Tag: vera sidika

Soshalaiti maarufu mtandaoni Vera Sidika amedaiwa kuwa mjamzito. Tetesi hizo zimeibuka mara baada ya wengi kumuona kwenye mitandao ya kijamii akiwa ameficha tumbo lake mbele ya camera jambo ambalo si kawaida yake. Lakini pia nguo kubwa (Oversize) ambayo amekuwa akivalia katika siku za hivi karibuni limefanya walimwengu kupigia mstari kuwa mrembo huyo ni mjamzito. Ikiwa ni kweli Vera Sidika ana ujauzito kwa sasa, basi huyo atakuwa mtoto wa pili kwa staa huyo mwenye umri wa miaka 33 na mchumba wake msanii Brown Mauzo.

Mwanasosholaiti Vera Sidika amesema kuwa anatamani kuwa na mtoto wa kiume siku za mbeleni ili wawe na ukaribu kama wa bintiye Asia Brown na baba yake Brown Mauzo. Vera amesema kuwa sababu yake ya kutamani kuwa na mtoto wa kiume ni kuwa anauonea wivu urafiki wa karibu ambao Asia na Brown Mauzo wako nao. “Mwenyenzi Mungu, naombea miujiza katika maisha yangu, natumai huko mbeleni utanipa mtoto wa kiume, nitamringia mume wangu, awacha tu,” alisema Vera anayetamba na ngoma, Popstar. Vera ambaye hivi karibuni kaachia wimbo wake mpya ‘Popstar’ amejaliwa mtoto mmoja na Msanii wa muziki Kenya, Brown Mauzo baada kuachana na aliyekuwa mpenzi wake, Otile Brown ambaye ni msanii pia.

Mrembo maarufu na mjasiriamali wa mitandaoni, Vera Sidika, amezua gumzo mitandaoni baada ya kufichua kuwa alifanyiwa upasuaji wa kupunguza makalio kutokana na matatizo ya kiafya aliyoyapata kufuatia mabadiliko ya awali ya mwili wake. Kupitia ujumbe aliouandika kwenye Instagram, Vera amesema alilazimika kupitia hatua hiyo baada ya kupitia kipindi kigumu sana kiafya, hali iliyomlazimu kufanya maamuzi ya kubadili muonekano wake kwa mara nyingine. Mama huyo wa mtoto mmoja ameongeza kuwa safari hiyo haikuwa rahisi, na imeacha athari kubwa katika maisha yake. Vera amewashauri wanawake kujikubali jinsi walivyo na kutokubali kushawishiwa na shinikizo la mitindo au marafiki kuingia kwenye upasuaji wa kubadilisha miili yao. Amesisitiza kuwa hatua kama hizo zinaweza kuwa na madhara ya muda mrefu kiafya na kiakili. “Wanadada tafadhalini, mjue kujipenda mlivyo na msikubali shinikizo la rika liwafanye mkimbilie kufanya mambo ambayo yatawaharibia maisha yenu huko mbeleni,” aliandika Instagram Haya yanajiri miaka kadhaa baada ya Vera kuwa gumzo kwa mara nyingine kwa kuonekana akiwa na muonekano tofauti wa ngozi, ambapo alidai kuwa ameachana na bidhaa za kubadilisha rangi ya ngozi. Hata hivyo, madai hayo baadaye yalitafsiriwa na wengi kuwa yalikuwa mbinu ya kiki kwa ajili ya kutangaza mradi mpya. Vera Sidika, ambaye ni miongoni mwa watu maarufu wenye ushawishi mkubwa mitandaoni nchini Kenya, ameonekana kuchukua mwelekeo mpya wa maisha kwa kutoa tahadhari na elimu kwa mashabiki wake, hasa wanawake, kuhusu hatari za kubadilisha maumbile kwa njia za upasuaji.

Mwanasosholaiti maarufu nchini Kenya, Vera Sidika ameshauri kina dada kuchukua fedha za Sponsa na kuwekeza. Kupitia kwenye ukurasa wake wa Instagram, mmoja wa mashabiki wake alimuuliza ushauri wake kwa wasichana ambao wanatoka na watu wazima. “Ushauri wako kwa msichana anayechumbia wababa,” Shabiki aliuliza. “Kula pesa yake mzuri, lakini cha muhimu wekeza,”Alijibu Vera. Utakumbuka Vera alipata umaarufu nchini Kenya na Afrika Mashariki kwa ujumla mara baada ya kutokea kwenye video ya kundi la P Unit, You Guy.

Mrembo maarufu mtandaoni nchini Kenya na Afrika Mashariki, Vera Sidika amesema atafanya tena upasuaji wa matiti yake ili kuboresha muonekana wake baada ya kumaliza kuzaa. Kupitia Instagram page yake Vera Sidika amesema anatamani kupata matiti yenye umbo la mviringo na ambayo yamesisima ila kwa sasa anataka kwanza aikuze familia yake. “Kunyonyesha hakujawahi kunisumbua hata kidogo, inafanya hivyo kwa kujivunia na nina furaha nyingi. Mara tu baada ya kumaliza kupata watoto, hakika nitafanyiwa upasuaji wa kubadilisha umbo la matiti yawe ya kuvutia, ya mviringo na yaliyoinuka,” amesema Vera. Ikumbukwe Vera Sidika ambaye miaka michache iliyopita alifanyiwa upasuaji wa kuongeza ukubwa wa matiti yake pia ameweka wazi kwamba amekuwa akijivunia sana kumnyonyesha binti yake, Asia Brown.