Tag: VJ Patelo

Msanii wa muziki wa Arbantone kutoka Kenya, VJ Patelo, ameonesha maumivu na hasira baada ya baadhi ya mashabiki kumtusi mke wake wakidai ana sura kombo wakati wa mazungumzo kupitia TikTok Live. Akijibu kwa ukali, VJ Patelo amewakemea waliotoa maneno hayo, akisema hawana haki ya kudharau mke wake wala kuingilia maisha yake binafsi. Ameeleza kuwa anampenda mke wake jinsi alivyo na hataruhusu mtu yeyote kumkashifu. VJ Patelo amesema iwapo kuna mtu anaona sura ya mke wake siyo nzuri, hilo halimhusu, akiwataka watu wajishughulishe na maisha yao badala ya kumdharau mtu ambaye yeye amechagua kumpenda. Katika mazungumzo hayo, VJ Patelo pia amejibu kwa hasira shinikizo kutoka kwa mashabiki waliomtaka arudi studio kuendelea na muziki. Amesema hana mpango wowote wa kurejea studio kwa sasa na akawaomba watu waache kufuatilia na kuingilia maisha yake binafsi.

Msanii wa Arbantone VJ Patelo ameibuka na mtazamo mkali kuhusu sakata linalomkabili mwanamuziki Bahati, baada ya mwanamke mmoja kujitokeza mtandaoni akidai ndiye mama halisi wa msanii huyo. Kwa mujibu wa VJ Patelo, huenda Bahati alimlipa mama huyo kwa lengo la kuvuta umakini wa mashabiki kabla hajaachia kazi mpya. Ameonekana kukosoa vikali hatua hiyo, akisema kuwa kitendo cha kuibua madai ya kifamilia kupitia mitandao ya kijamii kinaacha maswali mengi kuhusu ukweli wake. Kauli ya VJ Patelo imezua mijadala zaidi mtandaoni, mashabiki wakigawanyika kati ya wanaomuunga mkono na wanaoamini Bahati anapaswa kutoa ufafanuzi wa kina kuhusu madai hayo ya mama halisi.

Mke wa msanii wa Arbantone VJ Patelo, anayejulikana kwa jina Dee, amethibitisha kuwa ni mjamzito kufuatia maswali ya mashabiki waliotaka kujua sababu ya kutokuonekana hadharani katika siku za hivi karibuni. Kupitia ujumbe alioutoa kwenye mitandao ya kijamii, Dee amewaomba radhi mashabiki wake, hasa wale wa Lodwar, kwa kutojumuika nao katika matukio ya hivi karibuni na kueleza kuwa hali yake ya ujauzito imemlazimu kupumzika kwa muda. Mwanamama huyo, amesema kuwa mashabiki wanapaswa kuelewa hali yake kwa sasa na akaahidi kwamba atashiriki kwenye matukio ya burudani mara atakapokuwa na nguvu za kutosha. Kauli yake inakuja baada ya VJ Patelo kufanya club appearance wiki hii bila mke wake, hali iliyozua maswali kutoka kwa mashabiki waliotaka kufahamu sababu ya kutokuwepo kwake.

Msanii kutoka Kenya VJ Patelo amekanusha vikali tetesi zilizokuwa zikisambazwa mitandaoni kwamba alivamiwa na kuibiwa Chains zake za dhahabu katika eneo la Dandora, Nairobi. Akijibu madai hayo, Patelo amesema anashangazwa na watu wanaobuni stori za uongo ili kutafuta umaarufu na kufuata vichwa vya habari. Ametoa msimamo wake kwamba hajawahi kuibiwa wala kushambuliwa Dandora, na kwamba ukimya wake mtandaoni ni wa kawaida kutokana na ratiba zake binafsi. Aidha, amewataka wafuasi wake kupuuza taarifa zisizo na msingi na kuendelea kumuunga mkono katika kazi zake za sanaa. Uvumi huo ulianza baada ya jamaa mmoja kudai kuwa Patelo alinyang’anywa mali zake, jambo ambalo limepelekea mashabiki wengi kuhoji ni kwa nini hakuwa akiposti kwenye mitandao ya kijamii kwa siku mbili zilizopita.