Tag: otile brown

Mwimbaji nyota wa kizazi kipya nchini Kenya, Otile Brown hataki kuwaacha mashabiki wake hivi hivi kabla mwezi huu haujaisha. Hii ni baada ya kutangaza ujio wa ngoma yake mpya ambayo kwa mujibu wake itaingia sokoni Jumanne wiki ijayo, Januari 31. Otile ameitaja ngoma hiyo aliyoipa jina la Shujaa wako kuwa ni kolabo yake ya Kimataifa akiwa na mwanamuziki kutoka nchini Tanzania, Ruby. Hii itakuwa ni Kazi yake ya kwanza kwa mwaka 2023 ikizingatiwa kuwa hajaachia wimbo wowote tangu mwaka jana alipowabariki mashabiki zake na wimbo uitwao Do It alioshirikisha Vivian.

Msanii kutoka nchini Kenya Otile Brown tayari amepata laptop zake mbili zilizoibiwa alipotua nchini Tanzania siku ya jana. Kupitia video aliyochapisha kwenye ukurasa wake wa Instagram Otile amethibitisha kupokea laptops hizo aina Mac Book ambayo alizipoteza katika uwanja wa ndege wa Julius Nyerere Meneja wa msanii huyo Reginald Noriega amefichua kwamba walifanya uchunguzi walifanikiwa kuzipata kompyuta hizo eneo la kinondoni viungani mwa Jijini Dar es Salaam. Kauli ya Otile Brown imekuja mara baada ya kutoa ahadi ya kuwalipa watakaomrejesha laptops hizo kutokana na stakabadhi zake muhimu ambazo zilikuwa ndani.

Staa wa muziki nchini Kenya Otile Brown ametoa rai kwa mashabiki zake wa Tanzania kumrejeshea kompyuta zake mbili za mkononi zilizopotea katika Uwanja wa Ndege wa Kimataifa wa Julius Nyerere. Kupitia instagram live amesema yupo radhi kutoa kiasi chochote fedha kwa mtu yeyote atakayemrejeshea laptop hizo kwani zimemkosesha usingizi. Aidha ameahidi kuwa hana mpango wa kufungulia mashtaka mtu yeyote atakajitokeza kumrudishia kompyuta zake aina MacBook kutokana na uhitaji wa stakabadhi zake muhimu zilizomo ndani.

Nyota wa muziki nchini, Otile Brown amedai kuibiwa laptop zake mbili aina ya MacBook akiwa kwenye uwanja wa ndege wa Kimataifa wa Julius Nyerere jijini Dar es salaam. Kupitia insta story yake Otile ambaye ametua nchini Tanzania asubuhi ya leo kwa ajili ya shughuli zake za kimuziki ameeleza kuwa walinzi pamoja na watoa huduma walikataa kumpa ushirikiano ikiwa ni pamoja na kuchunguza tukio zima kupitia kamera za CCTV zilizopo eneo hilo. “”So kwenye airport ya Julius Nyerere nimeibiwa Mac/laptop mbili ila walinzi na watoa huduma wamekataa kutusaidia ndani ya masaa 3 wamekataa kuchunguza kwenye cctv … longest night of my life.Tumetoa hadi report ya police ambayo ndio utaratibu lakini wakakataa… nimeumia sana,” Ameandika. Hata hivyo hakufichua thamani ya vifaa vyake vya kielektroniki ambavyo vimetoweka katika uwanja wa ndege.

Mwanamuziki kutoka Kenya Otile brown ameachia rasmi Extended playlist yake mpya baada ya ukimya wa miezi mitatu EP hiyo iitwayo Terminator ina jumla ya nyimbo tano za moto akiwa amewashirikisha wakali kama Vivian, Ilogos na The Ben. Terminator EP ina nyimbo kama Kolo Kolo, Terminator, By My Side, Hatima, Do It na inapatikana Exclusive kwenye majukwaa yote ya kupakua na kusikiliza muziki mtandaoni. Hii ni EP ya pili kwa mtu mzima Otile Brown baada ya Uptown Flex iliyotoka mapema mwaka huu ikiwa na jumla ya singles 4 za moto.

Mwanamuziki nyota nchini Otile Brown ameamua kuwajibu wanaoendelea kumponda mtandaoni baada ya kutoa maoni yake kuwa lugha ya Kiswahili inayotumika na wasanii wa Kenya ndio sababu kubwa inayowafanya wasifanye vizuri kimataifa kama wanavyofanya wasaniii wa Nigeria. Kupitia mfululizo wa instastory yake kwenye mtandao wa Instagram Otile amesema kuwa lugha ya Kiswahili ndio lugha ambayo imempa mafanikio makubwa kisanaa huku akiwataka wanaomkosoa kuelewa kwanza alichokisema kabla ya kuleta ubishi. Hitmaker huyo “I Need You” amesema hakuwa na nia ya kuishusha lugha ya Kiswahili ambayo imemtoa kimuziki ila alikuwa anajaribu kuanzisha mjadala utakaowasaidia wasanii wa Kenya kuchanganya lugha ya Kiingereza kwenye nyimbo ili waweze kupenya kimataifa. Hata hivyo amemalizia kwa kusisitiza kuwa ataendelea kuimba nyimbo zake kwa lugha ya Kiswahili huku akitoa changamoto kwa jumuiya ya Afrika Mashariki kuendeleza mjadala wa lugha kwenye nyimbo za wasanii kama njia moja ya kupata suluhu ya kizingiti inayokwamisha muziki wa ukanda huu kufika kimataifa.

Msanii nyota nchini Otile Brown amefunguka kuwa miongoni mwa vitu vinavyowakwamisha wasanii wa Kenya kufanya vizuri kimataifa ni lugha. Katika mkao na waandishi wa habari Otile amedai kuwa endapo wasanii wa Kenya wangekuwa wanaimba kwa lugha ya kingereza basi wangekua na uwanja mkubwa wa kusikika kimataifa zaidi na kupata shows tofauti tofauti za nje ya nchi. Hitmaker huyo wa “Run Up” ameenda mbali zaidi na kusema kuwa tofauti ya muziki wa Kenya na Nigeria ni lugha pekee na ndio sababu kubwa ambayo hawawezi kushindana na wasanii kutoka taifa hilo la Afrika Magharibi. Hata hivyo ametoa changamoto kwa wasanii nchini kuanza kutumia lugha ya kiingereza kwenye nyimbo zao ili muziki wa Kenya uweze kufika mbali zaidi. Utakumbuka Otile Brown amekuwa nchini Marekani kwa miezi miwili ambako amekuwa akifanya shows kwenye miji mbali mbali nchini humo.