Tag: bebe cool

Nyota wa muziki nchini Uganda Eddy Kenzo amejibu madai ya Bebe Cool kuwa bahati ndio imembeba kwenye muziki. Kwenye mahojiano yake hivi karibuni Kenzo amesema Bebe Cool anatumia madai hayo kujifariji huku akidai kuwa bidii ndio imempa mafanikio makubwa kwenye muziki wake kwa miaka 10 na sio bahati kama namna ambavyo Bosi huyo wa Gagamel anavyodai. Hitmaker huyo wa “Nsimbudde” amesema Bebe Cool anapaswa kukubali kuwa ameacha alama kwenye tasnia ya muziki nchini Uganda badala ya kuwahada mashabiki na taarifa za uongo. “Bebe Cool alisema nina bahati kwa sababu alitaka kujifariji. Huwezi kuwa na bahati milele, najua ninachofanya na nimestahili kile nilichonacho. Anapaswa kukubali na kuwaambia watu wake kwamba Kenzo amefanya muziki kwa zaidi ya miaka 10 na anafahamu hilo,” alisema Eddy Kenzo. Kauli ya Eddy Kenzo inakuja mara baada ya Bebe Cool kuachia orodha ya wasanii waliofanya vizuri mwaka 2022 ambapo alimtaja Kenzo kama msanii aliyebebwa na bahati kwenye muziki.

Msanii Eddy Kenzo amekiri kwamba Bebe Cool alimsaidia kuondokana na kesi iliyokuwa ikimuandama kutoka kwa Luba Events. Katika mahojiano yake hivi karibuni, Kenzo amesema Bebe Cool alimuunganisha na mawakili walioshughulikia kesi yake dhidi ya promota huyo. “Alinipigia simu na kuniuliza anawezaje kusaidia. Hakutaka kuniona nikiwa kwenye matatizo. Ni rafiki wa kweli,” alisema. Utakumbuka Luba Events alimburuza mwimbaji huyo wa ‘Tweyagale’ mahakamani Novemba mwaka 2022 baada ya tamasha la ‘Eddy Kenzo’ kufanya vizuri, akimtuhumu kuvunja mkataba wa kuandaa Tamasha hilo. Luba alieleza kuwa alipata hasara ya takriban shillingi millioni 9 ambayo aliwekeza katika tamasha hilo mwaka 2020. Kenzo alipigwa marufuku kwa muda kutumbuiza jijini Kampala kabla ya marufuku hiyo kuondolewa na mahakama. Utakumbuka Eddy Kenzo na Bebe Cool walianza kuwa marafiki baada ya Kenzo kuwa karibu na chama cha NRM, mrengo wa kisiasa ambao Bebe Cool anaunga mkono.

Msanii Bebe Cool amedai kwamba Eddy Kenzo hana vigezo vya kuitwa lejendari kwenye tasnia ya muziki nchini Uganda. Kwenye mahojiano hivi karibuni amesema hitmaker huyo wa “Nsimbudde” ana mengi ya kufanya kwenye muziki kama kweli anataka kufikia hadhi ya kuitwa nguli. Bosi huyo wa Gagamel anasema Eddy Kenzo ni msanii mwenye bahati tu na anaweza kushinda tuzo ya Grammy mwaka 2023. “Eddy Kenzo ni mwanamuziki mzuri lakini hajavuka mstari wa kuitwa nguli, hata kwa tuzo alizoshinda. Inabidi atie bidii zaidi ili kufikia viwango vya Chameleone, Bobi Wine, na mimi mwenyewe. Sio tu kwa nyimbo na tuzo,” alisema. Utakumbuka juzi kati, Bebe Cool alitoa orodha yake ya kila mwaka ya wasanii waliofanya vizuri mwaka 2022. Bebe Cool aliwataja wanamuziki anaoamini wamepata hadhi ya kuitwa malejendari kwenye kiwanda cha muziki nchini Uganda. Kwenye orodha hiyo aliwataja; Jose Chameleone, Bobi Wine, Afrigo Band, na Maddox Sematimba huku akisisitiza kuwa wanaweza kukaa bila kutoa wimbo mkali kwa miaka mingi ijayo kutokana nyimbo zisizochuja walizoziachia miaka ya hapo nyuma.

Bosi wa Gagamel, Msanii Bebe Cool ana imani kuwa wasanii wa Uganda wataendelea kung’aa kimataifa kupitia muziki wao. Kwenye mahojiano yake hivi karibuni, Bebe Cool amebainisha kuwa kuteuliwa kwa Eddy Kenzo kwenye tuzo za Grammy 2023 itawafungulia wasanii wengi nchini humo milango ya kushiriki tuzo kubwa duniani. Ikumbukwe kipindi cha nyuma Bebe Cool alikuwa kwenye ugomvi (bifu) na Eddy Kenzo mara baada ya hitmaker huyo wa “Nsimbudde” kukimbia na msanii wake Rema Namakula ambaye alikuwa chini ya Gagamel Entertainment. Lakini wawili hao walikuja wakaweka kando tofauti zao kwa manufaa ya tasnia ya muziki nchini Uganda.

Msanii mkongwe kwenye muziki Bebe Cool ameamua kumpa maua yake Eddy Kenzo akiwa angali hai licha ya watu kuhisi kuwa ana bifu (ugomvi) na Bosi huyo wa Big Talent. Mkali huyo ngoma ya “Boss Lady” ametoa wito kwa mashabiki wa muziki mzuri kujitokeza na kuhudhuria tamasha la msanii huyo Novemba 12 huko Kololo Airstrip huku akithibitisha kuwa atakuwa moja kati ya wasanii watakaotoa burudani kwenye tamasha hilo. Ikumbukwe miaka kadhaa iliyopita Eddy Kenzo alimualika Bebe Cool kwenye tamasha lake la muziki katika hoteli ya Serena viungani mwa Jiji la Kampala na kupitia tamasha hilo ndipo alimaliza bifu yake na Bobi Wine.