Tag: KANYE WEST

Rapa kutoka Marekani Kanye West amefungiwa kutumia mitandao ya kijamii ya Twitter na Instagram baada ya kutuma jumbe za chuki dhidi ya Wayahudi. Mwishoni mwa wiki, Instagram iliwekea vikwazo akaunti ya West baada ya kumshutumu rapa, mwanamuziki na mtunzi wa nyimbo Sean Combs kwa kudhibitiwa na baadhi ya “Mayahudi wenye nguvu”, bila kutaja ni nani. Majukwa yote mawili yalifuta machapisho yake na kusema kuwa alikiuka kanuni ya uchochezi ukabila ubaguzi wa rangi na chuki za kidini. Matukio hayo yametokea baada ya West kuibua hasira za wanaharakati wa haki za watu weusi kwa kujitokeza katika Wiki ya Mitindo ya Paris akiwa amevalia fulana iliyoandikwa “White Lives Matter”. Katika maneno haya, waliona dhihaka ya kauli mbiu ya vuguvugu la BLM – Black Lives Matter, au “Black Lives Matter.” West, ambaye hivi karibuni alibadili jina na kijiita “Ye”, alikuwa akionyesha mkusanyiko wake wa mavazi huko Paris, ulioonyeshwa na Sela Marley, mwanamitindo mkuu na mjukuu wa Bob Marley

Rapa Kanye West ameibuka na tamko lake kwa wananchi wa Jijini London baada ya siku 18 kupita kufuatia kifo cha Malkia Elizabeth II. Kupitia insta story kwenye akaunti yake ya Instagram, YE ameandika “London nafahamu mnavyojisikia, Nilimpoteza Malkia wangu pia.” Tamko hilo limetafsiriwa kwa maana zaidi ya moja na mashabiki mbali mbali, kuna ambao wamesema amefananisha na kifo cha Mama yake mzazi (Donda C. West) huku wengine wakidai amefananisha kifo cha Malkia na kumpoteza mkewe Kim Kardashian ambaye wameachana kwa sasa.

Rapa Kanye West ameripotiwa kuwa penzini na mrembo Candice Swanepoel kutoka Afrika Kusini. Wawili hao walionekana pamoja kwenye maonesho ya New York Fashion Week wakiwa kwenye huba zito. Kwa mujibu wa TMZ, YE na Candice walionekana wakicheka na kufurahi pamoja na mchekeshaji Chris Rock huku wakipiga picha na baadaye walipanda gari moja na kuelekea hotelini. Hata hivyo mtandao wa Page Six umeripoti kwamba inaweza kuwa hawana uhusiano wa kimapenzi bali ni kiki tu za ku-promote miwani za Yeezy ambazo mrembo huyo ni sura ya bidhaa hizo.

Rapa Kanye West amesema kuwa ana mpango wa kununua Kampuni kubwa ya viatu. Kupitia ukurasa wake wa Instagram YE ameuliza kuwa kama kuna kampuni yoyote kubwa ya viatu itapendezwa na ombi lake ifanye mawasiliano nae. Kanye West amesisitiza kuwa anahitaji kununua Chapa kubwa kama alivyofanya James Salter kununua kampuni ya REEBOK. Mbali na hilo rapa huyo amesema kuwa alijaribu kuzungumza na Kampuni ya JB MORGAN lakini haijawezekana kupata dili kwani wana mkataba na kampuni ya ADIDAS.

Rapa Kanye West hatashitakiwa kwa kumpiga ngumi shabiki mmoja ambaye alikuja kwa ajili ya kutaka kupiga picha nae, mwezi Januari mwaka huu. Tukio hilo lilitokea Jijini Los Angeles ambapo shabiki huyo alidai kwamba baada ya kumuomba YE kupiga nae picha, walijikuta wakijibazana na ghafla rapa huyo alishuka kwenye gari na kumpiga ngumi mbili, moja kichwani na nyingine shingoni ambapo alianguka chini. Idara ya Polisi imechunguza shauri hilo ambalo linabeba hukumu ya miezi 6 Jela, na taarifa mpya ni kuwa wamekuta hakuna ushahidi wa kutosha kumtia hatiani Kanye West.

Rappa Kanye West ameingia tena kwenye headlines baada ya kushtakiwa mahakamani na kampuni ya Phantom Labs. Kanye ameshtakiwa na Phantom Labs kampuni ya uandaaji matamasha kwa madai ya kutolipa $7.1m ambayo ni malipo ya matamasha matatu. Inaelezwa licha ya kupokea barua nyingi za kukumbushwa kutoka kwa Phantom, Kanye West na timu yake wameendelea kwa njia isiyoeleweka kuinyima malipo kampuni hiyo. Utakumbuka wiki kadhaa zilizopita Kampuni ya “David Casavant Archive” ya kukodisha mavazi ilifungulia mashtaka mahakamani akidaiwa kukosa kurejesha mavazi aliyokodisha yenye thamani ya $400K.

Imeripotiwa kuwa rappa Kanye West yupo mbioni kufungua duka lake la kusambaza bidhaa zake za “YEEZY”. Kwa mujibu wa TMZ, Kanye na timu yake ya sheria tayari wamehitimisha alama yao ya biashara ya “YZYSPLY” itakayotumika kwenye duka lake. Kanye ambaye ameanzia kutoa huduma ya usambazaji wa bidhaa zake kupitia online (tovuti), sasa hivi inatanuliwa kwa ufunguzi wa duka rasmi litakalokuwa linafanya huduma hiyo.