Tag: willy paul

Msanii nyota nchini Willy Paul amezua mjadala mzito kwenye mtandao wa kijamii baada ya kumtawaza kinara odm Raila Odinga kuwa rais wa tano wa Kenya kwenye uchaguzi mkuu wa Agosti 9 mwaka huu. Kupitia ukurasa wa Instagram Willy Paul ameweka wazi msimamo wake wa kisiasa bila uwoga kwa kuchapisha bango la kiongozi huyo wa Chama cha ODM, jambo linalotafsiriwa moja kwa moja kuwa hitmaker huyo wa Toto amejiunga rasmi na muungano wa Azimio la Umoja ambao unampigia debe Raila Odinga kutua uongozi wa nchi ya Kenya kwenye uchaguzi mkuu wa mwaka huu     . Kauli hiyo ya Willy Paul imeibua hisia mseto miongoni mwa wakenya kwenye mitandao ya kijamii ambapo wengi wameonekana kukerwa na hatua ya msanii huyo kujihusisha na masuala ya kisiasa huku wengine wakimtaka aelekeze nguvu zake kwenye ishu ya kutoa muziki. Utakumbuka Willy Paul ambaye anamezea kiti cha ubunge eneo la Mathare Kaskazini juzi kati aliweka wazi kuwa yupo tayari kumenyana na wagombea wenzake kutoka eneo la mathare kaskazini kwenye uchaguzi wa mchujo wa chama cha ODM Aprili 17 mwaka huu wa 2022.

Baada ya Kurasa moja ya udaku nchini kwenye mtandao wa Instagram kuchapisha taarifa kuwa Willy Paul ana mpango wa kuimaliza career ya msanii wa Bongofleva Diamond Platinumz tarehe 17 mwezi Aprili mwaka huu, msanii huyo ameibuka na kukanusha taarifa hizo. Kupitia uwanja wa comment ya post hiyo Willy Paul amesema madai hayo hayana msingi wowote kwani post yake ilitafsiriwa vibaya. Hitmaker huyo wa ngoma ya “Toto” amesema post yake kwenye mtandao wa instagram ililenga kutangaza jambo lake ambalo litafanyika April 17 mwaka huu ingawa hakuweka wazi kama ni project ya wimbo au show. Utakumbuka Willy Paul kupitia Instagram Page yake aliandika ujumbe unaosomeka “Nimetangaza rasmi vita. Nizuie kama una uwezo, Aprili 17 nitazika mtu. Mimi sio Simba. Jina langu ni Willy Paul almaarufu Black Panther.” Ujumbe huo ulitafsiriwa moja kwa moja kumlenga Diamond platinumz ambaye amekuwa akijiita Simba.

Mafanikio ya wimbo wa ‘Toto’ yanaonekana yanampa Staa wa muziki nchini Willy Paul jeuri ya kufikiria kuachia  wimbo mwingine mpya. Kupitia ukurasa wake wa Instagram Willy Paul  amewaachia mashabiki zake swali iwapo aachie wimbo mpya mara baada ya wimbo wake wa Toto kufikisha zaidi ya views millioni moja kwenye mtandao wa youtube. Hata hivyo mashabiki zake wameonekana kuitikia wito wake wa kuachia wimbo mpya, hivyo huenda mtu mzima Willy Paul akawabariki na singo mpya muda wowote kuanzia sasa. Utakumbuka Toto ni wimbo unaopatikana kwenye album yake ya pili African Experience ambayo pia inafanya poa kwenye mtandao wa Boomplay Kenya ikizingatiwa kuwa mpaka sasa ina zaidi ya streams millioni moja.

Mwanamuziki maarufu nchini Willy paul amewataka mashabiki zake kuacha kumuita jina la utani la Mkunaji. Kupitia instagram Willy paul amesema jina hilo ni la kishetani na lina mikosi mingi, hivyo hataki kuhusishwa nalo. Hitmaker huyo wa “My Woman” amesema tangu aanze kutumia jina la mkunaji amejipata kwenye kashfa nyingi ambazo amedai zimemuaharibia chapa au brand yake ya muziki. Hata hivyo amewaomba mashabiki zake kuacha kumuita mkunaji huku akisema kuwa imelazimika kuairisha suala la kuachia video ya wimbo wake wa toto kwa ajili ya kuhakikisha jina hilo linaondolewa kwenye video ya wimbo huo. “Morning fam, would like to take this opportunity to let everyone know that from today hence forth I will not be using the name ” MKUNAJI ” it’s evil and I don’t want to be associated with it! Ever since I embraced the name I’ve had too much problems. So if you’re truly a fan of Willy Paul, Willy Pozze. Stop calling him ” MKUNAJI ” We’re postponing the release of #TOTO video just to do away with this name, to make sure that it’s nowhere. You’ll notice afew changes when the #toto video drops. 2022 is not a year of problems!”..ameandika willy paul kupitia instagram page yake.

Staa wa muziki nchini Willy Paul amefunguka na kuzungumzia ishu ya kupungua kwa idadi ya viewers wanaotazama video za nyimbo zake kwenye mtandao wa Youtube. Kupitia  Youtube live Willy Paul amedai kuwa kuna mchezo mchafu ambao unaendelea kwenye channel yake ya YouTube  ambapo amelalamika kuwa views za video za nyimbo zake zinapanda na kushuka. Hitmaker huyo wa “My Woman” amesema kuna msanii ameamua kusambaratisha harakati zake za kuupeleka muziki wake kimataifa kwa kununua baadhi ya watu ambao amedai wameweka kizuizi kwenye channeli yake ya Youtube ili watazamaji wa nyimbo zake wazipande. Hata hivyo ametoa onyo kwa msanii huyo ambaye hajamtaja jina kuacha tabia hiyo la sivyo atamwaanika ikizingatiwa kuwa ana idhibati inaonyesha kuwa amekuwa akinunua views youtube. Kauli hiyo ya Willy Paul imetafsiriwa na watumiaji wa mitandao ya kijamii  kuwa ina mlenga moja kwa moja msanii mwenzake Bahati na mkewe Diana Marua ambao katika siku za hivi karibu hajakuwa na maelewano mazuri naye.