Tag: bahati

Mwanamuziki aliyegeukia siasa Bahati amenyang’anywa tiketi ya kuwania ubunge wa Mathare kupitia chama cha Jubilee ikiwa ni siku chache zimepita tangu ashinde kwenye uchaguzi wa mchujo wa chama hicho. Katika mkao na wanahabari Bahati amesema alishurutishwa kujiuzulu kama mgombea wa kiti cha ubunge wa Mathare katika Uchaguzi Mkuu wa Agosti 9 mwaka huu baada ya muungano wa Azimio la Umoja kuamua kumuunga mkono mgombea wa ODM ambaye ni mbunge wa sasa Tom Oluoch. Hata hivyo, amemtaka Kiongozi wa Chama cha Jubilee Rais Uhuru Kenyatta na kinara wa ODM Raila Odinga kuwapa wakazi wa Mathare nafasi ya kumchagua mbunge wao wanayempenda kwa kuwa alijiunga na siasa baada ya kupewa shinikizo na wapiga kura wa eneo hilo. Utakumbukwa Mnamo Machi 18, Bahati alitangaza kuwa amejiunga na chama tawala cha jubilee na alikabidhiwa tikiti ya moja kwa moja na chama hicho kuwania kiti cha ubunge wa Mathare

Nyota wa muziki nchini Bahati ametangaza kufanya ziara yake iitwayo ‘Bahati Mtoto wa Mama Home Coming’ Machi 27 mwaka huu katika uwanja wa Huruma grounds, Kaunti ya Nairobi. Kupitia ukurasa wake wa Instagram hitmaker huyo wa ngoma ya “Adhiambo” amesema amehamua kuja na ziara hiyo kwa ajili ya kunadi sera zake kwa wakaazi wa Mathare kama mbunge wao mtarajiwa kuelekea uchaguzi mkuu wa Agosti 9 mwaka huu. Mbali na hayo, amesema kutakuwepo na fainali za soka katika uwanja wa Mathare Grounds ambapo timu ya Asec Huruma FC itachuana na Oostrom FC kwenye fainali huku Lucio FC ikicheza na True Colours FC kwenye mchezo wa kutafuta timu itakayochukua nafasi ya tatu. Hata hivyo Bahati amesema timu ambayo itaibuka kidedea kwenye fainali hizo itatunukiwa shillingi elfu 150 huku nafasi ya pili na tatu ikizawadiwa shillingi elfu 100 na 50 mtawalia. Utakumbuka Bahati anawania kiti cha ubunge eneo la Mathare kupitia tiketi ya chama cha Jubilee.

Staa wa muziki nchini Bahati ametangaza nia ya kugombea kiti cha Urais nchini Kenya kwenye uchaguzi mkuu wa mwaka 2037. Bahati ameyaweka wazi hayo mbele ya waandishi wa habari alipokuwa akizindua azma yake ya kuwania ubunge wa mathare kwenye uchaguzi mkuu wa Agosti 9 mwaka huu kwa kusema kuwa ana nia njema kwa wananchi wa Kenya kwani ana vigezo vya kutosha ya kuwa kiongozi atakayeleta mabadiliko nchini. Hitmaker huyo wa ngoma “Adhiambo” amedai kwamba hana mpango wa kuacha muziki licha ya kwamba ametia nia ya kuomba ridhaa ya ubunge wa eneo la Mathare. Lakini pia Bahati ameweka wazi mpango wa kuachia EP yake mpya mwezi Mei mwaka huu wakati atakapokuwa anaendeleza kampeini yake ya kujipigia debe kwenye azma ya kuwania ubunge wa Mathare.

Staa wa muziki nchini Bahati amehamua kutangaza msimamo wake wa kisiasa ikiwa ni siku chache imepita tangu msanii mwenzake Willy Paul atangaze kumuunga mkono kinara wa ODM Raila Odinga. Kupitia wimbo wake mpya uitwao Fire ambao amemshirika Raila Odinga bahati ameonekana kumwagia sifa kinara huyo wa chama odm jambo ambalo limetafsiriwa moja kwa moja kuwa amehamua kumuunga mkono odinga kwenye azma yake ya kuwania urais kwenye uchaguzi mkuu wa Agosti 9 mwaka huu kupitia muungano wa Azimio la umoja. Hata hivyo wimbo huo wa Bahati umeibua hisia mseto miongoni mwa mashabiki zake ambapo wengi wameonekana kumpongeza kwa hatua ya kuweka msimamo wake kisiasa huku wengine wakimkosoa kwa hatua ya kuukimbia mrengo wa kenya kwanza ambao unaongozwa na naibu wa raias dakta William Ruto kupitia chama chake cha UDA. Utakumbuka mwaka wa 2021 Bahati pia alitangaza kumuunga mkono naibu rais dakta William Ruto kwenye azma yake ya kuliongoza taifa kwenye uchaguzi mkuu wa mwaka huu.