Tag: NADIA MUKAMI

Mwanamuziki kutoka nchini Kenya Nadia Mukami anatarajiwa kuzindua biashara mpya katikati mwa jiji la Nairobi kando ya barabara ya Koinange mwishoni mwa wiki. Mwimbaji huyo maarufu na mtunzi wa nyimbo ametumia ukurasa wake wa Instagram kutangaza habari hiyo njema kwa wafuasi wake wakati akizindua nembo rasmi ya saloon yake  ya urembo ambayo itakuwa inatoa huduma zake katika duka la jumla la Deluxe Mall. Mashabiki wengi wamempongeza kwa hatua hiyo kubwa, wengine wakiulizia kama wanaweza pata kazi ambapo wengi wameahidi kuunga mkono biashara yake. Huu umekuwa mwaka mzuri kwa Nadia, ambaye amekuwa akivunja vizingiti katika tasnia ya muziki kwa kujiboresha kwa kila njia inayoweza. Mapema mwaka huu, alisaini msanii wake wa kwanza Latinoh, chini ya Seven Creative Hub, lebo yake ya muziki. Hii ni baada ya kutangaza kwamba anataka kupanua himaya yake kwa kusaini msanii mpya

Hitmaker wa Maombi, msanii Nadia Mukami ametangaza kuwa ana jambo lake kubwa la kufungia mwaka. Kupitia ukurasa wake wa Instagram amesema mwezi Desemba mwaka huu ana shughuli ambayo atazindua kwa ajili ya mashabiki zake. “Launching Something this December,” Aliandika insta-story Hata hivyo haijajulikana ni nini hasa msanii huyo atazindua ila wajuzi wa mambo kwenye mitandao ya kijamii wamehoji huenda ni mipango ya kuachia Album yake mpya ambayo juzi kati alitusanua kuwa itaingia sokoni mapema mwaka 2023.

Staa wa muziki nchini Nadia Mukami ametangaza rasmi ujio wa album yake mpya na ya kwanza katika muziki wake. Kupitia ukurasa wake wa instagram amesema yupo kwenye maandalizi ya mwisho ya kukamilisha album yake mpya ambayo itaingia sokoni mapema mwaka 2023. “I am working on my Album! The best thing I can do is starve my fans just a little bit! Early Next year, y’all getting an Album!Sending Love to my Fans! kaNadians!”. Aliandika Mara ya mwisho Nadia Mukami kuwabariki mashabiki na kazi ilikuwa miezi sita iliyopitia alipoachia Bundle of Joy EP yenye jumla ya mikwaju 4 ya moto.

Msanii nyota nchini Nadia Mukami amefunguka sababu za kunyoa nywele zake pindi alipojifungua mtoto wake wa kwanza na Arrow Bwoy. Kupitia ukurasa wake wa Instagram Nadia amesema alichukua maamuzi hayo kutokana na nywele zake kukatika kila mara alipokuwa anamnyonyosha mtoto wake. Katika hatua nyingine ametoa wito kwa mashabiki zake wamuombee wakati huu yupo mbioni kukata uzito kutoka kilo 67 hadi 60 ili aweze kurejesha muonekano wake wa awali kabla ya kujifungua. Kauli yake imekuja siku moja mara baada ya kukiri kuteswa na unene uliopitiliza kiasi cha kumfanya kuingiwa na uoga wa kuchapisha video pamoja na picha kwenye mitandao yake ya kijamii.

Baada ya kusemwa sana mitandaoni kuwa amenenepa kupita kiasi na kupoteza mvuto tangu ajifungue mtoto wake wa kwanza na Arrow Boy, msanii Nadia Mukami ameamua kuingia gym kwa ajili ya kupunguza mwili wake. Nadia Mukami amechukua hatua hiyo kutokana na baadhi ya wasanii wenzake pamoja na mashabiki wake kutopendezwa na unene wake kwani unamfanya kuonekana kituko kwenye jamii. Kupitia ukurasa wake wa Instagram Nadia amekiri kuteswa na unene kiasi cha kuingiwa na uoga wa kuchapisha picha au video zake kwenye mitandao ya kijamii huku akiapa kufanya mazoezi makali ambayo yatamsaidia kukata uzito wa mwili wake kutoka kilo 67 hadi 60. Hata hivyo, baada ya kuanza mazoezi magumu , watu wengi wamempongeza Nadia Mukami kwa hatua hiyo huku baadhi ya mashabiki wakisema wanasubiri kumuona msanii huyo akirejesha muonekano wake wa awali lakini asijikondeshe kupita kiasi.

Msanii nyota nchini Nadia Mukami ametoa angalizo kwa watoto wa kike kuwa wangalifu kabla ya kuchukua maamuzi ya kupata uja uzito. Nadia amesema wanawake kwa asilimia kubwa ndio hubeba majukumu ya kumlea mtoto ikilinganishwa na wanaume, hivyo wanapaswa kujipanga kisaikolojia kukabiliana na changamoto za kuwa mzazi ikiwemo mabadiliko ya kimwili na kimuonekano. Katika hatua nyingine Nadia Mukami amesema kuwa kutokana na changamoto zinazowakumba akina mama wachanga kwenye masuala ya malezi ana mpango wa kushirikiana na mume wake Arrow Boy kuja na podcast ambayo itakuwa mahsusi kwa ajili ya kuhamasisha vijana kuhusu athari za mimba ya utotoni.

Nyota wa muziki nchini Nadia Mukami amefanikiwa kufikisha idadi ya subscribers laki 5 kwenye mtandao wa Youtube. Kupitia ukurasa wake wa Instagram Nadia Mukami amewashukuru mashabiki zake kwa upendo ambao wanazidi kumuonyesha kupitia kazi zake huku akiwataka wakae mkao wa kula kupokea wimbo wake mpya. “Thank you for Half a Million Subscribers!!! (500k)I have the realest Fanbase aka KaNadians God bless you all! New Music Loadingggg……” Ameandika. Channel ya youtube ya Nadia Mukami ilifunguliwa rasmi Mei 19 mwaka 2017 na mpaka sasa imefikisha zaidi ya watazamaji millioni 63.4 huku ikiwa na jumla ya subscribers 500, 000.