Tag: Carol Sonnie

Mchekeshaji Mulamwah ametishia kumchukulia hatua kali za kisheria Baby Mama wake Carol Sonnie kwa hatua ya kumtumia vibaya mtoto wao mtandaoni. Kwenye mahojiano yake hivi karibuni Mulamwah ametoa ya moyo kwa kusema kuwa amechukizwa na kitendo cha Baby mama wake huyo kumtumia mtoto wao kama kitega uchumi, jambo ambalo amedai kuwa si cha kingwana kwani amekiuka haki ya faragha ya mtoto wao. Mchekeshi huyo ameenda mbali zaidi na kwa kudai kwamba kinachomuuma zaidi ni hatua ya mrembo huyo kumzushia madai ya uongo kwenye vyombo vya habari kuwa kuna kipindi alimshushia kichapo cha mbwa akiwa mja mzito, madai ambayo Mulamwah ameyakanusha vikali. Mapema wiki hii Mulamwah na Baby Mama Carol Sonnie walitupiana maneno makali mtandaoni kwenye kumbukizi ya kuzaliwa kwa mtoto wao baada ya mchekeshaji huyo kudai kuwa mzazi mwenzie amekuwa akimpa wakati mgumu kwenye suala la kutoa matunzo kwa binti yake.

Baby Mama wa mchekeshaji Mulamwah, Carrol Sonnie amefunguka kwa mara ya kwanza siku chache baada ya Mulamwah kuibua kashfa nzito dhidi yake. Kupitia instastory yake kwenye mtandao wa Instagram ameandika ujumbe wa mafumbo ambao umetafsiriwa  na walimwengu kwenye mitandao ya kijamii kuwa inamlenga moja kwa moja mpenzi wake wa zamani mulamwah. “Wakati maisha inakupa sababu mia moja ya kuangua kilio na kuhuzunika, una jukumu la kuonesha maisha sababu millioni moja ya kutabasamu na kushukuru. Baki na nguvu,” Ameandika Caroll Sonnie kupitia Instastory yake. Utakumbuka juzi kati Mulamwah aliibuka kupitia mitandao yake ya kijamii na kufunguka mengi kuhusu maisha yake ya ndani kwa kusema kwamba alivunja mahusiano yake na Carol Sonnie baada ya mrembo huyo kumsaliti kimapenzi kwa kutoka na mwanaume mwingine. Haikushia hapo alienda mbali zaidi na kumkana mtoto aliyezaa na Carol Sonnie kwa kusema kuwa sio wake kwa kusema mtoto huyo sio wake.