Tag: NADIA MUKAMI

Staa wa muziki nchini Nadia Mukami amewajibu wanaomkosoa kwenye mitandao wa kijamii kutokana na mavazi aliyovalia juzi kati kwenye onesho lake huko Meru. Nadia kupitia insta story kwenye mtandao wa Instagram amesema licha ya watu kukosoa mavazi yake mtandaoni onesho lake huko Meru ilipata mapokezi mazuri, ambapo ameenda mbali na kudai kuwa yeye ni moja kati wanawake ambao huwa hawakati tamaa kirahisi kwa sababu ni mpambanaji. Hitmaker huyo wa ngoma ya Zawadi amesema ataendelea kutia bidii kuhakikisha muziki wake unawafikia wengi kwani anafahamu kwamba wasanii wengi wa kike wamekuwa wakipitia changamoto nyingi kukubalika kwenye tasnia ya muziki nchini haswa baada ya kuwapata watoto katika maisha yao. “Now that I got your attention with the outfit, the event was successful. I am not a woman who gives up, I work hard. It is even harder when you have given birth, and you are a female artist. I alone, understand what I have been going through. It is challenging I have addressed the issues female artistes go through after giving birth.” Ameandika Instagram. Utakumbuka hii sio mara ya kwanza kwa Nadia Mukami kushambuliwa mtandaoni, mwaka wa 2020 watu walimtupia kila aina ya matusi kiasi cha kutangaza kuchukua mapumziko mafupi kwenye mitandao ya kijamii.

Msaniii kike nchini Nadia Mukami amewashauri kwa akina mama wa chang kukubali usaidizi pindi wanapohitaji wakiwa kwenye harakati za kuwalea wanao. Katika kikao cha maswali na majibu kwenye mtandao wa Instagram na Mashabiki zake Nadia amesema hatua hiyo itasaidia kuondokana na  matatizo ya afya akili yanatokana na malezi ya watoto. Katika hatua nyingine Nadia Mukami ametoa changamoto kwa vijana kujipanga kiuchumi kabla kuwapata watoto kwani majukumu ya malezi sio mapesi kama wengi wanavyodhani. Kauli ya Nadia Mukami inakuja mara baada ya kuweka wazi kuwa ameongeza uzito kutoka kilo 55 hadi 63 kutokana kula chakula kingi kwa ajili ya kupata maziwa ya kumnyonyesha mtoto wake Hasib Kai ambaye ana umri wa miezi miwili.

Msanii nyota nchini Nadia Mukami amefunguka tusiyoyajua kuhusu safari yake ya kumlea na kumnyonyesha mtoto wake wa kiume Hasib Kai ambaye ana umri wa miezi miwili. Katika kikao cha maswali na mashabiki zake kwenye mtandao wa Instagram Nadia Mukami amesema ameongeza uzito kutoka kilo 55 hadi 63 jambo ambalo amedai limechangiwa na yeye kula chakula kingi ili aweze kumnyonyesha mtoto wake bila kizingiti. Mbali na hayo hitmaker huyo wa ngoma ya “Zawadi” ameweka wazi baadhi ya vitu ambavyo alikuwa hapendi alipokuwa  mjazito kwa kusema kwamba hakuwahi vutiwa na nyama ya ngombe, maziwa pamoja na mkate. Hata hivyo kauli ya Nadia Mukami imezua hisia mseto miongoni mwa mashabiki zake ambapo wengi wamempongeza kwa hatua ya kumpa mtoto wake kipau mbele kwenye malezi tofauti na wanawake wengi  ambao hawapendi kuwanyonyesha watoto wao kwa ajili ya kulinda urembo wao.

Msanii nyota nchini Nadia Mukami amefunguka sehemu ambayo wanapata ufadhili wa wakfu wao Lola na Safari ambao unalenga kuwasaidia wasichana wenye umri mdogo waliopata watoto wakiwa wajanga. Katika mahojiano na Mungai Eve, Nadia amesema wamekuwa wakipata usaidizi kutoka kwa makampuni wanayofanya kazi nao lakini pia kutoka kwa wahisani na marafiki zao huku akitoa wito kwa yeyote anayetaka kutoa msaada wowote kufanya hivyo bila kusita ili waweza kuwasaidia watu wenye uhitaji kwa jamii. Hitmaker huyo wa “Zawadi” amesema wataendelea kurudisha fadhila kwa jamii bila kukoma huku akidokeza ujio wa tovuti ya wakfu wao wa lola na safari ambao waliuzindua kumuenzi mtoto wao aliyefariki mwaka jana kabla hajazaliwa. Mbali na hayo, Nadia amefunguka kuhusu ishu ya kubadili dini kwa kusema bado hajapata shinikizo kutoka kwa mchumba wake arrow boy huku akisisitiza kuwa hana mpango wa kufanya hivyo kwa kuwa upendo ndio dini iliyowaleta pamoja. Kuhusu msanii wake Latinoh, Nadia mukami amesema msanii huyo aliye chini lebo yake ya seven hub creative ataanza kuachia kazi zake mfululizo bila kupoa kama msanii huru hivi karibuni ikizingatiwa kuwa tayari wamefanya ngoma mbili pamoja ambazo Zawadi na Siwezi.

Msanii nyota nchini Nadia Mukami ameachia EP yake mpya ambayo ni zawadi kwa mashabiki zake na shukran kwa mwenyezi Mungu baada ya kujifungua salama. EP hiyo inakwenda kwa jina la Bundle of Joy ina jumla ya nyimbo 4 za moto ambazo amewashirikisha wakali kama Arrow boy, Latinoh na Iyanii. Kupitia ukurasa wake rasmi wa Instagram Nadia Mukami amesema EP hiyo aliitengeneza kipindi yupo na ujauzito wa Mtoto wake wa Kiume haseeb kai huku akidai kwamba aliwekeza moyo wake wote kwenye Bundle of Joy EP. EP hiyo ambayo ina nyimbo kama  Zawadi, Kai wangu, Acheni Mungu aitwe Mungu, na Salute kwa Mama inapatikana kwenye digital platforms mbali mbali za kustream muziki duniani ikiwemo boomplay. Bundle of Joy ni EP ya pili kwa mtu mzima Nadia Mukami ikizingatiwa kuwa mwaka wa 2020 aliwabariki mashabiki zake na EP iitwayo African Pop star iliyokuwa na jumla ya mikwaju 7 ya moto.

Msanii nyota nchini Nadia Mukami ametangaza kuachia EP mpya chini ya  lebo yake ya muziki ya Seven Hub Creatives ambayo ni zawadi kwa mashabiki zake na shukran kwa mwenyezi Mungu baada ya kujifungua salama. EP hiyo inakwenda kwa jina la Bundle of Joy itakuwa na jumla ya nyimbo 4 ambazo amewashirikisha wakali kama Arrow boy, Latinoh na Iyanii. Kupitia ukurasa wake rasmi wa Instagram Nadia Mukami ameshare artwork pamoja na Tracklist ya EP hiyo ambayo ina nyimbo kama  Zawadi, Kai wang, Acheni Mungu aitwe Mungu, na Salute kwa Mama. Hata hivyo amewataka mashabiki zake kukaa mkao wa kula kupokea Bundle of Joy  EP ambayo itaingia sokoni rasmi Aprili 21 mwaka wa 2022 kupitia mtandao wa Boomplay Kenya huku akitarajia kuachia video ya wimbo wake uitwao Zawadi ambayo amemshirikisha Latinoh siku ya kesho. Hii inaenda kuwa EP ya pili kwa mtu mzima Nadia Mukami ikizingatiwa kuwa mwaka wa 2020 aliwabariki mashabiki zake na EP iitwayo African Pop star iliyokuwa na jumla ya mikwaju 7 ya moto.

Msanii nyota nchini Nadia Mukami ametangaza kumsaini msanii wake mpya chini lebo ya muziki ya Sevens Creative Hub mwezi Februari mwaka huu wa 2022. Kupitia ukurasa wake wa instagram amesema atamtambulisha msanii wake mpya chini ya Seven creative huo Februari mosi mwaka wa 2022 ambapo amewataka mashabiki zake wakae mkao wa kumpokea msanii huyo ambaye pia ataachia video ya wimbo wake mpya ambayo amemshirikisha baada ya utambulisho wake. Verified Introducing our new artist 1st February 2022. In the first release, I feature the artist. New Music video loading…… @sevenscreative_hub For more details email: info@sevenscreativehub.com #AfricanPopStar #JengaSanaaNaSevens Hata hivyo wajuzi wa mambo kwenye mitandao ya kijamii wamehoji huenda msanii huyo akawa Ssaru ambaye kipindi cha nyuma alinukuliwa kwenye instagram yake akisema mapema mwaka huu atasainiwa na lebo ya Sevens Creative hub ambayo inamilikiwa na Nadia Mukami.