Tag: diana b

Youtuber kutoka nchini Kenya ambaye pia ni rapa Diana B, amefunguka kwa mara ya kwanza kuhusu ishu ya kupata mtoto wa tatu na mume wake Kevin Bahati. Katika mahojiano yake hivi karibuni Diana B amesema sio mbaya akimpata mtoto mwingine huku akisisitiza kwamba watoto ni baraka kutoka kwa Mungu. Bi Marua pia ameweka wazi kuwa kupata mtoto mwingine itakuwa zawadi bora zaidi kwa mumewe Bahati ambaye pia ni mwanamuziki. “Ikiwa kuna mtoto mwingine anakuja, ni sawa. Watoto ni baraka na nikiongeza kifungu kingine katika familia yangu, na nadhani hiyo ndiyo baraka bora zaidi ninayoweza kumpa mume wangu Bahati,” alisema Diana. Kauli ya Diana B imekuja mara baada ya walimwengu kwenye mitandao ya kijamii kuhoji kuwa huenda rapa huyo ana uja uzito na anatarajia kupata mtoto katika siku za hivi karibuni.

Mke wa msanii Bahati na YouTuber maarufu nchini Kenya, Diana Marua amekutana na Rose Waithera ambaye alivuma mtandaoni baada ya kuchora tattoo ya Diana kwenye mgongo wake. Baada ya wiki kadhaa hatimaye Diana alimtembelea mwanafunzi huyo wa chuo cha urembo katika mtaa wa Githurai na kufanya naye mazungumzo. Waithera amesema aliamua kuchora tattoo ya mama huyo wa watoto wawili kwa kuwa anamshabikia sana na huwa anatamani kuwa kama yeye. “Huwa napenda haiba yako, napenda sifa zako, huwa natamani kuwa kama wewe, uko na nyumba ya kifahari, uko na mume mzuri mwenye anakupamba kila wakati, uko na watoto wazuri. Sijawahi kupata mtu yupo na roho kama yako, ningependa kuwa kama wewe, nakupenda,” Waithera alimwambia Diana. Mwanadada huyo amesema alianza mipango ya kuchorwa tattoo hiyo Desemba mwaka jana, huku akiri kwamba alikosolewa sana baada ya kuchorwa tattoo hiyo ila hana majuto yoyote kwa kile alichofanya.

Mwanamitandao aliyegeukia Muziki nchini Diana B amelamba dili la nono la kuwa balozi mpya wa kampuni ya bidhaa za urembo iitwayo Phoina Beauty Cosmetics. Diana B ameshare habari hiyo njema kwa mashabiki zake kupitia ukurasa wake wa Instagram akieleza kwamba ana furaha kujiunga na familia ya Phoina Beauty Cosmetics. Kwa mafanikio hayo Diana B atatakiwa kutangaza na kuwashawishi wafuasi wake wazinunue bidhaa hizo za urembo wa ngozi za Phoina Beauty Cosmetics kupitia mitandao yake ya kijamii. Bado haijajulikana amelipwa kiasi gani kwa kuitangaza bidhaa hiyo lakini Diana B sio mgeni katika uteuzi wa kuwa balozi wa bidhaa za makampuni kwani mwaka wa 2021 alilamba shavu ya kuwa balozi wa kampuni ya Unga wa ugali wa Raha Premium. Hata hivyo mashabiki zake wameonekana kumpongeza kwa mafanikio hayo huku wengine wakitilia shaka ubalozi wake huo na kampuni ya Phoina Beauty Cosmetics ikizingatiwa kuwa balozi wa kwanza wa kampuni hiyo Amber Ray aliingia kwenye ugomvi mzito na mmiliki wa  Phoina Beauty Cosmetics kutokana na ishu ya malipo.

Mwana mitandao aliyegeukia muziki Diana Marua amefanikiwa kurejesha akaunti ya Youtube ambayo ilikuwa imedukuliwa mapema wiki hii. Kupitia ukurasa wa instagram Diana Marua ameshindwa kuficha furaha yake kwa kuipongeza kampuni ya ngoma na uongozi wa Youtube kwa kumsaidia kuirejesha chaneli yake ya youtube yenye subscribers laki 5. Hata hivyo walimwengu kwenye mitandao ya kijamii wameonekana kutofautiana kimawazo na Diana Marua ambapo wameenda na kumshambulia hitmaker huyo wa “One Day” aache suala la kutengeneza kiki mwenyewe kwani aliifuta akaunti yake ya youtube kwa ajili ya kutengeneza mazingira ya kuzungumziwa nchini kabla ya ujio wa wimbo wake mpya. Utakumbuka juzi kati mumewe Bahati alitangaza kuwa Diana B ataachia wimbo wake mpya januari 25 mwaka huu lakini baada ya wadukuzi kuifuta chaneli ya youtube ya mrembo huyo ilibidi mchakato wa kuachia ngoma hiyo iahirishwe.