Mike Sonko Amkingia Kifua Binti yake Baada ya Kudhalalishwa na Mume Wake
Robert Elim November 17, 2025
Comments (0)

Mike Sonko Amkingia Kifua Binti yake Baada ya Kudhalalishwa na Mume Wake

Aliyekuwa Gavana wa Nairobi, Mike Sonko, ameingilia kati na kumkingia kifua binti yake, Salma, baada ya madai kuibuka kwamba ameshushiwa kipigo cha mbwa na mume wake. Tukio hilo limeibuka baada ya video kusambaa mtandaoni ikimuonyesha Sonko akimkabili mkwewe mara baada ya kupokea simu ya dharura kutoka kwa binti yake. Sonko anasema sauti ya Salma ilikuwa imejaa hofu na maumivu, jambo lililomsukuma kukimbia mara moja kwenda kumsaidia kama mzazi. Katika ujumbe wake, Sonko amelaani vikali vitendo vya ukatili wa majumbani, akisema hakuna mwanamke au mwanaume anayestahili kuishi kwenye mazingira ya vurugu. Amehimiza wanandoa kuchagua mazungumzo na njia za amani kutatua changamoto zao, badala ya hasira zinazoweza kusababisha madhara. Tukio hilo limezua mjadala mkubwa mitandaoni, huku Wakenya wakitoa maoni mbalimbali na wengine wakitaka hatua zichukuliwe kulinda waathiriwa wa ukatili wa majumbani.

Read More
Mike Sonko Ajitolea Kufadhili Tamasha la Vybz Kartel Nchini Kenya
Robert Elim July 12, 2025
Comments (0)

Mike Sonko Ajitolea Kufadhili Tamasha la Vybz Kartel Nchini Kenya

Tajiri maarufu na aliyewahi kuwa Gavana wa Nairobi, Mike Sonko, ametangaza kuwa yuko tayari kufadhili tamasha kubwa la msanii nguli wa dancehall kutoka Jamaica, Vybz Kartel, nchini Kenya. Tangazo hilo limekuja muda mfupi baada ya Vybz Kartel kuonyesha nia ya kutumbuiza barani Afrika, akisema kuwa Kenya ni moja ya nchi anazopendelea kuzuru kwa ajili ya show maalum. Kupitia ujumbe kwenye mitandao ya kijamii, Sonko alisema yuko tayari kushirikiana na wadau wa burudani kuhakikisha kuwa tamasha hilo linafanyika, licha ya gharama kubwa inayohusiana na kumleta Kartel. Kwa sasa, ada ya kumuweka jukwaani msanii huyo inakadiriwa kuwa kati ya Shilingi milioni 100 hadi 173 za Kenya. “Kama Vybz Kartel yuko tayari kuja Kenya, niko tayari kumfadhili. Tufanye hii show iwe ya kihistoria,” aliandika Sonko. Vybz Kartel, ambaye aliachiliwa kutoka gerezani mapema mwaka huu, ameendelea kudhihirisha ushawishi mkubwa katika tasnia ya muziki wa dancehall duniani. Nyimbo zake maarufu kama Fever, Summertime na Clarks zinaendelea kuvuma mitaani na kwenye redio nyingi humu nchini. Iwapo tamasha hilo litatimia, litakuwa moja ya maonyesho makubwa zaidi ya kimataifa kufanyika Kenya, na huenda likafungua milango kwa wasanii wengine wa kimataifa kuja kutumbuiza Afrika Mashariki.

Read More
Mike Sonko na DJ Kalonje watupiana maneno makali mtandaoni
Robert Elim October 8, 2022
Comments (0)

Mike Sonko na DJ Kalonje watupiana maneno makali mtandaoni

Aliyekuwa gavana wa Nairobi Mike sonko amejipata akitupiana maneno makali mtandaoni na Deejay maarufu nchini DJ Kalonje. Hii ni baada ya DJ Kalonje kuibuka na kumtaja Jaguar na Sonko kama wanasiasa ambao walishindwa kumsaidia kurejesha studio yake iliyonyakuliwa na bwenyenye mmoja jijini Nairobi licha ya kuwasilisha lalama zake kwao. Sasa Kupitia ukurasa wake Instagram Sonko ameamua kutoa ya moyoni kwa kupuzilia mbali madai hayo, akisema kwamba ameshangazwa na hatua ya Kalonje kumzushia madai ya uongo ikizingatiwa kuwa hajawahi kumuomba usaidizi wowote wakati anahudumu serikalini. Sonko hata hivyo amemporomoshea mvua ya matusi Kalonje akimtaka akome kumchafulia jina mtandaoni huku akienda mbali zaidi na kuhoji kuwa huenda stress za mapenzi ndio zinamsumbua DJ huyo ambaye ameonekana kuwa na uwezo mdogo wa kufikiria. “Usaidiwe na politician kwani we ni slay queen? Nakama umekuwa shoste utuambie!” “Mimi sio red cross ati lazima nikusaidie.” “Mafeelings zako na madepression zako za ma dame peleka mbali na mimi.” Aliandika Instastory yake. Kauli ya Sonko inakuja mara ya DJ Kalonje kudai kuwa manyanyaso ambayo Sonko alimpitisha pamoja na marehemu baba yake mzazi ndio chanzo cha mwanasiasa huyo kukumbwa na skendo za kisiasa kiasi cha kushindwa hata kumaliza hatamu yake ya uongozi kama Gavana wa Kaunti ya Nairobi.

Read More