Tag: esther musila

Mke wa msanii wa muziki wa injili Guardian Angel, Esther Musila, amewajibu vikali watu wanaodai kuwa mali anazomiliki ndizo zimemshawishi mume wake kuendelea kusalia katika ndoa yao, licha ya tofauti kubwa ya umri kati yao. Kupitia ujumbe aliouweka Tiktok, Esther ameonyesha kushangazwa na madai hayo akisema hawezi kutishwa na maneno ya watu mtandaoni. Amesisitiza kuwa mume ni wake na mali anazomiliki ni zake, hivyo hana sababu ya kuishi kwa kuogopa mitazamo ya wengine. Esther ameenda mbali zaidi na kuwataka wakosoaji watafute wapenzi wao na wawape pesa kama wanavyoamini yeye anavyomfanyia Guardian Angel, badala ya kutumia muda mwingi kuzungumzia ndoa yake. Mwanamama huyo ambaye amekuwa pamoja na Guardian Angel kwa miaka 6, amedokeza kuwa mwaka 2026 ataendelea kumpenda mume wake zaidi, akisema hilo litawapa wakosoaji jambo jipya la kuzungumzia.

Mke wa Guardian Angel, Esther Musila amewajibu vikali wakosoaji waliodai ndoa yao haitafika mbali kuelekea maadhimisho ya miaka minne ya ndoa na miaka sita tangu waanze kuwa pamoja. Akizungumza kupitia mitandao ya kijamii, Esther amesema kuwa yeye na Guardian Angel bado wapo imara na hawana mpango wa kuachana hivi karibuni, licha ya shinikizo kutoka kwa jamii kuhusu suala la kupata mtoto pamoja na tofauti yao kiumri. Mwanamama huyo wa miaka 55, amesema walimwengu wanapaswa kuwazoea kuwaona pamoja, akisisitiza kuwa ndoa yao haiendeshwi na maoni ya watu bali misingi ya mapenzi, heshima na uamuzi wao binafsi. Hata hivyo amesema kuwa tarehe 4 Januari itakuwa siku maalum sana kwa familia yao, kwani watakuwa wakiadhimisha miaka minne ya ndoa na pia kusherehekea siku ya kuzaliwa ya Guardian Angel. Ameahidi kuwa kutakuwa na jambo kubwa litakalowashangaza wengi na kuwanyamazisha wanaowabeza na kuwashambulia mitandaoni.

Mwanamitindo na mpenzi wa muziki wa injili Esther Musila ametoa majibu kwa wakosoaji wanaomshauri aache kujibizana na watu wanaomkejeli kwenye mitandao ya kijamii. Musila, ambaye ni mke wa msanii wa injili Guardian Angel, amekuwa akilengwa mara kwa mara na maneno ya kashfa mtandaoni, hasa kuhusu umri wake na uhusiano wake na mwanamuziki huyo. Baadhi ya wafuasi wake wamekuwa wakimshauri apuuze maneno hayo na asiwajibu wanaomkosoa. Hata hivyo, kupitia ukurasa wake wa Instagram, Musila alisema kuwa watu wengi hudhani ukikaa kimya ni udhaifu, lakini kwake, kujibu ni njia ya kuonesha kujitambua na kujiheshimu. Alieleza kuwa hana tatizo kujitetea pale anapohisi kushambuliwa, kwani kufanya hivyo hakumaanishi hana busara bali ni kutetea utu wake kama binadamu. Kauli yake imezua hisia mseto mtandaoni, huku baadhi ya mashabiki wakimpongeza kwa kusimama kidete kujilinda, ilhali wengine wakimshauri aendelee kupuuza maneno ya chuki na kuzingatia mambo chanya. Musila na Guardian Angel wameendelea kuonesha kuwa hawajali maneno ya watu, wakionekana mara kwa mara wakishirikiana kwenye matukio mbalimbali na kuonesha mapenzi yao hadharani bila woga.