Tag: Sauti sol

Mwana kikundi wa Sauti Sol, Bien amefunguka namna uchaguzi nchini Kenya ulivyoendeshwa. Katika mahojiano na Mungai Eve, Bien amesema mchakato mzima wa uchaguzi mkuu nchini ulikuwa wa haki na huru ambapo amewapongeza wakenya kwa kudumisha Amani kabla na hata baada ya uchaguzi. Hitmaker huyo “Inauma” amewataka wakenya kurejea kazini baada ya Rais mteule William Ruto kutangazwa na Tume huru ya uchaguzi IEBC hata kama kuna wale ambao hawakuridhishwa na matokeoa ya urais. Bien ametoa wito kwa serikali mpya itakayoingia mamlakani kuboresha sanaa nchini Kenya ili vijana waweze kupata ajira. Kuhusu mgogoro wao na muungano wa kisiasa wa Azimio la Umoja kutumia wimbo wao wa “Extravangaza bila ridhaa ya Sauti Sol, Bien amesema mawakili wao wanashughulikia suala hilo kuhakikisha wanapata haki.

Mwanakikundi wa Sauti Sol Bien amefunguka mara baada ya Diamond Platnumz kupewa nafasi ya kutumbuiza kwenye mkutano wa kisiasa wa mrengo wa Azimio la Umoja juzi kati. Kulingana na Hitmaker huyo “Inauma”,  sio wasanii wote wana haja ya kutumbuiza kwenye majukwaa ya kisiasa. “We don’t want to be in political forums” Amesema Bien. Bien ametoa kauli hiyo kufuatia hatua ya mchekeshaji Eric Omondi kuwatolea uvivu wasanii wa Kenya kwa kutotumbuiza kwenye hafla ya kisiasa ya Azimio la Umoja huko Kasarani.

Msanii wa kundi la Sauti Sol Bien kwa mara nyingine tena ameibuka na kauli yenye utata kuhusu maisha yake na mkewe Mtangazaji Chikki. Akipiga stori na Mambo Mseto ya Radio Citizen Bien amesema licha ya mkewe kuwa Meneja wake, wanaposafiri kwa ajili ya show kila mmoja hulala chumba chake. “Katika ndoa yetu kuna mipaka pia, kwa mfano kama nimeitwa mahali niko na shoo, nakaa kwa chumba cha hoteli mimi peke yangu. Huwa sitaki hata muziki hapo ndani. Nataka tu kukaa peke yangu nijisikilize na kujitathmini kuhusu jinsi nitakavyoifanya hiyo shoo” alisema. “Kwa hiyo kama unaniita kama ajenti ama promota, huwezi nitengea chumba kimoja mimi na mke wangu, sitaki kulala na yeye kitanda kimoja hiyo siku, nataka kuenda kujisikilizia,” alisema Bien. Hittmaker huyo wa ngoma ya “Inauma” amefafanua kwamba wakienda kwa shoo na mke wake mambo ya uchumba yanabaki nyumbani na kule wanaenda kama msanii na Meneja wake na kwa hiyo kuna umuhimu wa kila mmoja kutengewa chumba chake binafsi mbali na mwingine.

Mwimbaji mkuu wa Kundi la Sauti Sol nchini Kenya Bien amesema hashauri watu waliopo katika umri wa miaka ya ishirini kuwa kwenye uhusiano wa kimapenzi kwani ni kupotezeana muda. Bien amesema watu walio katika umri huo wanapaswa kujijali wenyewe na kusafiri kwa kuwa mtu aliyeko katika umri huo bado anajitafuta ajue kitu gani hasa anakihitaji. “Siwezi kumpa ushauri mtu mwenye umri wa miaka ishirini awe kwenye mahusiano, ni kupoteza muda, angalau fanya kazi, usafiri pia uwe na watu wengine huku na huko.” alisema Bien. Aidha aliongeza kwamba mtu akiwa katika umri huo hajitambui na mtu aliye naye pia hajitambui “Unadhani unafanya nini? Mnajaribu kusuluhisha mambo pamoja lakini mwisho wa siku yaani nadhani ni bora kuwa peke yako ikiwa uko katika miaka ya 20” alimaliza Mwanamuziki huyo.

Msanii kutoka kundi la Sauti Sol Bein Aim Baraza amesema kuwa yupo tayari kukata mshipa wa uzazi maarufu vascectomy punde atakapo pata watoto na mke wake Chiki Kuruka. Akizungumza kwenye kipindi cha Baldmen Session kwenye mtandao wa youtube Bein amesema kuwa kupanga uzazi barani Afrika ni swala ambalo limewachiwa wanawake. Bien amesema kuwa hawezi kumwachia mke wake mzigo huo pekee licha ya kuwa wanaume wengi wanaogopa kufanyiwa vasectomy. “Wanaume wengi hawako tayari kufanyiwa vasektomi lakini mimi niko tayari kuangalia vasektomi, nimechoka kuweka mzigo huu kwa vifaranga wetu, kwanza najua dawa mbalimbali za uzazi wa mpango zina madhara tofauti. “Amesema Bien kwenye kipindi anachoandaa. Lakini pia amefunguka kuwa mashabiki wamekuwa wakimshinikiza kupata mtoto na mke wake Chiki Kuruka licha ya kuwa kwenye ndoa kwa miezi 18 pekee. “Hata mimi Wakenya wameniangalia weird, I’ve stayed karibu for 18 months na sijafanya kitu lakini kila kitu na time yake,” alisema. “Sijawahi kuwa na hamu ya kuzaliana! Kwa hiyo haijawahi kunisumbua sana.” amesema