Tag: bahati

Staa wa muziki nchini Bahati ametunukiwa tuzo ya Golden Plaque na mtandao wa Youtube baada ya kufikisha jumla ya subscribers millioni moja kwenye channel yake. Bahati ametumia ukurasa wake wa mtandao wa kijamii wa Instagram kuwashukuru mashabiki zake kwa upendo ambao wanazidi kumuonyesha kupitia kazi zake za muziki huku akiahidi kuendelea kuwapa burudani zaidi. Channel ya youtube ya Bahati  ilifunguliwa rasmi Joined Agosti 7, mwaka 2012 na mpaka sasa imefikisha zaidi ya watazamaji millioni 193,565,094 huku ikiwa na jumla ya subscribers 1,090, 000. Bahati ni msanii wa pili nchini Kenya kupokea golden Plaque baada ya Otile Brown ambaye alikuw msanii wa kwanza nnchini kufikisha jumla y wafuatiliaji million moja YouTube. Itakumbukwa tuzo ya Golden plaque imekuwa ikitolewa kwa watoa maudhui kwenye mtandao wa Youtube ambao channel zao zinafikisha wafuatiliaji (subscribers) kuanzia 100,000 na kuendelea.

Mwanamuziki kutoka nchini Kenya Bahati ameashiria kufunga pingu za maisha na mama ya watoto wake Diana B mwishoni mwa mwezi huu. Bahati amedokeza hayo kwa picha ya kupitia ukurasa wake wa Instagram na kisha kuweka ishara ya pete ya ndoa ambayo ameambatanisha na ujumbe unaotaja tarehe 30/11 kufanya jambo la kihistoria. “30TH NOVEMBER 2022 ”, Ameandika. Hata hivyo ujumbe huo umezua hisia mseto miongoni mwa mashabiki zake ambapo wengi wamedai huenda Bahati akahalalisha ndoa yake na Diana B kwa njia ya harusi huku wengine wakihoji ni ujio wa ngoma yake mpya ambayo ana mpango wa kuachia siku hiyo. Ikumbukwe kwa sasa Bahati anafanya vizuri na singles zake mbili “My Beginning” na “Mambo ya Mhesh Remix” ambayo amemshirikisha Sosuun pamoja na Ssaru.

Msanii nyota nchini Bahati amewaonya mashabiki dhidi ya kumuita Mheshimiwa ikiwa ni miezi kadhaa imepita tangu ashindwe kwenye uchaguzi mkuu wa mwezi Agosti mwaka huu. Kupitia mitandao yake ya kijamii hitmaker huyo wa Adhiambo ameshangazwa na kitendo cha watu kumhusisha na jina hilo kila mara huku akiwataka kutumia jina la Bahati ambalo amekuwa akilitumia kwenye muziki “Sielewi Mbona Bado Watu Wananiita MHESH… Niiteni tuu Bahati Please.” Ameandika Instagram. Lakini pia Bahati amewataka mashabiki kuacha kumhusisha na siasa kwa sababu amerudi kwenye shughuli ya muziki ambayo amekuwa akifanya kwa muda mrefu. “Hii Mambo Ya Mhesh Wekeni Kando…. THE KING IS BACK!!! Tell Me. What Happened While I Was Away???”, Ameongeza. Bahati ambaye alikuwa kimya kwa miezi miwili baada ya kushindwa kwenye uchaguzi mkuu wa Agosti 9 mwaka huu, anafanya vizuri na wimbo wake mpya uitwao “Mambo ya Mhesh” Utakumbuka Bahati alikuwa anawania kiti cha ubunge Mathare kupitia tiketi ya chama cha jubilee lakini alishindwa na mpenzani wake Anthony Oluoch wa chama cha ODM.

Staa wa muziki nchini Bahati amefunguka sababu za kudinda kuchukua kazi ambayo kinara wa Azimio Raila Odinga aliahidi kumpa pindi atakapotua uongozi wa nchi kwenye uchaguzi uliokamilika. Bahati amesema alijua kuwa uchaguzi mkuu wa mwaka huu ungekumbwa na dosari na ndio maana akaendelea na azma yake ya kuwania ubunge Mathare licha ya kushurutishwa kujiondoa kwenye kinyanganyiro hicho. Katika hatua nyingine Hitmaker huyo wa “”Adhiambo anaamini kuna siku jamii ya Kamba itamtoa rais ambaye ataongoza taifa la Kenya licha ya Odinga kumtumia vibaya Kalonzo Musyoka ambaye alikuwa na nyota ya kuiongoza jamii hiyo. Hata hivyo Bahati ambaye amesisitiza kuwa atakuwa kwenye kinyanganyiro cha urais mwaka 2037 amejinasibu kuwa hajutii kitendo cha kukosa ubunge Mathare kwa kuwa yeye ni moja kati ya watu ambao wapo ndani ya serikali.

Staa wa muziki nchini Bahati amefuta picha na video zake kwenye mtandao wa Instagram, hatua iliyohisiwa ni ujio wake mpya. Hatua hii ya Bahati imevuta hisia za baadhi ya mashabiki ikihisiwa kuwa huenda akaachia kazi mpya hivi karibuni baada ya kukaa kimya tangu apoteze kiti cha ubunge mathare kwenye uchaguzi mkuu uliokamilika nchini kenya. Uamuzi wa Bahati hakujali hata picha alizopiga na mke wake, Diana B huku upande mwingine ikihisiwa kuwa pengine kuna kingine kisichohusiana na ujio wa kazi kutoka kwake. Utakumbuka juzi kati Bahati alifunguka kuwa familia yake ipo njia panda ambapo aliwataka mashabiki kumweka kwenye maombi pamoja na mke wake Diana ambaye alikuwa mbioni kujifungua.