Tag: willy paul

Staa wa muziki nchini Willy Paul amedai kwamba amepoteza takriban shillingi millioni 96 tangu diana marua amtuhumu kuwa alijaribu kumbaka. Kupitia waraka aliyochapisha kwenye ukurasa wake Instagram Willy Paul amesema amepoteza matangazo ya takriban shillingi millioni 10 kutoka kwa kampuni moja ya mawasilioni, shillingi milioni 4 kutoka kwa kampuni ya magodoro na dili la kurekodi na kusambaza muziki la takriban shillingi millioni 82 . Ameenda mbali zaidi na kutoa onyo kwa Diana Marua na baadhi ya watu wanaolenga kumshusha kimuziki kwa kusema kwamba mrembo huyo amewalipa baadhi ya wanawake watoe ushahidi wa uongo dhidi yake.  Hitmaker huyo wa “My Woman” katika taarifa yake amesema hatorusu baadhi ya watu wamharibie chapa yake ya muziki huku akidokeza kwamba atafungua kesi dhidi ya Diana Marua ambaye kwa mujibu wake analenga kumharibia kazi ya muziki kwa tuhuma za uongo. Hata hivyo baadhi ya wadau wameonekana kutofautiana na Wiily Paul ambapo baadhi wamedai msanii huyo ameghushi kiasi hicho cha fedha huku wengine wakidai kwamba yeye ndiye alianzisha sakata hilo hivyo apambane nalo hadi mwisho.

Hatimaye staa wa muziki nchini Willy Paul ametangaza kumaliza bifu yake na mchekeshaji maarufu nchini Eric Omondi baada ya wawili hao kurushiana maneno makali kwenye mitandao ya kijamii kwa muda. Kupitia ukurasa wake wa instagram willy paul amemtaka Eric Omondi kuwa waache matukio yasioyokuwa na msingi na badala yake waupambanie muziki wa kenya uweze kusikilizwa zaidi kimataifa. Hitmaker huyo wa “My Woman” amesema bifu kwenye muziki hazisaidii kwani zinarudisha tasnia ya muziki nchini ambapo amemtakia Eric Omondi kila la kheri kwenye harakati za kuupambania muziki wa Kenya. Ikumbukwe bifu kati ya Willy Paul na Eric Omondi ilianza wakati mchekeshaji huyo alimshauri bosi huyo wa Saldido kubadilisha jina la msaani wake mpya Queen P huku akisisitiza kuwa Miss P ambaye alikuwa msanii wa Willy Paul atasalia kuwa mmoja.