Kampuni ya teknolojia ya anga ya SpaceX, inayomilikiwa na bilionea Elon Musk, imethibitisha rasmi kuinunua kampuni yake nyingine ya xAI kwa thamani ya takribani dola bilioni 125.
xAI ni kampuni inayosimamia mtandao wa kijamii wa X (zamani Twitter) pamoja na teknolojia ya akili bandia inayojulikana kama Grok. Ununuzi huu unaashiria hatua kubwa katika mkakati wa Musk wa kuunganisha teknolojia zake chini ya mfumo mmoja wenye nguvu zaidi.
Kupitia mabadiliko haya, SpaceX inalenga kuunganisha rasilimali, teknolojia na data kutoka sekta mbalimbali ikiwemo akili bandia (AI), anga, pamoja na mtandao wa satelaiti wa Starlink, ili kuunda mifumo jumuishi na yenye uwezo mkubwa zaidi wa kiteknolojia.
Hatua hii pia inatarajiwa kuongeza kasi ya maendeleo ya Grok na huduma za X, hasa katika matumizi ya data ya moja kwa moja kupitia mtandao wa Starlink unaosambaa duniani kote.
