Tag: RINGTONE

Nyota wa muziki kutoka Kenya Ringtone amezua mjadala mkali kwenye  mitandao ya kijamii mara baada ya kutangaza kuachana na kazi za sanaa ya muziki wa injili. Kupitia video aliyoichapisha kupitia ukurasa wake wa Instagram ringtone ameweka wazi kwamba ameamua kujiunga rasmi na muziki wa kidunia ambapo sasa atajikita kwenye uimbaji wa nyimbo za mapenzi. Hitmaker huyo wa ngoma ya Pamela amewashukuru mashabiki zake waliofuatilia nyimbo zake kipindi alikuwa anajihusisha na uimbaji wa nyimbo za injili huku akitoa wito kwa wakenya kumuunga mkono kwenye safari yake mpya ya muziki wa kidunia. Hata hivyo amewataka wasanii wanaofanya muziki wa kidunia wampe ushirikiano kwa kuwa hajajiunga na muziki huo kwa ajili ya ushindani bali kuupeleka muziki wa kenya kimataifa. Ni jambo ambalo limewachanganya mashabiki zake japo kufikia sasa hajataja hasa chanzo cha kufikia uamzi huo ila wajuzi wa mambo kwenye mitandao ya kijamii wanahoji kuwa huenda mwanamuziki huyo alikuwa akipitia changamoto flani kwenye tasnia ya muziki wa injili nchini Kenya. Ikumbukwe kwamba huyu sio msanii wa Kwanza kutoka Kenya kusitisha safari yake ya muziki wa injili na kujiunga na muziki wa kidunia, tumewaona pia wasanii kama Willy Paul, Bahati, Mr. Seed, Weezdom ambao kipindi cha nyuma walikuwa waimbaji wa nyimbo za Injili wakigeukia muziki wa kidunia.  

Mwanamuziki wa nyimbo za injili Ringtone ameingia kwenye headlines kwa mara nyingine, mkali huyo kwa sasa amekuwa ni mtu wa kutupa Breaking News kila uchao hii ni baada ya kusema kuwa yeye ndiye msanii wa kwanza Kenya kumiliki suruali ghali zaidi. Kupitia ukurasa wake wa Instagram Ringtone ameeleza kuwa licha ya kuwa ana miliki suruali yenye thamana ya shilllingi millioni 1.5 Za Kenya hajawahi kuwa na jeuri ya kutaka kujionesha kuwa ana pesa nyingi kama namna vijana wa siku hizi wanavyofanya mtandaoni. Hata hivyo, hii sio mara ya kwanza kwa Ringtone kutamba kuhusu kumiliki vitu vya thamani kwani mwaka wa 2021 alitusanua kuwa alinunua saa ya shillingi milioni  60 za Kenya aina ya Richard Mille Watch.

Mwanamuziki wa nyimbo za injili  Ringtone amefunguka na kusema kwamba hana mpango wa kuoa hivi karibuni. Katika mahojiano na Nichols Kioko hitmaker huyo wa ngoma ya “Sisi ndio tuko” amesema mapenzi yake kwenye muziki ndio yamemfanya haishi maisha mazuri licha ya changamoto anazokutana  nazo. Ringtone Anaamini wanawake wanaweza kumuaharibia shughuli zake za muziki lakini pia kumfilisisha kiuchumi. Hata hivyo amedokeza ujio wa ngoma yake mpya na kundi la muziki wa injili kutoka Tanzania Zabron Singers ambayo kwa mujibu wake itaingia sokoni mwisho mwa wiki hii.

Mahakama ya Kibera imeahirisha kwa mara nyingine kikao cha kusikiliza kesi iliyowasilishwa na mwanamuziki Ringtone dhidi ya mwanablogu Robert Alai ambaye alimshambulia na kumjeruhi vibaya mwaka wa 2021. Akizungumza nje ya mahakama ya kibera Wakili wa Ringtone Evans Ondiek amesema Kesi hiyo imeahirishwa hadi Juni 3 mwaka wa 2022,baada ya wakili wa Robert alai kukosa kufika mahakamani kusikiliza ushahidi ambao ringtone alipaswa kuwasilisha dhidi ya mteja wake. Ondiek ambaye alifika mahakamani akiwa kwenye kiti cha magurudumu baada ya kupata ajali, amemlaumu wakili wa Robert alai kwa kuihadaa mahakama kila mara kuisukuma mbele kesi ya mteja wake huku akisema kuwa ana njama ya kusambaratisha kesi inayomkabili mshatakiwa. Kwa upande Mwanamuziki Ringtone amesema atakata tamaa kwenye kesi dhidi ya Robert Alai hadi pale mahakama itamtendea haki ikizingatiwa kuwa ana ushahidi wa kutosha dhidi ya mwanablogu huyo ambaye alimjeruhi vibaya kichwani kwa rungu. Hii ni  mara ya tatu kwa kesi hiyo kuaahirishwa, mapema mwezi Februari mwaka huu ilisogeza mbele hadi Mei 9 baada ya mahakama kushikika kwenye majukumu mengine. Utakumbuka Ringtone na Robert Alai waliingia kwenye ugomvi mwezi julai mwaka wa 2021 baada ya wawili hao kuhusika kwenye ajali ya barabarani ambapo ringtone alimtuhumu Alai kwa kumpiga Rungu ya kichwa na kuaharibu gari lake.

Msanii wa nyimbo za injili nchini Ringtone amemchana msanii mwenzake Size 8 kwa kitendo cha kujaribu kumtoa  mapepo muumimi moja wiki moja iliyopita. Katika mahojiano yake na Presenter Ali, Ringtone amesema Size 8 hana uwezo kuwaomba wakristo hadi kuwatoa mapepo huku akisema kwamba msanii huyo anatumia njia hiyo kujitafutia umaarufu. Kauli hiyo imekuja wiki moja baada ya video ya Size 8 akimuombea muumini moja kanisani kusambaa mtandaoni jambo ambalo lilizua mjadala mzito miongoni mwa wa kenya wengi wakidai kuwa msanii huyo ana uwezo wa kumtoa mtu mapepo.

Mwimbaji wa nyimbo za injili nchini Ringtone amemtolea uvivu rapa Nyashinski baada ya kuandaa tamasha lake la Shin City wikiendi hii iliyomalizika. Kupitia ukurasa wake wa instagram ringtone amesema kwamba inasikitisha kuona msanii wa haiba ya Nyashinski anaendekeza ufuska na uesharati wakati yeye kama msanii wa injili anaendeleza harakati za kubadilisha kizazi kijacho. “WE IS INVESTING AT FUTURE GENERATIONS AND NYASH @realshinski IS BUSY HELPING PEOPLE DO FONICATE AND ADULTERY SHAME AT U FOR DEMON POSSESSION CONCERT AT CARNIVORE “, Aliandika Ringtone. Kauli hiyo ringtone imeonekana kuwakasirisha watumiaji wa mitandao ya kijamii ambao wamemtaka aache kuwaonea wasanii wengine wivu kwa mafanikio yao na badala yake aandae tamasha lake la muziki litakalo muingizia kipato. Utakumbuka Aprili 16 mwaka Nyashinski alijaza nyomi la mashabiki katika ukumbi wa Carnivore huko Jijini Nairobi ambako walipiga show ya kufa mtu iliyowaacha mashabiki wakiwa na kiu ya kutaka burudani Zaidi kuptia tamasha lake la Shin City.