Tag: Zuchu

Mwanamuziki kutoka Tanzania Zuchu amefutilia mbali matamasha yake ambayo yalikuwa yamepangwa kufanyika jijini Nairobi na Eldoret mwezi huu. Kwa mujibu wa taarifa iliyotolewa kwa vyombo vya habari na kampuni ya Trueblaq Limited na Jabali entertainment, matamasha hayo yamepangwa kufanyika mwaka ujao wikendi ya Pasaka. “Kutokana na mazingira yaliyo nje ya uwezo wetu, tunasikitika kukujulisha kwamba vybez connect events iliyopanga kufanyika jijini Nairobi na Eldoret tukishirikiana na Zuchu pamoja na wasanii wengine wa Kenya haitaendelea kama ilivyopangwa.”, Ilisomeka taarifa hiyo Matamasha ambayo yalikuwa yafanyike tarehe 10 na 11 Desemba 2022, sasa yatafanyika tarehe 8 na 9 Aprili 2023. Waandaaji matamasha hayo wameomba radhi kwa usumbufu wowote uliojitokeza kwa mashabiki huku wakiwahakikishia wale ambao tayari walikuwa wamenunua tiketi wataweza kuzitumia tiketi hizo kwa ajili ya tamasha la Pasaka lililopangwa upya. Hata hivyo wamesema pesa zitarejeshwa kwa wale ambao hawatafanikiwa kuhudhuria tamasha la Vybez Connect Events mwaka ujao.

Staa wa muziki wa Bongofleva Zuchu amewashukuru mashabiki zake wote waliojitokeza kwenye show yake huko Houston, Texas nchini Marekani licha ya idadi ndogo ya mashabiki kuhudhuria show hiyo. Kupitia insta-story kwenye mtandao wa Instagram amesema kwamba kilichotokea kimempa hasira ya kufanya zaidi na anakubali kushindwa kama sehemu ya mafanikio yake. “Nimejiuliza sana kwanini nilichagua kazi hii ya muziki lakini kwa matukio kama haya yananipa majibu kwamba wachache hutolewa kama mfano ili ije kuwa rahisi kwa wengine” aliandika Zuchu Zuchu kwa sasa yupo kwenye ziara yake kimuziki (tour) nchini Marekani ambayo ilianza Novemba 18 hadi Desemba 3 mwaka huu. Ziara hiyo ya Zuchu ni pamoja na kutumbuiza kwenye hafla ya utoaji wa tuzo za African Muzik Magazine Awards (AFRIMMA) zitakazotolewa Novemba 19 huko Dallas, Texas nchini Marekani ambapo Zuchu anawania kipengele cha Msanii Bora Afrika.

Mwimbaji nyota wa kike kutoka WCB, Zuchu anazidi kufanya vizuri kupitia digital platforms pamoja na kuongeza rekodi katika upande wa wasanii wa kike Afrika. Kwa sasa Zuchu ni miongoni mwa wanamuziki wakike wenye idadi kubwa ya STREAMS katika mtandao wa Boomplay, hii ni baada ya kufikisha jumla ya streams Millioni 130 katika mtandao huo, hivyo anakuwa msanii wa pili Afrika baada ya Simi (Nigeria) mwenye streams 131.7 utakumbuka, Ijumaa ya wiki hii (Nov 18) Zuchu anatarajia kuanza tour yake ya muziki huko Marekani ambapo anatarajia kutumbuiza katika sherehe za utoaji wa tuzo za Afrimma 2022, pamoja na miji zaidi ya mitano.

Msanii wa Bongofleva, Zuchu anatarajia kufanya ziara yake kimuziki (tour) nchini Marekani kuanzia Novemba 18 hadi Desemba 3 mwaka huu. Ziara hiyo ya Zuchu ni pamoja na kutumbuiza kwenye hafla ya utoaji wa tuzo za African Muzik Magazine Awards (AFRIMMA) zitakazotolewa Novemba 19 huko Dallas, Texas nchini Marekani ambapo Zuchu anawania kipengele cha Msanii Bora Afrika. Hii itakuwa ni ziara ya kwanza ya Zuchu nchini Marekani tangu ajiunge na WCB Wasafi Aprili mwaka 2020, hivyo anajiunga na Staa mwingine wa Bongofleva, Ali kiba ambaye tayari yupo nchini humo kwa ajili ya tour yake.

Mwimbaji wa Bongofleva kutoka WCB Wasafi, Zuchu huenda akakamuliwa millioni 9.6 kwa kudaiwa kuiba wimbo wa msanii wa Injili, Enock Jonas huku lebo yake ikionesha kutokuwa tayari kuzilipa fedha hizo. Katika malalamiko hayo Jonas, amedai Zuchu amechukua sehemu ya kibwagizo na staili ya kucheza katika wimbo wake wa ‘Wema wa Mungu’ ambao ulitoka mwaka 2012 lakini ulijulikana zaidi kwa jina la ‘Zunguka’, akiutumia katika wimbo wake mpya ‘Kwikwi’. Taarifa za madai hayo zilianza kusambaa mitandaoni kupitia barua iliyoandikwa na kampuni ya wanasheria ya Gerpat Solution, ambapo mmoja wake Gerlad Magubuka, ameiambia Mwananchi leo Jumamosi Oktoba 22 kuwa mteja wao alikwenda kuwalalamikia Zuchu kutumia kionjo cha wimbo wake huo. Magabuka amesema tayari wameshawapelekea wahusika barua ya madai hayo na nakala nyingine wamepeleka Taasisi ya Hakimiliki Nchini (Cosota) na Shirikisho la Wanamuzi Tanzania (Shimuta). Akizungumza na Mwananchi, Enock amesema amelazimika kuchukua hatua hiyo baada ya mazungumzo na upande wa Zuchu kushindikana kwa kumwambia kuwa katika madai hayo hata laki mbili hawawezi kumlipa. Kwa upande wao Cosota kupitia Katibu Mtendaji wake, Doreen Sinare, amekiri suala hilo kutua mezani kwake na kueleza kilichofanyika ni wasanii wenyewe kuandikiana barua na wao wamepelekewa kama taarifa hivyo hawawezi kusema lolote kwa sasa wameacha wasanii wenyewe ndio wawasiliane kwanza na baadaye wao watakuja kuichambua na kuitolea tamko. Kwa upande wake Babu Tale alipotafutwa kuhusiana na tuhuma hizo, alikiri kuwasiliana na msanii huyo na kumpa majibu hayo ya kutompa hela aliyoitaka.

Mwimbani wa Bongofleva toka WCB Wasafi, Zuchu amechaguliwa kutumbuiza kwenye tuzo za AFRIMMA zitakazotolewa Novemba 19 huko Dallas, Texas nchini Marekani. Kupitia ukurasa wao rasmi wa Instagram, AFRIMMA walipakia video ya kudensi ya Zuchu akicheza wimbo wake mpya wa Kwikwi na kusema kwamba ni rasmi msanii huyo atakuwa miongoni mwa watumbuizaji watakaopamba sherehe hizo. Wameandika; “Zuchu atatumbuiza moja kwa moja kwenye onyesho la TUZO ZA AFRIMMA mwaka huu. Zuchu ni mwimbaji na mtunzi wa nyimbo kutoka Tanzania mzaliwa wa Zanzibar lakini mwenye makazi yake jijini Dar es Salaam” Hatua hiyo inakuja siku chache baada ya Zuchu kutajwa kuwania tuzo za MTV EMA katika kipengele cha Best African Act. Utakumbuka pia Zuchu anawania AFRIMMA katika kipengele cha Msanii Bora wa Kike Afrika Mashariki, anachuana na Nandy, Maua Sama na wengineo.

Mwimbaji hodari wa Kike Tanzania Zuchu ametajwa kuwania tuzo za Kimataifa za MTVEMA kwa mwaka huu katika kipengele cha Msanii bora wa Afrika. Katika kipengele hicho, Zuchu ambaye ndiye msanii pekee toka ukanda wa Afrika Mashariki kutajwa kuwania Tuzo hizo, atachuana na wasanii wengine wakubwa Afrika akiwemo Burna Boy, Tems, Ayra Starr, BlackSherif wa Ghana na Musa Keys. Tayari dirisha la upigaji wa kura hizo limeshafunguliwa, na unaweza kuanza kupiga kura kupitia tovuti ya MTV EMA na hafla ya ugawaji wa tuzo hizo unatarajiwa kufanyika Novemba 13 mwaka huu huko Duesseldorf, Ujerumani.

Mwanamuziki wa Bongofleva, Zuchu ametangaza kuja na bidhaa zake za mavazI Kupitia ukurasa wa Twitter mkali huyo wa ngoma ya “Sukari” anasema kuwa kuna mitindo mipya ameianzisha yeye kama viatu vya midoli,kusuka rasta ndefu pamoja na kuvaa nguo kubwa vyote siku hizi watu wanafanya kwa sababu yake. “Vile Naskia raha nikiona watu wanavaa teddy bear, slippers (viatu vya mdoli) nikiona tu najipa bonge la tano kwamba yeah you did that Zuuh. “Coming with my own brand soon na nitalenga asilimia kubwa ya Watanzania wenzangu tutapendeza kwa bajeti.” Ameandika Zuchu