Tag: Diamond platinumz

Mwanamuziki nyota wa Bongo Fleva, Diamond Platnumz, amewahimiza vijana kutokata tamaa katika maisha na badala yake waendelee kuweka juhudi ili kufikia malengo yao. Akizungumza baada ya Mama Asha Baraka kuteuliwa kuwa Mbunge Maalum, Diamond amesema uteuzi huo ni ushahidi kuwa juhudi na uvumilivu huzaa matunda, kwani Mama Asha amesimama mara 20 bila mafanikio katika chaguzi zilizopita. Mkali huyo wa ngoma ya Msumari, amesema vijana wanapaswa kujifunza kutokana na mfano wa Mama Asha Baraka, ambaye licha ya kushindwa mara nyingi, hakuwahi kukata tamaa hadi akatambuliwa na kuteuliwa kushika nafasi hiyo ya heshima. Diamond amesisitiza kuwa mafanikio hayaji kwa urahisi na kwamba kila changamoto ni sehemu ya safari ya mafanikio.

Msanii nyota wa Bongo Fleva, Diamond Platnumz, amevunja ukimya wake baada ya kukosolewa vikali mitandaoni kwa kile kinachoelezwa kuwa ni kutosimama na wananchi katika kipindi ambacho taifa linakumbwa na machungu ya kisiasa na kijamii. Kupitia Instastory yake, Diamond ameonekana kujibu wakosoaji wake kwa njia ya mafumbo, akisema kuwa msanii nchini Tanzania ni kazi ngumu sana hasa unapojaribu kudumisha amani na heshima katikati ya misukosuko ya kisiasa. Kauli yake inakuja wakati mashabiki wake wakionyesha hasira na majonzi, wakimtuhumu kwa kukaa kimya wakati baadhi ya Watanzania wanaomboleza wapendwa wao waliopoteza maisha wakati wa maandamano ya kupinga uchaguzi wa Oktoba 29 uliokumbwa na utata. Wapo wanaoamini kuwa Diamond, akiwa msanii mwenye ushawishi mkubwa Afrika Mashariki, anapaswa kutumia sauti yake kutetea wananchi, ilhali wengine wanamtetea wakisema kuwa amechagua ukimya ili kulinda taaluma yake na kuepuka migongano ya kisiasa

Baadhi ya Watanzania wameanzisha kampeni kubwa ya mitandaoni ya kuwa-unfollow wasanii maarufu waliomuunga mkono Rais Samia Suluhu Hassan katika harakati zake za kurejea madarakani. Miongoni mwa waliokumbwa na wimbi hilo ni staa wa Bongo Fleva Diamond Platnumz, ambaye inaripotiwa amepoteza zaidi ya wafuasi 100,000 ndani ya saa 12 pekee. Msanii mwingine anayelengwa ni Harmonize, ambaye naye amekuwa mhanga wa hasira za mashabiki mitandaoni. Watanzania wengi wanawalaumu wasanii hao kwa kutumia ushawishi wao na majukwaa yao ya kijamii kuiunga mkono serikali wanayoitaja kuwa kandamizi inayoongozwa na Rais Suluhu Hassan. Hata hivyo, mjadala mkali umeibuka mitandaoni baadhi wakisema wasanii wana haki ya kuwa na misimamo yao ya kisiasa, huku wengine wakisisitiza kwamba mastaa wanapaswa kusimama na wananchi nyakati za migogoro ya kisiasa. Kampeni hiyo ya kufuta ufuasi au Ku-unfollow imekuja wakati ambapo hali ya kisiasa nchini Tanzania imezidi kuwa tete, kufuatia maandamano na mvutano unaoendelea baada ya matokeo ya uchaguzi yaliyokumbwa na utata mkubwa.

Mwanamuziki wa Bongo Fleva, Diamond Platnumz, ameungana na Watanzania katika kipindi hiki cha huzuni na maombolezo kufuatia ghasia zilizoripotiwa baada ya uchaguzi wa Oktoba 29, akisisitiza umuhimu wa imani, umoja na upendo miongoni mwa wananchi. Kupitia ujumbe wake mtandaoni, Diamond alisema kuwa hakuna jambo hutokea bila mapenzi ya Mungu, akiongeza kuwa kila tukio lina sababu ya kimungu inayoweza kuleta baraka na mafanikio kwa taifa endapo watu watadumisha amani na mshikamano. Msanii huyo amewataka Watanzania kuendelea kumuomba Mwenyezi Mungu ili awajaalie amani zaidi ya waliyoipata hapo awali, upendo, umoja, na maendeleo kwa wote. Amemaliza ujumbe wake kwa kuwaombea waliopoteza maisha wapumzike kwa amani na kwamba taifa lipate faraja na nguvu ya kusonga mbele kwa matumaini mapya. Kauli ya Diamond inakuja baada ya tetesi kusambaa mtandaoni zikidai kuwa Diamond na familia yake waliondoka nchini Tanzania kwa hofu ya kushambuliwa, baada ya baadhi ya biashara za wasanii waliomuunga mkono Rais Samia Suluhu Hassan kuripotiwa kushambuliwa na waandamanaji waliopinga uchaguzi huo.

Msanii nyota wa Bongo Fleva, Diamond Platnumz, ametangaza kurejea na msimu wa pili wa tamasha lake kubwa la “Diamonds Are Forever”, kama ishara ya shukrani kwa mashabiki wake kutokana na upendo na sapoti kubwa wanayoendelea kumpa. Kupitia ukurasa wake wa Instagram, Diamond amesema ameguswa na mapenzi na uaminifu wa mashabiki wake, akieleza kuwa wamekuwa sehemu muhimu ya mafanikio yake katika muziki. Msanii huyo anayefanya poa na ngoma yake ya Sasampa, ameongeza kuwa tamasha hilo litakuwa ni njia ya kusherehekea safari yake ya kimuziki na kuwashukuru wote waliomuunga mkono tangu mwanzo. Tamasha la kwanza la “Diamonds Are Forever” lilifanyika mwaka 2012 katika ukumbi wa Mlimani City, jijini Dar es Salaam, na liliweka historia kubwa katika muziki wa Tanzania kwa kujumuisha maonyesho makubwa na maelfu ya mashabiki.

Mwanamuziki nyota kutoka Tanzania, Diamond Platnumz, ametuma salamu za rambirambi kwa wananchi wa Kenya kufuatia kifo cha aliyekuwa Waziri Mkuu, Raila Odinga. Kupitia Insta Story Instagram, Diamond ameposti picha yake akiwa anaongea na marehemu Raila wakati wa hafla ya kampeni za uchaguzi mkuu wa mwaka 2022 katika uwanja wa Kasarani jijini Nairobi, akielezea masikitiko yake na kumtakia kiongozi huyo pumziko la amani. Hitmaker huyo wa Nani, ameambatanisha ujumbe wake huo na wimbo wa Zabron Singers uitwao Inaniuma, ishara ya huzuni na uchungu aliouhisi kufuatia kifo cha kiongozi huyo ambaye alimfahamu binafsi. Diamond alikuwa miongoni mwa wasanii waliotoa burudani wakati wa kampeni za mwisho za Raila mwaka 2022, hafla iliyohudhuriwa na maelfu ya watu. Inadaiwa kwamba msanii huyo alinufaika pakubwa na ushiriki wake katika kampeni hizo, akipokea takribani shilingi milioni 10 za Kenya kwa kutumbuiza kwenye tamasha hilo kubwa.

Msanii nyota wa muziki wa Bongo Fleva na hitmaker wa ngoma Msumari, Diamond Platnumz, ameweka historia mpya baada ya kuwa msanii wa kwanza kutoka Afrika Mashariki kufikisha wafuasi milioni 1 kwenye mtandao wa Audiomack. Takwimu hizo zinaonesha ukuaji mkubwa wa ushawishi wake kwenye majukwaa ya kidijitali, ikithibitisha nafasi yake kama mmoja wa wasanii wakubwa barani Afrika. Audiomack, ambayo ni moja ya majukwaa makubwa ya kusikiliza muziki duniani, imekuwa chachu muhimu kwa wasanii wa Kiafrika kufikia mashabiki kimataifa. Kupitia mafanikio haya, Diamond Platnumz ameendeleza rekodi yake ya kuwa kinara wa mitandao mbalimbali ya muziki kama YouTube, Boomplay, Spotify na Apple Music, ambapo nyimbo zake zimeendelea kufanya vizuri ndani na nje ya Tanzania. Mashabiki wake wamempongeza kwa mafanikio hayo, wakimtaja kama mfano wa kuigwa katika kukuza muziki wa Afrika Mashariki kimataifa

Msanii nyota wa muziki wa Bongo Flava, Diamond Platnumz, ameweka rekodi mpya baada ya kukabidhiwa tuzo ya kifahari ya Diamond Play Button kutoka YouTube, ikiwa ni kutambua mafanikio ya kufikisha zaidi ya wafuasi milioni 10 kwenye chaneli yake rasmi. Tukio hilo lilifanyika jijini New York, Marekani, na linamweka Diamond katika nafasi ya kipekee kama mmoja wa wasanii wachache kutoka Afrika kufikia kiwango hicho. Kupitia ukurasa wake wa Instagram, Diamond alithibitisha kupokea tuzo hiyo huku akionyesha shukrani kwa mashabiki, timu yake, familia, na YouTube kwa mafanikio hayo makubwa. “Thank you YouTube, My Fans, Team & Family! 10+ Million YouTube Subscribers 🙏🏽🔥” Aliandika Instagram. Diamond anakuwa msanii wa nne kutoka Afrika kupokea Diamond Play Button, akiungana na wasanii kama Mohamed Ramadan, Saad Lamjarred, na Soolking. Tuzo hii hutolewa na YouTube kwa chaneli zilizofikisha au kupita subscribers milioni 10, na ni alama ya ushawishi mkubwa wa kidijitali duniani. Mafanikio haya yanaimarisha nafasi ya Diamond si tu kama msanii wa Tanzania au Afrika Mashariki, bali pia kama nembo ya muziki wa Afrika kwenye majukwaa ya kimataifa. Mashabiki wake wamekuwa nguzo muhimu katika safari yake ya muziki, wakichangia kwa namna ya kipekee kwa kuangalia, kushirikisha na kusambaza kazi zake mtandaoni kwa zaidi ya muongo mmoja.