Tag: vera sidika

Socialite kutoka Kenya, Vera Sidika, ameamua kuwajibu watesi wake baada ya kuzuka kwa madai kuwa ameshindwa kulipa kodi ya nyumba yake ya kifahari (mansion) na kulazimika kuondoka. Kupitia video aliyochapisha akiwa Dubai, Vera ameonekana akila bata, akifurahia maisha ya kifahari na mazingira ya kuvutia, hatua ambayo wengi wameitafsiri kama ujumbe mzito kwa waliokuwa wakimshambulia mitandaoni. Video hiyo imewaacha wengi midomo wazi, ikionyesha kuwa bado anaendelea kuishi maisha ya kifahari licha ya tetesi zilizokuwa zikisambaa amefulia kiuchumi. Katika siku za karibuni, baadhi ya watumiaji wa mitandao ya kijamii walidai kuwa Vera alishindwa kulipa kodi ya mansion aliyokuwa akiishi na hivyo kuhamia kwenye makazi ya chini (Apartment). Hata hivyo, bila kuzungumza sana, mrembo huyo ameonekana kuchagua vitendo badala ya maneno, akionyesha wazi kuwa hana presha na madai hayo.

Socialite kutoka Kenya, Vera Sidika, amekanusha madai yanayotembea mitandaoni kuwa amefulia kiuchumi kiasi cha kushindwa kulipa kodi ya mansion aliyokuwa akiishi mwaka jana. Kupitia Insta Story yake, Vera Sidika amepuuza kabisa madai hayo akisema ni uzushi mtupu. Mrembo huyo, amesema kwa zaidi ya miaka 13 sasa, kuna baadhi ya watu wamekuwa wakimuombea afeli kimaisha, jambo ambalo anadai halitawahi tokea hadi mwisho wa dunia. Vera ameongeza kuwa hata ikitokea amefulia kiuchumi, hawezi kushusha hadhi yake kwa kuishi kwenye nyumba ya kupanga. Amedai ni heri alale ndani ya gari lake la kifahari aina ya Range Rover Voogue kuliko kuhamia kwenye nyumba ya kupanga. Kauli ya Vera Sidika imekuja mara baada ya shabiki kuibua taarifa zilizoandikwa na blogu moja, zikidai kuwa Vera ameshindwa kulipa kodi ya nyumba yake ya kifahari (mansion) na kulazimika kuhamia kwenye apartment ya kupanga.

Socialite kutoka Kenya, Vera Sidika, amefichua kuwa hununua simu zake za iPhone moja kwa moja kutoka maduka rasmi ya Apple nchini Marekani na siyo Kenya kama namna baadhi ya watu wanavyodai. Kupitia mitandao yake ya kijamii, Vera amesema kuwa hana imani na maduka mengi yanayouza vifaa vya teknolojia nchini humo, akieleza kuwa baadhi ya simu hizo huwa hazitoki moja kwa moja kwa Apple na huwa zimefanyiwa marekebisho kabla ya kuuzwa. Mama huyo wa watoto wawili, amesema hatua hiyo ni njia yake ya kujihakikishia ubora na usalama wa kifaa anachonunua, ikizingatiwa kwamba bidhaa ghushi zimekuwa changamoto kubwa sokoni. Kauli yake imezua mjadala mtandaoni, huku baadhi ya mashabiki wakimuunga mkono kwa kusema kuwa bidhaa bandia zimekuwa changamoto kubwa sokoni, huku wengine wakidai kuwa anajaribu kuonesha maisha ya kifahari.

Socialite maarufu wa Kenya, Vera Sidika, amefichua kuwa sasa yuko tayari kurudi tena kwenye ulimwengu wa mapenzi na safari hii, anavutiwa na mwanaume wa kizazi cha Gen Z. Vera, ambaye ni mama wa watoto wawili, amekiri kuwa amekuwa single kwa muda mrefu sana na amekuwa akipitia kipindi kigumu cha upweke, akisema hata siku yake ya kuzaliwa mwaka huu haikuwa na msisimko kama ilivyokuwa zamani. Amesema hali hiyo imemfanya atambue umuhimu wa kuwa na mtu wa karibu, na sasa anaona yuko tayari kufungua moyo wake tena kwa mapenzi. Vera ameeleza kuwa anavutiwa na wanaume wa Gen Z kwa sababu wanajua kuonyesha mapenzi kwa vitendo, na hawana hofu ya kuzungumza hisia zao. Pia amesema vijana hao wana nguvu na hulka ya furaha, jambo analoamini litampa msisimko mpya maishani. Kauli yake imezua maoni mseto mtandaoni, baadhi ya mashabiki wakimpongeza kwa ujasiri wa kusema ukweli wake, huku wengine wakimtania kwa kutaka mwanaume kijana zaidi.

Socialite maarufu wa Kenya, Vera Sidika, amezima madai yanayoenezwa mitandaoni kuwa anapanga kurudiana na mzazi mwenzake, mwanamuziki Brown Mauzo licha ya kuendelea kushirikiana naye katika malezi ya watoto wao. Kupitia ujumbe aliouweka kwenye Instagram, Vera amekanusha vikali uvumi huo na kueleza kuwa maamuzi yake yamelenga tu kuhakikisha watoto wao wanapata malezi bora. Amesisitiza kwamba hatua ya kuruhusu Brown kuwa karibu na watoto wao haimaanishi kuwa anataka kurejesha mahusiano, bali ni kutambua wajibu wake kama baba. Mwanamama huyo pia amewakumbusha mashabiki wake kuwa alishawahi kuandaa “divorce party” kama alama ya kufunga ukurasa wa ndoa yake na Mauzo, jambo analosema linatosha kuonyesha kuwa hawezi kurudiana naye. Hii inakuja baada ya mijadala kuzuka mitandaoni, mashabiki wakidai kitendo chake cha kumruhusu Brown Mauzo kuja nyumbani kwake na kukaa na watoto wao ni ishara ya wawili hao kutaka kufufua uhusiano wao wa kimapenzi.

Mrembo maarufu kutoka Kenya, Vera Sidika, ameweka wazi msimamo wake baada ya kukosolewa kwa uamuzi wake wa kumruhusu aliyekuwa mpenzi wake, mwanamuziki Brown Mauzo, kutumia muda na watoto wao nyumbani kwake. Kupitia Inst story yake, Vera amesema hajawahi kumtegemea Mauzo kwa msaada wa kifedha na kwamba jambo analolipa kipaumbele ni uwepo wake kama baba katika maisha ya watoto wao. Amebainisha kuwa yeye mwenyewe alikulia kwenye familia yenye wazazi wote wawili, jambo lililomfanya atamani watoto wake wapate malezi yenye upendo na uwepo wa baba, bila kujali changamoto za kifedha. Akizungumzia dhamira ya Mauzo kama mzazi, Vera amesema amewahi kushuhudia jinsi alivyovunjika moyo baada ya kuzuiwa kumuona mtoto wake na mama wa mtoto wake kwa kipindi cha miaka miwili iliyopita. Kwa mujibu wake, hali hiyo ilionyesha wazi jinsi anavyothamini nafasi yake kama baba na hamu yake ya kuwa karibu na watoto wake. Aidha, Vera amekosoa vikali tabia ya baadhi ya akina mama kuwazuia baba kuona watoto wao kwa sababu ya changamoto za kifedha. Alisema kufanya hivyo ni kitendo cha ubinafsi kwa kuwa kinawanyima watoto nafasi ya kupokea upendo na malezi ya baba zao. Kauli ya Vera imezua mjadala mitandaoni, baadhi ya watu wakimsifu kwa ukomavu na mtazamo wake chanya kuhusu malezi ya pamoja, huku wengine wakisisitiza kuwa majukumu ya kifedha nayo ni sehemu muhimu ya malezi ya mzazi.

Sosholaiti maarufu wa Kenya, Vera Sidika, ameibua gumzo mitandaoni baada ya kumtolea uvivu mchekeshaji Mammito Eunice kufuatia kauli yake kuhusu upasuaji wa kuongeza makalio (BBL). Mammito alikuwa ametupa dongo akidai wanawake wengi kutoka jamii ya Luhya wanapendelea sana urembo wa upasuaji, jambo ambalo halikumpendeza Vera. Kupitia Instastory yake, Vera alimjibu kwa kejeli, akimshambulia binafsi na kumshauri akubaliane na hali yake. “The fact hauna pesa ya BBL inashangaza. Please embrace your bones in peace.”, Aliandika Inststory Majibizano hayo yamezua mjadala mkubwa mitandaoni, baadhi ya mashabiki wakimpongeza Vera kwa kujiamini, huku wengine wakimkosoa kwa kutumia maneno ya kudhalilisha. Tukio hili lilitokea wakati Vera akijaribu kukanusha madai ya wakosoaji waliokuwa wakipotosha kuhusu uhalali wa gari lake la kifahari aina ya Range Rover, ambalo alilishiriki kwenye ukurasa wake wa Instagram.