Tag: HARMONIZE

Staa wa muziki nchini Harmonize ametangaza rasmi hatoifanyia promotion album mpya kama ilivyoozeka kwa wasanii wengine kufanya mkutano na waandishi wa habari, Ziara kwenye vyombo vya habari, kuweka bango lolote barabarani au kufanya listening party. Harmonize amebainisha hayo kupitia insta story yake kwa kueleza kwamba ameshafanya kila kitu (studio), hivyo anataka mashabiki wasikilize muziki mzuri aliouandaa. Na pia ameongeza, ikiwezekana ataishare mara moja tu kwenye platform zake. Kauli ya Harmonize imekuja mara baada ya kutangaza kuachia Album yake ya tatu itwayo Made For Us Oktoba 28 mwaka huu na tayari ametuonesha Tracklist yenye Jumla ya nyimbo 14.

Staa wa muziki wa Bongofleva Harmonize ameendelea kushusha sifa kwa mwanamuziki wa Nigeria Burna Boy kwa hatua kubwa anazopiga katika muziki wake kimataifa na kusema kuwa wapambanaji pekee ndio wanaweza kumuelewa. Kupitia instastory yake ameshare ujumbe akisisitiza kuwa Burna Boy ndiye msanii namba moja kwa sasa Afrika huku akitaja baadhi ya matukio aliyojifunza kutoka kwa Staa huyo kipindi yupo Lagos, Nigeria na kusema kuwa hakuwahi kumsikia Burna Boy akimzungumzia mtu vibaya lakini pia akijisifia juu ya mafanikio yake na tuzo alizonazo . Mbali na hayo, Harmonize amesema kila mtu ana uhuru wa kumtaja Staa anayehisi ni namba moja kwa sasa barani Afrika lakini wasisahau kuwa yeye ndio anayefuata baada ya Burna Boy. Harmonize na Burna Boy tayari wameshafanya nyimbo mbili za pamoja ambazo ni Kainama inayopatikana kwenye Afro Bongo EP ya mwaka wa 2018 pamoja na Shake your body inayopatikana kwenye album ya Afro East ya mwaka wa 2018.

Mwanamuziki kutoka nchini Tanzania Harmonize amewafunga mdomo wale wote waliodhani kuwa ameshindwa kuendesha lebo ya Konde Gang. Kupitia insta stori yake kwenye mtandao wa Instagram amefichua mpango wa kutambulisha makao mapya ya lebo hiyo sambamba na kuwasajili wasanii wapya Oktoba 10 mwaka huu wakati Konde Gang itaandhimisha miaka mitatu tangu kuzinduliwa kwake. Hitmaker huyo wa “Leave Me Alone” amewashukuru mashabiki kwa kusimama na lebo ya Konde Gang huku akisisitiza kuwa lebo hiyo itaendelea kukuza vipaji vya vijana wasiojiweza kwenye jamii. Kauli ya Harmonize imekuja mara baada ya picha kusambaa kuwa Makao Makuu ya lebo ya Konde Gang yanapigwa mnada na pia kuna wasanii wanaondoka kwenye lebo hiyo.

Bosi wa Konde Music Worldwide, Msanii Harmonize ameendelea kutoa ya moyoni baada ya aliyekuwa mke wake, Sarah kwenda Mahakamani. Katika mazungumzo na mchumba wake wa sasa Kajala Masanja, amesema sababu ya Sarah kudai talaka ni kuwa anataka wagawane mali. Msanii huyo amedai kuwa hakuna mali yoyote ambayo anapaswa kugawana na mwanamitindo huyo kutoka Italia huku akibainisha kuwa aliondoka bila chochote wakati walipoachana mwishoni mwa mwaka 2020. Hata hivyo Harmonize anapanga kuandika talaka tatu baada ya ex-wake huyo kuwasilisha kesi mahakamani kudai talaka yake. Utakumbuka Harmonize na Sarah walifunga ndoa Septemba mwaka 2019 na waliachana Desemba mwaka 2020 ukiwa ni mwaka mmoja tu wa ndoa yao.

Staa wa muziki wa Bongofleva Harmonize amemtaka meneja wake Kajala Frida kuichukulia hatua za kisheria kampuni moja kutoka China ambayo inatengeneza cheni zenye chapa yake ya Konde Boy. Kupitia Insta story yake kwenye mtandao wa Instagram, Harmonize ameeleza kwamba bila makubaliano yoyote, kampuni hiyo inatengeneza pesa kupitia chapa (brand) yake na inaziuza cheni hizo katika tovuti mtandaoni. “Big brand in China. Am not getting any money out of it. Manager do something please @kajalafrida ” – ameandika Harmonize. Aidha, madai ya namna hii yamekuwa yakitokea sana kwa mastaa kuhusiana na chapa zao kuigwa na kutengenezewa bidhaa na watu wengine bila makubaliano yoyote. Sanjari na hilo amewapa utaratibu mpya mapromota wanapompatia show huku akiwataka wahakikishe kuna tiketi mbili za ndege daraja la juu (Business) ambapo moja yake na nyingine ya meneja wake Kajala. Pia ziwepo nyingine nane za kawaida (Economy) kwa timu yake na watu wa bendi.