Tag: Lydia Jazmine

Msanii wa kike kutoka nchini Uganda Lydia Jazmine amefunguka sababu za kutofanya vizuri kimuziki mwaka 2022. Kwenye mahojano yake hivi karibuni amesema aliamua kuweka kila kitu pembeni kwa ajili ya kujitathmini na pia amekuwa akiendeleza biashara zake kimya kimya. Mrembo huyo pia amedai kwamba mgogoro ulioibuka kati yake na uongozi  wake wa zamani ulilemaza juhudi za kuupambania muziki wake. Hata hivyo amesema mwaka 2023 anarudi na kishindo kwenye muziki wake kwani ana mpango wa kuachia nyimbo mfululizo bila kupoa. Utakumbuka Lydia Jazmine alivunja mkataba na meneja wake wa zamani Ronnie Mulindwa kutokana na migogoro ya kifedha lakini kwa sasa anafanya kazi kwa ukaribu na prodyuza Bushingtone.

Mwanamuziki Lydia Jazmine Jazmine amedai kuwa kuna mgawanyiko mkubwa katika biashara ya muziki, haswa miongoni mwa wasanii wa kike nchini Uganda. Akizungumza kwenye sherehe ya kuzaliwa kwa Nina Roz, Jazmine amesema wasanii wakike wamekuwa wakionea wivu kimya hasa mmoja wao anapofanya vizuri kimuziki ambapo ameenda mbali na kudai muziki una nafasi kubwa ambayo inawatosha wasanii wote hivyo haoni umuhimu wa wasanii kutakiana mabaya. Msanii huyo amewataka wasanii wa kike nchini Uganda kuacha kutengeneza mazingira ya kugombana na badala yake washirikiane kwenye suala la kuipeleka mbele tasnia ya muziki nchini humo kimataifa. Hitmaker huyo wa ngoma ya “I Love you Bae” amesema atakuwa anahudhuria shughuli ya wasanii ambao ni wakweli huku akisusia ya watu ambao amewataja kama wanafiki Hata hivyo watu wengi wamehoji kuwa alikuwa anamrushia vijembe Spice Diana kwa kuwa hakuhudhuria hafla ya usikilizwaji wa albamu yake.

Ni takribani miezi tano imepita kutoka staa wa muziki nchini uganda Lydia Jazmine aachie wimbo wake uitwao “Kapeesa” Ukimya wa  Lydia Jazmine  kwenye muziki umekuwa na maswali mengi sana kwa mashabiki na wadau wa muziki nchini Uganda. Sasa  kwenye mahojiano yake hivi karibuni Lydia Jazmine   ameweka wazi sababu zilizofanya akae kimya kwa miezi hiyo yote huku utaratibu wake wa kuachia nyimbo kwa miaka miwili ukiwa wa kusuasua. Lydia Jazmine ameweka wazi kuwa alikuwa anasumbuliwa na tatizo la  vidonda vya tumbo ulcers kwa zaidi ya miezi tano ila kwa sasa anamshukuru mungu amepona. Mrembo huyo ameweka wazi hilo alipokuwa anatambulisha wimbo wake mpya uitwao “Tonkoseza” ambapo amewataka mashabiki zake kukaa mkao kupokea nyimbo zake ambazo atakuwa anaachia back to back.  

Mwanamuziki kutoka nchini Uganda Lydia Jazmine amesema kuwa kuna baadhi ya watu kwenye  tasnia ya muziki nchini humo hawatambui mchango wake. Hitmaker huyo wa “I Love Bae” amesema licha ya kuachia ngoma kali mwaka wa 2021 hajapewa heshima anayostahili kama wasanii wengine wakike nchini uganda. Mimi ni mmoja wa msanii ambao mwaka huu nimeachia ngoma 4 kali. Baadhi ya watu haoni na kutambua juhudi zangu lakini licha ya haayo yote upendi wenu mashabiki zangu ndio inanipa moyo wa kuendelea kufanya kazi.. Aliandika kupitia ukurasa wake wa Facebook. Hata hivyo hajabainika ni kitu gani kilipelekea mrembo huyo kutoa kauli hiyo ila wajuzi mambo kwenye mitandao ya kijamii wanahoji huenda hajafurahishwa na jinsi wasanii wapya wa kike nchini Uganda wanapokea upendo kuliko waliowatangulia. Ikumbukwe Lydia Jazmine hakushinda tuzo yeyote mwaka wa 2021 nchini Uganda licha ya kuachia ngoma kali kama Banange, Feeling, Kapeesa na nyingine nyingi.