Tag: bahati

Msanii aliyegeukia siasa Bahati amedai kuwa mpenzi wake Antony Oluoch alimtumia majangili kumtishia maisha ili ajiondoe kwenye azma yake ya ubunge Mathare Kupitia mitandao yake ya kijamii Bahati amesema vijana hao ambao sio wakaazi wakaazi alimvamia na kumpiga kiasi cha kurarua shati lake la chama chake cha Jubilee huku wakimtishia kuwa wataangamazia kama atajiuzulu kwenye kinyanganyiro cha ubunge Mathare. Hitmaker huyo wa ngoma ya “Adhiambo” amesema mpinzani wake huyo amejaribu kila njia kuzima ndoto yake lakini amesema kidete kwa ajili ya watu wa Mathare ambao wamehangaika kwa muda mrefu. Hata hivyo amepuzilia mbali shinikizo za kutaka kujiondoa kwenye ubunge Mathare huku akidai kuwa atakuwa kwenye debe Agosti 9 ambapo akiwarai wakaazi wa mpe kura kwa wingi licha ya vitisho anavyozidi kupokea kila kuchao. Kauli ya Bahati imekuja mara baada ya Raila Odinga kuahidi kumpa kazi kwenye serikali yake na kumtaka ampe nafasi Mbunge wa sasa wa Mathare Athony Oluoch kutetea kiti chake kwenye uchaguzi mkuu ujao.

Msanii aliyegeukia siasa Kevin Kioko Bahati  amethibitisha rasmi na tume ya IEBC kuwa miongoni mwa wagombea watakaowania ubunge Mathare kwenye uchaguzi wa Agosti 9. Hii ni baada ya tume hiyo kuorodhesha jina lake kwenye gazeti lake rasmi licha ya Muungano wa Azimio la Umoja kumtaka ajiondoe kwenye kinyanganyiro cha ubunge mathare kwa ajili ya kumpa nafasi mbunge wa sasa Anthony Oluoch kutetea kiti chake. Kulingana na notisi hiyo Bahati atawania ubunge Mathare kupitia tiketi ya chama ya jubilee. Bahati amepokea taarifa hiyo kwa furaha huku akisema kuwa IEBC imeheshimu matakwa ya wakaazi wa eneo bunge la Mathare. “When Jesus says yes, nobody can say no! I have been the most fought MP candidate; my loosing opponent tried everything to threaten me & make sure I step down but look at what God has done! It’s official now,”  Ameandika kupitia  twitter. Bahati kwa sasa atachuana na wagombea wengine wa ubunge mathare kutoka vyama mbali mbali vya kisiasa.  

Staa wa muziki nchini  Bahati amefunguka tusioyajua kuhusu azma yake ya  kuwa mwanasiasa Akizungumza na Radio Citizen, Bahati amesema alihongwa shilling millioni 50 kujiondoa kwenye kinyang’anyiro cha ubunge Mathare ili kumpa nafasi mpinzani wake Anthony Oluoch nafasi ya kiti chake kwa mara ya pili kwenye uchaguzi wa Agosti 9. Msanii huyo amesema kuwa wapinzani wake wote si wakazi wa Mathare na wamekuwa wakimshirikisha kwenye mazungumzo ili kumshawishi kulegeza msimamo wake wa kuwania ubunge wa eneo hilo. “Niliambiwa nitapewa kazi. Lakini sitafuti kazi, najitafutia riziki kutokana na muziki wangu,” alisema. Watu wamekuja na ofa wanataka kunilipa ili niondoke madarakani. Wamenipa mamilioni, hadi Ksh.50 milioni. Wanajua wakifika ofisini watapata pesa hizo,” Bahati alisema. Kulingana na hitmaker huyo wa ngoma ‘Sweet Love’, ambaye anagombea ubunge kupitia tiketi ya chama cha Jubilee, washindani wake wamegundua kuwa hawezi kuhujumiwa kwenye azma yake ya kuwa mbunge wa Mathare na sasa wanatumia njia zingine kumshawishi. Bahati amemtaja mpinzani wake Anthony Oluoch, kuwa mmoja wa wale waliomwendea, wakiomba msaada wake. “Aliniambia nimfanyie wimbo wa kampeni na kumuunga mkono. Wanataka kumtumia mtu kutoka Mathare kufika kwa watu,” aliongeza. Hata hivyo ameapa kutojiondoa katika kinyang’anyiro cha ubunge Mathare kwenye uchaguzi wa Agosti 9 kwani hakuna marafiki wa kweli katika siasa. “Ninakosa marafiki wa kweli, kwenye siasa unakaa na rafiki ambaye anasema asichomaanisha. Wanasiasa wengi si wa kweli,” alisema. Matamshi ya Bahati yanajiri wakati ambapo yuko katika njia panda na Muungano wa Azimio la umoja, ambao hivi majuzi ulimtangaza Anthony Oluoch kama mgombeaji wao wanayempendelea kuwania kiti cha ubunge Mathare.

Msanii aliyegeukia siasa nchini Bahati amemtolea uvivu katibu mkuu wa chama cha ODM Edwin Sifuna na Rachael Shebesh baada ya wawili hao kumtaka ajiuzulu kwenye azma yake ya kuwania ubunge ili kumpisha mbunge wa sasa wa Mathare Anthony oluoch kutetea kiti chake. Msanii huyo amewasuta vikali wawili hao kwa kueneza propaganda kuwa amejiondoa kwenye kinyanganyiro cha ubunge Mathare huku akiwataka wakome kuitaja jina lake kwenye siasa zao duni. Bahati amesema hakuna kitu kitamzuia kwenye azma yake ya kuwawakilisha wakaazi wa Mathare bungeni baada ya uchaguzi wa Agosti 9 licha ya kupewa vitisho na kuzushiwa taarifa za uongo. Kauli ya bahati imekuja mara baada ya mwenyekiti wa Jubilee kaunti ya Nairobi kudai kuwa Bahati atajiondioa kama mwaniaji wa ubunge mathare kumpisha mbunge wa sasa Athony Oluoch kutetea kiti chake kwani ni chaguo lao kama muungano wa Azimio. Hii sio mara ya kwanza kwa azma ya Bahati kuwa mbunge wa Mathare kukumbwa na matatizo, mapema mwezi Aprili mwaka huu chama cha Jubilee ilitupilia mbali cheti chake kwa ajili ya kumshinikiza ampishe mbunge wa sasa Athony Olouch awe mwaniaji wa ubunge Mathare kupitia chama cha ODM.

Mwanamuziki aliyegeukia siasa Bahati ameshindwa kuficha furaha yake baada ya tume ya IEBC kumuidhinisha kuwa atawania ubunge wa Mathare kwenye uchaguzi mkuu ujao kupitia Tiketi ya chama cha Jubilee. Kupitia ukurasa wake wa instagram bahati ameandika waraka mrefu wa kuwashukuru kumshukuru mungu, chama cha jubilee na watu wa mathare kwa kumpa nafasi ya kuwawakilisha kwenye uchaguzi mkuu wa Agosti huku akitoa wito kwa wafuasi wake wampe kura ili aweze kuleta mabadiliko. Hitmaker huyo wa ngoma ya “Adhiambo” amesema ndoto yake na watu wa mathare imetimia kwa kuwa wamekuwa wakiomba kwa muda kumpata mbunge ambaye ni mzaliwa wa eneo hilo. Wasanii wengine walioidhinishwa na IEBC ni mchekeshaji Jalang’o ambaye ni mgombea wa ubunge Lang’at kupitia cha cha ODM, na Mc Jessy ambaye ni mgombea wa ubunge Imenti Kusini.

Nyota wa muziki nchini Bahati amefikisha idadi ya subscribers Milioni 1 kwenye mtandao wa Youtube. Bahati ambaye alijiunga na mtandao wa youtube Agosti 7, mwaka 2012  amepata subscribers wengi kutokana na kazi zake mbalimbali anazoziweka katika mtandao huo. Baadhi ya matukio anayoyaweka  katika channel yake ni shoo anazozifanya, video zake za muziki pamoja na utayarishaji wa video za nyimbo zake. Hitmaker huyo wa ngoma ya “Adhiambo” hadi sasa Kupitia channel yake ya YouTube kazi zake zimetazamwa zaidi ya mara milioni  172 tangu ilipofunguliwa rasmi  channel yake ya youtube miaka 10 iliyopita. Bahati anakuwa msanii wa pili nchini mwenye wafuasi wengi katika mtandao wa youtube baada ya Oitle Brown ambaye ndiye alikuwa msanii wa kwanza nchini kufikisha subscribers milllioni moja youtube.

Staa wa muziki nchini Bahati ameshindwa kuficha furaha yake baada ya kukabidhiwa tena cheti chake cha kuwania ubunge mathare kupitia  chama cha Jubilee Katika mkao na wanahabari bahati amemshukuru Rais Uhuru Kenyatta kwa kumpa nafasi tena kuwania ubunge kwa tiketi ya chama cha Jubilee na kinara wa ODM Raila Odinga kwa kumuamini kugombea ubunge wa mathare kupitia mwavuli wa Azimio la Umoja. Hitmaker huyo wa ngoma ya “Adhiambo” amesema ndoto yake na watu wa Mathare imetimia kwa kuwa wamekuwa wakiomba kwa muda kumpata mbunge ambaye ni mzaliwa wa eneo hilo. Hata hivyo amewashukuru wajumbe wa Jubilee na wakaazi wa Mathare kwa ujumla kwa kumkingia kifua alipony’ang’anywa cheti cha jubilee wiki kadhaa zilizopita huku akitoa rai waendelee kumuunga mkono kwenye azma yake ya kuwa mbunge wa Mathare. Kwa sasa Bahati anatarajiwa kumenyana  na wapinzani wake kutoka vyama mbali mbali kwenye uchaguzi mkuu wa Agosti 9, 2022.