Tag: Sauti sol

Bendi maarufu kutoka nchini Kenya Sauti Sol, imetishia kuchukua hatua za kisheria dhidi ya Chama cha Azimio la Umoja nchini humo kwa madai ya ukiukwaji wa hakimiliki. Hatua hii inakuja baada ya muungano huo unaoongozwa na Raila Odinga kupiga wimbo wao wa ‘Extravaganza’ wakati wa hafla ya kumtambulisha Mgombea mwenza wa kiti cha urais, iliyofanyika Jumatatu hii katika ukumbi wa KICC. Wakati wa hafla hiyo ya televisheni, Odinga alimtambulisha Mgombea mwenza Martha Karua huku ‘Extravaganza’ ikicheza nyuma, hatua ambayo bendi hiyo inasema haikuidhinishwa. “Hatukutoa kibali cha wimbo huu kwa kampeni ya Azimio la Umoja walahatukutoa kibali chochote kwa matumizi yake katika kutangaza Mgombea wao wa Makamu wa Rais.” Sauti Sol wamesema hawana misimamo yoyote ya kisiasa na kuahidi kuchukua hatua za kisheria dhidi ya timu inayoongozwa na Odinga kwa kukiuka haki miliki ya bendi hiyo. Hata hivyo Raila Odinga kwa upande wake amesema wimbo huo ulipigwa kwa nia ya kuonesha upendo kwa sababu bendi hiyo imepeperusha bendera ya Kenya  Kimataifa na Wakenya wanawashukuru kwa hilo.

Wasanii wa Sauti Sol, Bien Baraza na Chimano kwa kauli moja wamepinga uteuzi wa Dakta Ezekiel Mutua kama mwenyekiti wa Mamlaka inayosimamia  Hakimiliki nchini Kenya. Kupitia jumbe walizochapisha kwenye mtandao wa Instagram wasanii hao wameonekana kutofurahisha na kitendo cha Mutua kupewa wadhfa huo huku wakisema kuwa hawana imani na uongozi wake ikizingatiwa kuwa alishinda kuiboresha sekta ya filamu kipindi anahudumu kama mwenyekiti wa Bodi ya filamu. Kauli yao imekuja mara baada ya dakta Ezekiel mutua kusema kwamba anafuraha kurejea kwenye sekta ya muziki kama mwenyekiti wa Mamlaka inayosimamia hakimiliki nchini ambapo aliahidi kuwapigania wasanii wa Kenya hadi pale muziki wao utakapowaingiza kipato kwani  muziki ni ajira kwa vijana kwenye mataifa yaliondelea. Utakumbuka Daktari Mutua alihudumu kama afisa mkuu mtendaji katika bodi ya filamu nchini (KFCB) kati ya mwaka 2015 na 2021, ambapo alichukiwa na wengine kwa kujaribu kulainisha kazi za sanaa na maadili nchini. Muda wake katika bodi hiyo ulifikia kikomo mwezi Agosti mwaka 2021 baada ya tume ya kupambana na ufisadi nchini kuanzisha uchunguzi dhidi yake na mmoja wa wanachama wa bodi ya filamu kwa kupokea marupurupu na mishahara kwa njia isiyofaa.

Kundi la Sauti Sol limezindua rasmi jukwaa la watoto liitwalo Sol Kids Kenya, ambalo linalenga kuja na vitabu vya watoto vitakavyowaelimisha kuhusu haki zao, kujilinda na ujuzi wa kujieleza. Kupitia ukurasa wao wa Instagram  Sauti Sol wamesema jukwaa hilo la mtandaoni litatoa mchango mkubwa katika kuboresha elimu miongoni mwa watoto kwa kutoa vitabu vya vya hadithi na mashairi vitakavyowasaidia kujenga kumbukumbu, uelewa, na kupata ujuzi wa kutatua matatizo. Wakali hao wa ngoma ya Suzzana wamesema wameamua kuja na wazo la Sol kids kutokana na kukosekana kwa jukwaa maalumu linaloshughulikia vitabu vya watoto jambo ambalo limepelekea baadhi ya watoto kumaliza shule bila ya kuwa na uwezo wa kusoma na kuandika. Mbali na hayo member wa sauti sol, Fancy Fingers maarufu kama Polycarp Otieno alipata fursa ya kuzindua kitabu chake cha pili kiitwacho lala land baada ya written in the stars ya mwaka wa 2021 ambayo ni mahsusi kwa ajili ya watoto kujifunza ili kuongeza maarifa. Kitabu chicho cha hadithi  kinapatikana kwenye majukwaa kadhaa ya kuuza vitabu mtandaoni ikiwemo App ya Sauti Sol iitwayo Hustle sasa kwa shillingi 999 za Kenya.

Kundi la Sauti sol limeingia ubia wa kufanya kazi na jukwaa la Shahara lilowapa fursa watengeneza maudhui kutangaza kazi zao za ubunifu kwa njia ya mtandao. Sauti sol wamethibitisha taarifa hiyo njema kwa mashabiki wao kupitia ukurasa wao wa Instagram kwa kushare picha wakiwa wanatia saini mkataba wa maelewano na Shahara huku wakieleza furaha yao ya kujiunga na familia ya Shahara ambayo imekuja na mpango wa kuwasaidia watengeneza maudhui kunufaika na kazi zao za sanaa. Wakali wa ngoma ya “Suzzana” wamesema Shahara itawapa nafasi wanaounda mahudhui kumiliki kazi zao za ubunifu sambamba na kuwafungulia njia ya kuwafikia watu wengi zadi huku wakipata kipato kupitia maudhui wanayopakia kwenye mtandao huo tofauti na majukwaa mengine. Kwa sasa Sauti Sol watatakiwa kutangaza huduma za Shahara kwa mashabiki zake ambao ni wabunifu kupitia mitandao ya kijamii kwa lengo la kuiongeza jukwaa hilo idadi kubwa ya watengeneza maudhui watakaochapisha kazi zao kwa njia ya mtandao.

Kundi la muziki nchini Sauti Sol limetangaza ujio wa ziara yao ya kimuziki  Barani ulaya kwa kuanika mkeka wa mataifa ambayo watafanya shows. Kupitia ukurasa wao rasmi wa instagram Sauti Sol, wameipa ziara hiyo jina la Sauti Sol  Europe Tour na itaanza Aprili Mosi, mwaka wa 2022 huko Barcelona nchini Uhispania na itafanyika ndani ya miji 19 kwa kipindi cha mwezi mmoja.. Ziara hiyo inatarajiwa kuzunguka kwenye miji mbalimbali nchini Ujerumani, Ureno, Ufaransa, Denmark, Uingereza, Belgium ambapo kilele chake kitakuwa nchini Uholanzi Juni 28 mwaka wa 2022.