, akieleza kuwa amekuwa akiitayarisha kwa muda mrefu kwa moyo wake wote na sasa muda umefika wa kuiachia rasmi. Kwa mujibu wa msanii huyo, tarehe 21 Novemba 2025 ni siku ya kihistoria kwa mashabiki wa muziki wa Afrika Mashariki, kwani anaenda kuthibitisha kwa vitendo madai yake ya kuwa “The Real King of East Africa.” kwa kuachia EP yake hiyo. Ingawa hajaweka wazi orodha ya nyimbo au majina ya wasanii watakaoshirikiana naye kwenye kazi hiyo, mashabiki wake tayari wameonyesha hamasa kubwa mtandaoni, wengi wakisubiri kwa hamu kazi hiyo mpya ambayo inatarajiwa kuwa na ubora wa juu kama ilivyo desturi ya Otile.

Staa wa muziki wa Bongo RnB, Otile Brown, ametangaza ujio wa wimbo mpya wa kumbukumbu kwa Baba Raila Odinga, siku chache tu baada ya kiongozi huyo kuzikwa. Kupitia ukurasa wake wa Instagram, Otile amesema kuwa mwezi Novemba atatoa wimbo ulio karibu sana na moyo wake, akisema ni wimbo wa heshima na kumbukumbu kwa Raila na kwa wote waliopoteza wapendwa wao. Msanii huyo amesisitiza kuwa baadhi ya matukio ni zenye nguvu kiasi kwamba haziwezi kunyamaziwa, na kwamba muziki wake utakuwa njia ya kuenzi maisha na urithi wa Baba. Mashabiki wengi wamepongeza hatua ya Otile Brown wakisema ni njia ya heshima na kumbukumbu kwa kiongozi ambaye amegusa maisha ya Wakenya wengi.

Mwanamuziki nyota wa Kenya, Otile Brown, ametangaza kuwa yuko mbioni kukamilisha wimbo maalum wa kumuenzi aliyekuwa Waziri Mkuu wa Kenya, hayati Raila Amolo Odinga. Kupitia ukurasa wake wa Instagram, Otile ameshiriki kipande cha video akiwa studioni akirekodi mradi huo wa kihisia, akieleza kuwa alihitaji muda wa kuhakikisha kazi hiyo inatoka kwa moyo wake kabisa. Msanii huyo amesema kuwa hayati Raila alikuwa mtu wa heshima kubwa na anastahili kutambuliwa kwa mchango wake mkubwa kwa taifa la Kenya. Otile ameahidi kutoa wimbo huo hivi karibuni kama njia ya kutoa heshima na upendo wake kwa kiongozi huyo aliyegusa maisha ya wengi. Taarifa hii inakuja siku ambayo Raila Odinga amepumzishwa kwenye nyumba yake ya milele huko Bondo, Kaunti ya Siaya, katika mazishi yaliyohudhuriwa na viongozi wa kitaifa, wageni wa kimataifa na maelfu ya waombolezaji waliokusanyika kumuenzi.

Penzi la mjaka mfine, mrembo aliyekutana na Otile Brown katika tamasha la Luo Festival limemkosesha usingizi staa huyo wa R&B. Msanii huyo amekiri waziwazi kwamba alitekwa na mvuto wa mrembo huyo, akidai macho yake na uwepo wake vilimchanganya. Otile Brown, ambaye mara nyingi huweka wazi hisia zake kupitia muziki, safari hii hakuweza kujizuia bali aliamua kutafuta msaada wa mashabiki wake. Kupitia ukurasa wake wa mtandaoni, aliposti picha yake na mrembo huyo wakiwa karibu, akionekana akimnong’oneza kwa upole kana kwamba macho yake yamefungwa na mvuto wa mrembo huyo. Staa huyo wa Dusuma hakuishia hapo, alienda mbali zaidi na kuwaomba mashabiki wake wamfikishie ujumbe mrembo huyo kwa kumtag, ishara kuwa hamtaki kumwachia apotee hivihivi. Mashabiki wake walichangamkia ombi hilo kwa utani na mzaha, huku wengine wakidai huenda Otile anaanza ukurasa mpya wa mapenzi. Kwa upande mwingine, wapo waliotaja tukio hilo kama kiki ya kuitangaza single yake mpya inayokwenda kwa jina la “Not For Me” Kwa sasa macho yote yameelekezwa kwa mjaka mfine huyo, huku mashabiki wakingoja kuona kama utamu wa tamasha la Luo Festival unaweza kugeuka kuwa simulizi jipya la mapenzi kwa Otile Brown.